Mukaanda kuri bari Kolosayi 2:4 - Musamu Wamubwete 2013

⁴ Me nyiri mu kuleele mamo, mpisi heki muutu kahele kaluwumuna mu nzoonsulu dza lupyelu.

Mukaanda kuri bari Kolosayi 2:4 ပူးပေါင်းရင်းမြစ်များ

Musamu wamubwete watina Matayi 24:24

Bukuri babo bari Kiristo dyampya na babikiri bampya sa bateleme. Bo sa bayirika bidiimbu byabinene na bimaangu, mu kiteesu kya kuwumuna, mbuti bwakuka basoolu.

Musamu wamubwete watina Matayi 24:4

Yesu wabvutula kuri bo, waleele ti: «Seenee madyeele, muutu ka kwiisa kuluwumuna.

Musamu wamubwete watina Malako 13:22

bukuri ba-Kiristo bampya, na babikiri bampya, sa bateleme, sa bayirika bidiimbu na bimaangu mu kiteesu kya kuwumuna basoolu, mbuti buri bwakuka.

Biyiriki bya Bantumu 20:30

na munsa beenu se sa kwateleme baatu ba kwesa biwobiri, mu kunata bayiki ha mambisa ma bo.

1 Kol 2:4

Mu maampu na mu nyaabusulu dzaami, mwaba mwahele nzoonsulu dza madyeele dziri lo baatu bataambula, ngo kasi nsoongulu ya mpinu dza Mpeeve,

2 Kol 11:3

Ngo bunu bwaba wuna nyoko Eva mu lupyelu lwaandi, me nyibata ti bitsimi bibiya na biba la na nkulukulu na nsyemukunu ha busu bwa Kiristo.

Mukaanda kuri bari Ngalatya 2:4

Kwaba kwaandi na bampaangi bampya, ba mumpitu, bayolimiki ha kakati dya beetu mu kwetukete kunsa bunsaalisi bweetu, bu turi na bwo mu Kiristo Yesu, mpisi heki batusa bankutu,

Mukaanda kuri bari Efeso 4:14

Haho lo tubweese kuba baala, banyingusu na bakweyende mu mpisi kiteembu kya nyikusulu dza kimpa kya baatu, mu lupyelu lwa bo ko, na mu mawunu na lumvuki lwa bo.

Mukaanda kuri bari Efeso 4:17

Mu didyo, me nyileele na nyitswiikisa mu Mfumu ti, yaa lubweese kwedyaatila bunu bangooyi ko bakwedyaatila mu madyeele ma bo-meene mahele mufunu.

Mukaanda kuri bari Efeso 5:6

Yaa kuba muutu wuluwuna mu misamu myahele mufunu ko, bukuri mu mimyo nkesi dza Nzaambi dzikwiisaana ha yulu baala ba nko.

Mukaanda kuri bari Kolosayi 2:18

Yaa lutala ko ti babo bakwemono kiminu mu kiteesu kya nkulukulu, na mu kwesaambila bambasi, baluwuungula. Bo bakwekengese bitotolo kwa buunu, na bakwesiika mu bitsimi bya kimuutu kyaaku.

Mukaanda kuri bari Kolosayi 2:8

Seenee madyeele, muutu mu beenu kahele kubwa mu mweete wa madyeele ma nzoonsulu, na mu mawunu mabuunu, bunu buri kikulu kya baatu, na bunu buri bitotolo bya nsi, byahele kuba mu Kiristo.

2 Tim 2:16

Bata nzoonsulu dza bungooyi dzamukangala, bukuri bari na nzoonsulu dza bubwo, sa bahamisa kukoto kunsa bungooyi;

2 Tim 3:13

Ngo baatu bababi na bangaa-bumpitu-bumpyoongo, sa bahamisa kudyaatila kunsa mabvuriri bubi, mu kwewumuna baatu, bu bari bawumuka bo-meene.

1 Yow 2:18

Mwaa-baala, ki ngo kilookolo kya mpotulu, bunu bu lwayukiri ti mutaatu Kiristo wuri mu kwiisa, mu lumalu bataatu ba Kiristo balaka bamwaakwiisa; mu didyo beetu tuyaari ti ki ngo kilookolo kya mpotulu.

1 Yow 2:26

Me nyalutinini mamo mu dyaambu dya bakweludziimbisa.

1 Yow 4:1

Banduku ba mutima, yaa lwesiila kanyi mu mpisi mpeeve ko, ngo fyongokinee mampeeve, mbuti ma Nzaambi mari; bukuri babikiri bampya balaka bamwaakwiisa mu nsi.

2 Yow 1:7

Bawumuni balaka bamwaatsamukina mu nsi. Bo bahele kwetaambula ti Yesu Kiristo wayisa mu muswiini. Wunde ngo muwumuni, mutaatu-Kiristo.

Nyabusulu ya Yowane 12:9

Batuba ha butoto Maŋataŋo mamanene, nyoko yayikulu, yi bateele ti dyabulu na Satana, wunde wudziimbisa nsi yansiina, bamutuba ha butoto, bambasi baandi se babatuba kintwaari na nde.

Nyabusulu ya Yowane 13:8

Bobanso badzakala ha butoto, sa basaambila kibulu kikyo; bobanso bari mankuumbu mahele kutina, mu mukaanda wa mwooyo wa Mwaana kimeeme, wubakekiri, kuholosono kunu mbandukulu nsi.

Nyabusulu ya Yowane 20:3

Mbasi yamutuba ku lubila, yakaanga na yasa kinyemu, mpisi heki maŋataŋo kahele kubweese kwewumuna makaanda, natee kukuka fuunda dya mibvu. Ha mambisa haho, bayelemini kumupatula mu mwaa-ntaangu yantele.

Nyabusulu ya Yowane 20:8

na sa kapala mu kwewumuna makaanda, mari mu manto ma butoto mo mana, Ngoongo na Mangoongo, mpisi makutukina mu mudziingu. Lutaangu lwa mo luri bunu munyeenge wa mubu.