Mukaanda kuri bari Kolosayi 3:13 - Musamu Wamubwete 2013

¹³ Yendeenu lwekuunda bambaasi beenu na beenu, na kwehemesene beenu na beenu. Mbuti mosi mu beenu wuri na mwaa munyoongi mu mbaasi, lo bunu bwaluhemesene Mfumu, beenu se seenee bubwo.

Mukaanda kuri bari Kolosayi 3:13 ပူးပေါင်းရင်းမြစ်များ

Musamu wamubwete watina Matayi 5:44

Ngo me nyiluleele ti: Tyeenee bataatu beenu, na saambilee mu babo bakwelunwaanisa,

Musamu wamubwete watina Matayi 6:12

Tuhemesene bubi bweetu, bunu bu twahemisini beetu se babee tuyirikila mamabi.

Musamu wamubwete watina Malako 11:25

Lubaanaa lwateleme luri mu kusaambila, mbuti lwakebele muutu kooti, lo muhemesene, mpisi heki taayi dya beenu se diri mu mayulu, kaluhemesene lumvuki lweenu.» [

Musamu wamubwete watina Luka 11:4

Tuhemesene masumu meetu, bukuri beetu-meene se tukoohemisinaa mpisi watuyirikila dyadibi; na yaa tunata mu nsindukulu ko."»

Musamu wamubwete watina Luka 23:34

[Haho, Yesu waleele ti: «Taata, wubahemesene, bukuri bahele kuyaaba ma bari mu kuyirika.»] Bo bakabula binkuta bya nde mu nteelulu wari.

Mukaanda kuri bari Loma 15:7

Hango-nkuumbu, yendee lwetaambula bambaasi beenu na beenu, bunu bwa lutaambula Kiristo se mu ntoono nkeembu Nzaambi.

2 Kol 2:10

Beenu lusiilaa muutu mpemisi, lo me se nyimusiriri mpemisi; mukwongo, mpemisi ngo yiri me nyasa, na mbuti nyasiila muutu mpemisi mu musamu, lo mu ntoono beenu, ha busu bwa Kiristo,

2 Kol 6:6

mu nsyemukunu, mu nyaabulu, mu nkindusulu-mutima, mu mbweeyulu-mutima, mu Mpeeve Yangisi, mu ntiilu yahele bumpitu-bumpyoongo,

Mukaanda kuri bari Ngalatya 6:2

Yendeenu lwenatisina binati beenu na beenu, mu bubwo, beenu lukukisa Mangisi ma Kiristo.

Mukaanda kuri bari Efeso 4:2

mu nkulukulu yoyinso, mu bundeembu, mu nkindusulu-mutima, mu kwekuunda bambaasi beenu na beenu mu ntiilu.

Mukaanda kuri bari Efeso 4:32

Beeneenu na mbweeyulu-mutima mu beenu na beenu, bangaa-bundeembu, kwehemesene beenu na beenu, bunu bwa luhemesene Nzaambi mu Kiristo.

Mukaanda kuri bari Efeso 5:2

na dyaatileenu kunsa ntiilu, bunubwo se Kiristo kari kalutiila, na kayekele nyutu yaandi kuri Nzaambi mu kikabu na mu kumudzusa, mu ntoono beetu, bunu mananaasi ma mfuku yayibwete.

Mukaanda kuri bari Kolosayi 3:12

Ngo bu luri lwasoolu kuri Nzaambi, luri bangisi, na lwatya kuri nde, beeneenu na mutima wa ngebe, wa mbweeyulu, wa nkulukulu, wa bundeembu na wa nkindusulu.

Mukaanda wa Yakobo 2:13

Mukwongo, mutsuundu wahele na ngebe kuri wunde wahele na ngebe; ngo muutu ngaa-ngebe wahele na boomo bwa mutsuundu.

1 Pet 2:21

Mukwongo, mu bubwo bari baluteele mbila, bukuri Kiristo se wabamini mu ntoono beenu; nde walusisikila kifwaani, mpisi heki beenu lunama mu bitaambi byaandi.