Mukaanda kuri bari Kolosayi 2:8 - Musamu Wamubwete 2013

⁸ Seenee madyeele, muutu mu beenu kahele kubwa mu mweete wa madyeele ma nzoonsulu, na mu mawunu mabuunu, bunu buri kikulu kya baatu, na bunu buri bitotolo bya nsi, byahele kuba mu Kiristo.

Mukaanda kuri bari Kolosayi 2:8 ပူးပေါင်းရင်းမြစ်များ

Musamu wamubwete watina Matayi 10:17

Seenee madyeele mu baatu, bukuri sa baluyekele kuri kikuutu, na mu manzo mankutukunu ma bo, na sa balulata nkwaasulu;

Musamu wamubwete watina Matayi 16:6

Yesu waleele kuri bo ti: «Talee na seenee madyeele mu lufunusu lwa Bafarisi na Basaduki.»

Musamu wamubwete watina Matayi 7:15

«Seenee madyeele mu babikiri ba mampya, bo bari mu kwiisa kuri beenu kuri balwaata mikaanda mya bimeeme, ngo kunsa-kati bango-mbulu bansisi.

Biyiriki bya Bantumu 17:18

Babamosi se baba kooleelaa ti ba-epikure na ba-estoyiko baba yolaa na nde. Bamosi baba leelaa ti: "Ngaa-lusuku wu se ti nki katiiri kuleele?" Bakaka ti: "Bunu ti muyikisi banzaambi banzeense nde kari", bukuri nde waba yaabisaana Musamu wamubwete wa Yesu na mfulukulu ya bafwa.

Biyiriki bya Bantumu 17:32

Bu bayuka mfulukulu ya bafwa, babamosi bamusiila munsiku, bakaka baleele ti: "beetu ngo bari tumi bee tukuywiila mu mamo kiluumbu kikimi."

Mukaanda kuri bari Loma 16:17

Bampaangi, me nyilusyaamisa mu kusa madyeele, mu baatu bakwesa nkabunu na bakwelubumusa makya, mu nyikusulu dzi luri lwataambula; batekelee mbisa;

1 Kol 10:12

Mu didyo, wunde wutsima ti wateleme, kasa madyeele kahele kubwa.

1 Kol 8:9

Seenee madyeele, kuri heki miswa mi luri na myo, mihele kubumisa makya kuri bari na buyonsi.

2 Kol 10:5

na mpinu dzodzinso dza masiiku dzikwetungukula nyaabulu ya Nzaambi, mpisi tukitula bitsimi bya baatu kuri heki batumuma kuri Kiristo,

Mukaanda kuri bari Ngalatya 1:14

Mu kinzaambi kya Bayudayo, me nyaba mvuriri kiteesu na ba turi kiseendu kimosi, ba kitsuumbu kya me. Me nyaba nyakaangama kwalaka mu kikulu kya bakuutu baami.

Mukaanda kuri bari Ngalatya 4:3

Beetu se bwobumosi, bu twaba twakiri mwaa-baala, twaba kunsa bunkutu bwa misamu mya nsi.

Mukaanda kuri bari Ngalatya 4:9

Ngo mu lumalu, bu lumwaayaaba Nzaambi, dibvuriri bubwete diri lumwaayabakana kuri Nzaambi, dyaburi beenu lubweese kubvutuka kuri bitotolo byahele makwa na byabuunu, mu nzala kubweese kuba bankutu kuri byo?

Mukaanda kuri bari Ngalatya 5:15

Ngo mbuti beenu lukwetatikaa na lukwekaakila bambaasi beenu na beenu, lo seenee madyeele, mpisi heki luhele kwefwilisina beenu na beenu.

Mukaanda kuri bari Efeso 2:2

mu mo, beenu lwaba kwedyaatilaana mu ntaangu yayikulu, bunu buri bifu bya nsi yimayi, bunu buri lutumu lwa mfumu mpinu dza kingye-kingye, mpeeve yiyo yiri mu kwesala mu lumalu, ha kakati dya baala ba tungu.

Mukaanda kuri bari Efeso 4:20

Ngo beenu kari bubwo ko, luri lwayika mu kuyaaba Kiristo.

Mukaanda kuri bari Efeso 5:6

Yaa kuba muutu wuluwuna mu misamu myahele mufunu ko, bukuri mu mimyo nkesi dza Nzaambi dzikwiisaana ha yulu baala ba nko.

Mukaanda kuri bari Filipo 3:2

Seenee madyeele mu bambwa, seenee madyeele mu bisari byabibi, seenee madyeele mu nteendulu bubakala yampya.

Mukaanda kuri bari Kolosayi 2:18

Yaa lutala ko ti babo bakwemono kiminu mu kiteesu kya nkulukulu, na mu kwesaambila bambasi, baluwuungula. Bo bakwekengese bitotolo kwa buunu, na bakwesiika mu bitsimi bya kimuutu kyaaku.

Mukaanda kuri bari Kolosayi 2:20

Mbuti beenu lufwa na Kiristo mu mya nsi, dyaburi beenu luri mu kwetumuma mu mya nsi bunu ti beenu luri mwooyo mu mya nsi?

Mukaanda kuri bari Kolosayi 2:22

byobinso bibyo bikoofuuka mu kubisalila, bunu buri mangisi na nyikusulu dza baatu.

Mukaanda kuri bari Kolosayi 2:23

Byobinso bibyo bisoongo madyeele mu nsambukulu, mu nkulukulu, na nkwamusunu nyutu; koomosoko byahele na ndaandu, ti hayuku biyukitisaa muswinyi.

1 Tim 6:20

Ye Timoteho, kebe maampu ma bari bakuha, yende webata nzoonsulu dza bungooyi dza mukangala, na nkalikisi dza madyeele mampya,

2 Tim 3:13

Ngo baatu bababi na bangaa-bumpitu-bumpyoongo, sa bahamisa kudyaatila kunsa mabvuriri bubi, mu kwewumuna baatu, bu bari bawumuka bo-meene.

Mukaanda kuri Bahebeleho 13:9

Yaa lutala ko ti, baluwumuna mu nyikusulu dza bitsuumbu-bitsuumbu dzanzeense. Bukuri buri bwabubwete, ti mutima kaba wasyaamusu mu bweese, nkani ka mu mangisi ma byandya, mari babo bakoomabvuminaa, babakilaa mo ndaandu ko.

Mukaanda kuri Bahebeleho 3:12

Seenee madyeele, bampaangi, mpisi kuhele kuba mu beenu muutu ti mosi, wuba na mutima-bubi, wahele na kanyi, wutatuka na Nzaambi yamwooyo,

1 Pet 1:18

bu luyaari kuri ti, kari mu bitotolo bifuukila ko, mboongo bunu pe woolo, beenu bari balukuula mu ndyaatulu yeenu yabuunu, yi luri lwakondolo kuri bataayi beenu,

2 Pet 3:17

Ngo beenu, banduku ba mutima, bu lumwaalubuka, seenee madyeele, mpisi heki luhele kuba bawumunu, mu nzimbusulu ya baatu bahele na mangisi, na luhele kubwa mu nsiitu ya beenu-meene.

2 Yow 1:8

Seenee madyeele beenu-meene, mpisi heki luhele kudziimbisa bi turi twasala, ngo lutaambula mufutu wakuka.