Mukaanda kuri bari Ngalatya 2:11 - Musamu Wamubwete 2013

¹¹ Ntaangu ya yisiri Kefa ku nsi ya Antyoke, me nyamutungukila ha kidziri, bukuri nde waba wayelemene kutaambula maseembu.

Mukaanda kuri bari Ngalatya 2:11 ပူးပေါင်းရင်းမြစ်များ

Musamu wamubwete watina Matayi 16:23

Yesu bu kasyeeteke, waleele kuri Petelo ti: «Satana, ba ku mambisa ma me. Ye wubumisa me makya, bukuri ma wutsima ye mari ma Nzaambi ko, ngo ma baatu».

Musamu wamubwete watina Yowane 1:42

Nde wamunata kuri Yesu. Yesu bu kamutala, waleele ti: «Ye ngo Simoni, mwaana Yowane, ye sa bakuteele mu nkuumbu ya Kefa» mbangukulu ti «Petelo».

Biyiriki bya Bantumu 11:19

Hango babo babatsyamikisa mu nwanusunu yanata lufwa lwa Estefano, bayookolo natee ku Foyiniki, ku Kiporo, na ku Antyoke, kwahele kuyikisa maampu kuri muutu, mbuti ka kunu ku Bayudayo.

Biyiriki bya Bantumu 11:20

Bunu bamosi mu bo, baba bari Kiporo na bari Kirene, bayisiri ku Antyoke bayikisa kuri Bahelene mu nyabusulu Musamu Wamubwete wu Mfumu Yesu.

Biyiriki bya Bantumu 11:22

Musamu wayukukuna mu makutu ma badibuundu bari ku Yerusalemi. Bo baheeke Barnaba mu kuyookolo kukwo natee ku Antyoke.

Biyiriki bya Bantumu 11:27

Mu biluumbu bibyo babikiri basunduka ku Yerusalemi mu kweende ku Antyoke.

Biyiriki bya Bantumu 15:1

Bamosi banangukini ku nsi ya Yudaya, bayikisa kuri bampaangi ti: «Mbuti beenu lwahele kuteende bubakala, bunu buri kifu kya Moose, lo beenu lubvuuka ko.»

Biyiriki bya Bantumu 15:5

Bamosi bari mu kabu dya ba Bafarisi basii kanyi bateleme, baleele ti: "Buri bwayelemene ti bateende bubakala, mu kukebe mangisi ma Moose."

2 Kol 11:5

Mukwongo, me nsimini ti nyahele kubvula buntele, na bantumu ba beenu babanene babo, mu ntoono ti mosi.

2 Kol 12:11

Me nyeki kilawuku bukuri beenu lwankwikisiri. Mukwongo me nyaketi kubaka ntumunu kuri beenu, bukuri me nyahele kubvula buntele, na bantumu ba beenu babanene babo, mu ntoono ti mosi, ti hayuku nyiri wabuunu.

2 Kol 5:16

Hango-nkuumbu, kubandika lumalu beetu twahele kuyaaba muutu mu muswinyi; na mbuti twayaaba Kiristo mu muswinyi, lo mu lumalu twahele bweese kumuyaabila bubwo.

Mukaanda kuri bari Ngalatya 1:18

Tumi, mibvu mitatu bu myaluta, me nyatoomboko ku Yerusalemi mu kuyaabisina na Kefa, na nyadzakala kuri nde biluumbu kuumi na bitaanu.

Mukaanda kuri bari Ngalatya 2:14

Kasi me monaana ti, bahele kwedyaatila kunsa ngwanwa ya Musamu Wamubwete, me nyaleele kuri Kefa ha busu bwa bobanso ti: «Mbuti ye Muyudayo, wahele kwedyaatila bunu Muyudayo kasi bunu muutu wahele kuba Muyudayo, lo dyaburi ye wutsiitsa kukwiikisa bahele kuba Bayudayo mu kuba na mbeelu Bayudayo?»

Mukaanda kuri bari Ngalatya 2:5

ngo kasi kuri bo, ti mu kilookolo kimosi, beetu twasii kubaheele nyutu ko, mpisi heki ngwanwa ya Musamu Wamubwete yisa kikuundi kuri beenu.

Mukaanda kuri bari Ngalatya 2:7

Ngo kasi, bo bamwiini kuri ti me bampeeri Musamu Wamubwete mu kunata kuri bahele kuteende bubakala, bunu bu baheeri se, Musamu Wamubwete kuri Petelo, mu kunata kuri bateende bubakala.

Mukaanda kuri bari Ngalatya 2:9

Yakobo, Kefa na Yowane, bari kubahololo bunu makuunsi, bamanaa kubakula ti me bampeeri bweese, batuha mamboto, beetu na Barnaba mu kusoongo kidiimbu kya nyukusunu, mpisi heki beetu tweende kuri makaanda, na bo beende kuri bateende bubakala.

1 Tim 5:20

Babwiiri mu masumu, lo baseembe ha busu bwa baatu bobanso, mpisi baatu bakaka se baba na boomo.

Mukaanda wa Yakobo 3:2

Mukwongo, beetu-banso turi mu kwebwa kwalaka. Mbuti muutu wahele kubwa mu nzoonsulu, lo wunde muutu wakuka, wubangisina kutwaalisa nyutu yaandi yoyinso.

Mukaanda Yuda 1:3

Banduku ba mutima, me mbeeri kwaandi na musoongo walaka mu kulutinina, mu dyaambu dya mvuukulu yeetu ya kintwaari, ngo mwiini mufunu mu kulutinina, mpisi nyilusyaamisa mu kunwaana mu ntoono kanyi, di bari bayakisa kwakinkulu kuri bangisi.