Mukaanda kuri bari Ngalatya 2:17 - Musamu Wamubwete 2013

¹⁷ Na mbuti heki mu kusaka kuba balulukusu mu Kiristo, tumonokini beetu-meene se, ti turi bangaa-masumu, buri lo Kiristo beeri kisari kya masumu? Pele, kuri ti bele ko.

Mukaanda kuri bari Ngalatya 2:17 ပူးပေါင်းရင်းမြစ်များ

Musamu wamubwete watina Matayi 1:21

Nde sa kabuta mwaana wa mubakala na ye sa wamuteele nkuumbu Yesu; bukuri nde sa kabvuukisa baatu baandi mu masumu ma bo.»

Musamu wamubwete watina Luka 20:16

Nde sa kiisa, na sa kadzusa bakamuni ba bviinya babo, na sa kaha bviinya kuri bakimi.» Bamanaa kuyuka, bo baleele: «Mya bubwo miri mbeele ko.»

Mukaanda kuri bari Loma 11:7

Hango buri? Bikwesaka Isaheli, wahele kubibaka; ngo kasi wunde wu bari basoolu wabibaka; ngo bakaka babakubisa mutima,

Mukaanda kuri bari Loma 15:8

Mukwongo, me nyileele ti, Kiristo wayisa kuba kisari kya bateende bubakala, mu ntoono ngwanwa ya Nzaambi, mu kukukisa nsiilulu dzi basiriri bataayi.

Mukaanda kuri bari Loma 3:4

Ti bele na dyo pe! Nzaambi ngaa-ngwanwa, ngo kasi mpisi muutu wuri na mpya, bunu bu diri dyatinu: «Ye yelemini kuba wasuunguma mu nzoonsulu yaaku, mpisi ye luuluka ha bakutsuundisa.»

Mukaanda kuri bari Loma 3:6

Ti bele na dyo pe! Lo dyaburi Nzaambi mbasi-tsuku katsuundisila nsi?

Mukaanda kuri bari Ngalatya 2:11

Ntaangu ya yisiri Kefa ku nsi ya Antyoke, me nyamutungukila ha kidziri, bukuri nde waba wayelemene kutaambula maseembu.

Mukaanda kuri bari Ngalatya 2:15

Beetuneenu twabutuka Bayudayo, twahele kufumuna mu kaanda dya bahele kuba Bayudayo, bangaa-masumu.

Mukaanda kuri bari Ngalatya 3:21

Buri Mangisi mari kitaatu na nsiilulu [dza Nzaambi]? Pele, kuri ti bele ko! Mukwongo, mbuti kuri ngisi yi baheeri yakuka mu kuha kidziingu, lo ngwanwa nsungumunu yikwiisikilaa mu Mangisi.

Mukaanda kuri bari Ngalatya 6:14

Me ngo wuri, nyahele kusa nzala-kubila mu kitotolo, mbuti kari mu kuruwa dya Mfumu yeetu Yesu Kiristo ko, mu dyo, nsi yayeki yakomono mu ntoono ya me, na me bankomono mu ntoono ya nsi.

Mukaanda kuri Bahebeleho 8:2

Kisari mu nzo yangisi na mu musaampu wangwanwa, watuungu kuri Mfumu, nkani ka kuri muutu ko.

1 Yow 3:5

Beenu luyaari kuri ti: Kiristo wamonikini mu kuyusula masumu, na mu nde mwahele masumu.