Mukaanda kuri bari Ngalatya 2:14 - Musamu Wamubwete 2013

¹⁴ Kasi me monaana ti, bahele kwedyaatila kunsa ngwanwa ya Musamu Wamubwete, me nyaleele kuri Kefa ha busu bwa bobanso ti: «Mbuti ye Muyudayo, wahele kwedyaatila bunu Muyudayo kasi bunu muutu wahele kuba Muyudayo, lo dyaburi ye wutsiitsa kukwiikisa bahele kuba Bayudayo mu kuba na mbeelu Bayudayo?»

Mukaanda kuri bari Ngalatya 2:14 ပူးပေါင်းရင်းမြစ်များ

Biyiriki bya Bantumu 10:28

Nde waleele kuri bo ti: "Beenu luyaari ti diri dyadiku kuri Muyudayo mu kukaangama bunu pe mu kukokosolo na wunde wahele Muyudayo; ngo kasi Nzaambi soongiri me ti yaa ndeele kuri muutu ko ti wasumuka bunu pe wuri mviindu.

Biyiriki bya Bantumu 15:1

Bamosi banangukini ku nsi ya Yudaya, bayikisa kuri bampaangi ti: «Mbuti beenu lwahele kuteende bubakala, bunu buri kifu kya Moose, lo beenu lubvuuka ko.»

Biyiriki bya Bantumu 15:24

Bu twayukiri ti babamosi mu beetu bu bayisiri kuri beenu, kuri twahele kubaha ntumunu, balubamisini mu miheebulu,

Biyiriki bya Bantumu 15:5

Bamosi bari mu kabu dya ba Bafarisi basii kanyi bateleme, baleele ti: "Buri bwayelemene ti bateende bubakala, mu kukebe mangisi ma Moose."

Mukaanda kuri bari Loma 14:14

Me nyaari, na nyiri na nsiitu mu Mfumu Yesu, ti kuri kyasumuka mu kyo-meene ko; ngo mbuti muutu habaanaa wusa kitsimi ti kitotolo ki kyasumuka, lo mu nde kyeki kyasumuka.

Mukaanda kuri bari Ngalatya 1:18

Tumi, mibvu mitatu bu myaluta, me nyatoomboko ku Yerusalemi mu kuyaabisina na Kefa, na nyadzakala kuri nde biluumbu kuumi na bitaanu.

Mukaanda kuri bari Ngalatya 1:6

Me nyimono dyo dya nkimukunu, ti mu mawasu-mawasu, beenu lutekele mbisa, kuri wunde waluteele mbila mu bweese [bwa Kiristo], mu ntoono Musamu mukimi Wamubwete.

Mukaanda kuri bari Ngalatya 2:3

Tito, Muhelene waba na me, basii kumukwiikisa kuteende bubakala ko.

Mukaanda kuri bari Ngalatya 2:5

ngo kasi kuri bo, ti mu kilookolo kimosi, beetu twasii kubaheele nyutu ko, mpisi heki ngwanwa ya Musamu Wamubwete yisa kikuundi kuri beenu.

Mukaanda kuri bari Ngalatya 2:7

Ngo kasi, bo bamwiini kuri ti me bampeeri Musamu Wamubwete mu kunata kuri bahele kuteende bubakala, bunu bu baheeri se, Musamu Wamubwete kuri Petelo, mu kunata kuri bateende bubakala.

Mukaanda kuri bari Ngalatya 2:9

Yakobo, Kefa na Yowane, bari kubahololo bunu makuunsi, bamanaa kubakula ti me bampeeri bweese, batuha mamboto, beetu na Barnaba mu kusoongo kidiimbu kya nyukusunu, mpisi heki beetu tweende kuri makaanda, na bo beende kuri bateende bubakala.

Mukaanda kuri bari Ngalatya 6:12

Bobanso bari na nzala-kubila mu muswinyi, batiiri kulukwiikisa kuteende bubakala, mpisi heki bahele kuba bakwaamusu mu ntoono ya kuruwa dya Kiristo.

Mukaanda kuri bari Kolosayi 1:5

mu ntoono nsiitu yibari balusweekele mu mayulu, yi luri lwatekesele kuyuka, mu maampu mangwanwa ma Musamu Wamubwete.

1 Tim 5:20

Babwiiri mu masumu, lo baseembe ha busu bwa baatu bobanso, mpisi baatu bakaka se baba na boomo.

Mukaanda kuri Bahebeleho 12:13

Suungukee manzila ma lukwedyaatila mu miilu myeenu, mpisi heki mubeeru kuulu kahele kusuumbuka ngo katsiinika.

Mukaanda kuri Bahebeleho 9:10

Mimyo mini mikele mya kimuutu, mu mitariri byandya, bya kunwa na nswaakulu nyutu ya bitsuumbu-bitsuumbu, mi bari baha mya kubvumina natee mu ntaangu ya nyiingulu misamu.