Mukaanda kuri bari Kolosayi 3:5 - Musamu Wamubwete 2013

⁵ Ngo hoteenu kusalila bifu bya nsi: buyala, nsumukunu, mantiilu mamabi, nyiimunu dzadzibi, na ntiki-mboongo yiri nsambukulu-biteki.

Mukaanda kuri bari Kolosayi 3:5 ပူးပေါင်းရင်းမြစ်များ

Musamu wamubwete watina Matayi 15:19

Bukuri mu mutima mu palaana: bitsimi byabibi, munzusu baatu, kimpala, buyala, kwiibi, bimbaangi byampya na nsaanunu.

Mukaanda kuri bari Loma 1:26

Hango-nkuumbu, Nzaambi kari kabayekele mu mantiilu mansoni. Mukwongo, bakyeetu ba bo bahotiri kwepala na babakala, mu kwesakisina na bambaasi bakyeetu.

Mukaanda kuri bari Loma 1:29

Bayeki baluula mu momanso ma bubayi, mu mutima-bubi, mu ntiki-mboongo, mu nyirikulu mamabi; baluula mu musoki, nzusulu baatu, mu mayumu, mu mawunu, mu ndyaatulu dzadzibi. Bo bangaa-saana,

Mukaanda kuri bari Loma 6:13

Yaa lusalila binamu byeenu, bunu bisalulu bya bubayi mu kuyirika masumu ko. Ngo kasi beenu-meene salileenu Nzaambi, bunu baatu bamwooyo bafulukusu mu bafwa, na salileenu binamu byeenu, bunu binwaanunu bya nsungumunu mu kusalila Nzaambi.

Mukaanda kuri bari Loma 6:6

Bu tuyaari kuri ti, muutu weetu wamukulu bayeki bamukomono kintwaari na nde, mpisi heki nyutu ya masumu yiba yatsyaamunu, na tuhele kubweese kuba bankutu ba masumu.

Mukaanda kuri bari Loma 7:23

Ngo me nyimono kiteesu kikimi mu binamu byaami, kiri mu kunwaanisa ngisi ya nyukulu yaami, na kukotoso me boroko dya ngisi ya masumu, yiri kunsa binamu bya me.

Mukaanda kuri bari Loma 7:5

Mukwongo, mu ntaangu yi twaba twakiri kwedyaatila mu kimuutu, mantiilu ma masumu mu nzila ya mangisi, maba kwesalaana mu binamu byeetu, mu kubuta bimbutu binata ku lufwa.

Mukaanda kuri bari Loma 8:13

Mukwongo, mbuti luri bamwooyo mu muswinyi, lo sa lwafwa; ngo kasi, mbuti mu Mpeeve, lo ludzusiri biyiriki bya kimuutu, na sa lwaba bamwooyo.

1 Kol 5:1

Bari mu kweleele ti, ha kakati dya beenu kuri buyala; buyala buri, ti ha kakati dya bangooyi kwahele mya bubwo; kuri lo muutu wakitula mukasi taayi weki mukasi nde.

1 Kol 6:11

Babamosi mu beenu bubwo baba, kasi lwayeki lwaswaaku, lwayeki lwataambula bungisi, lwayeki lwalulukusu mu nkuumbu ya Mfumu Yesu Kiristo, na mu Mpeeve ya Nzaambi yeetu.

1 Kol 6:13

Byandya bya mwooyo biri, na mwooyo wa byandya, ngo Nzaambi sa katsyaamuna byobyoolo. Nyutu yiri ya buyala ko, ngo ya Mfumu, na Mfumu wa nyutu.

1 Kol 6:18

Bateenu buyala. Mpisi masumu, mari muutu wumayirika, lo mari ku mbasi nyutu. Ngo wusa buyala, wuyirikaana masumu mu nyutu ya nde-meene.

2 Kol 12:21

Me nyibata kuri ti, ha nyibweese kwiisa, Nzaambi kankulula ha busu bwa beenu, na me nkoto bufwiiri, mu ntoono balaka bayirikiri masumu mu ntaangu yayikulu, na bahele kuyiinga madyeele mu kuhoto kuyirika, mya nsumukunu, mya kimpala na mya buyala.

Mukaanda kuri bari Ngalatya 5:24

Babo bari ba Kiristo [Yesu], bayeki bakomono muswinyi na mantiilu, na nyiimunu dzaandi.

Mukaanda kuri bari Efeso 4:19

Bo basaala na nsoni mu bo-meene ko, bayeki bayekele manyutu maaku mu buyala, mu kweyirika nsumukunu dza bitsuumbu-bitsuumbu mu kiteesu kya makwa.

Mukaanda kuri bari Kolosayi 2:11

Mu nde se, beenu bari baluteende bubakala, mu nteendulu yahele kuba ya myooko mya baatu, ya nyubukulu nyutu ya muswinyi, ngo mu nteendulu ya Kiristo.

1 Tes 4:3

Kutya kwa Nzaambi kuri ti, beenu luba bangisi na luhele kwesalila buyala.

1 Tes 4:5

kwahele kuba mu lutumu lwa mantiilu mamabi, bunu bangooyi bari bahele kuyaaba Nzaambi.

1 Tim 6:10

Mukwongo, ntiilu ya mboongo ngo mwaansi wa momanso mamabi; babamosi bakaangama mu yo, bayeki badziimbisa kanyi, na bakomono manyutu maaku mu mburi manyoongi.

Mukaanda kuri Bahebeleho 12:16

Yaa kuba muutu ti mosi, wakiyala bunu pe, wahele kwebvumina bitotolo byangisi, bunu Esawu wayarikiri bukuutu bwaandi mu kilaambu kimosi.

Mukaanda kuri Bahebeleho 13:4

Hemese makweele maba makiinsa kuri bobanso, na mbuka ya makweele yaa yiba yasumunu ko, bukuri Nzaambi sa katsuundisa biyala na bangaa-kimpala.

Mukaanda kuri Bahebeleho 13:5

Ndyaatulu yeenu, yaa yiba yatwaalusu mu ntiki-mboongo ko, monee kiminu mu bini bi luri na byo. Bukuri nde-meene Nzaambi waleele ti: «Me nyikupatila ko, me nyikuyekele ko.»

Mukaanda wa Yakobo 4:1

Kuri kukoofuminaa midziingu, na nwanusunu ha kakati dya beenu? Buri kari mu mantiilu meenu mamabi, makwenwaana munsa binamu byeenu ko?

1 Pet 2:11

Banduku ba mutima, me nyilusyaamisa bunu minzakikiri miri ku bunzeense, mu kukaanga mutima, mu kuhele kubwa mu nyiimunu dza muswinyi, dzikwenwaanisa muheebulu.

Nyabusulu ya Yowane 21:8

Nkani kuri babo bari na boomo, bahele kukwiikama, bangaa-bubi, badzusi, biyala, bangaa-makundu, misaambiri mya biteki, na bobanso bangaa-mpya, saala dya bo ngo dyaanga dya mbaawu ya mile, lulwo ngo lufwa lwadzoolo.»

Nyabusulu ya Yowane 22:15

Bambwa, bangaa-makundu, biyala, badzusi, misaambiri mya biteki, na mpisi wunde wutyaanaa mpya, na wusalilaa mpya, ku mbasi baba.