Mukaanda kuri bari Kolosayi 2:20 - Musamu Wamubwete 2013

²⁰ Mbuti beenu lufwa na Kiristo mu mya nsi, dyaburi beenu luri mu kwetumuma mu mya nsi bunu ti beenu luri mwooyo mu mya nsi?

Mukaanda kuri bari Kolosayi 2:20 ပူးပေါင်းရင်းမြစ်များ

Musamu wamubwete watina Yowane 15:19

Mbuti beenu lwaba ba nsi, nkani nsi yaketi kulutya, bukuri beenu lwaketi kuba ba yo. Ngo bukuri, me nyalusooriri na nyalupalisiri mu nsi, na beenu lwahele kubweese kuba baatu ba nsi, mu ntoono yiyo, nsi yiri mu kulubele.

2 Kol 10:3

Mukwongo, mu kimuutu turi mu kwedyaatila, ngo kari mu kimuutu turi mu kwenwaanina ko.

Mukaanda kuri bari Ngalatya 4:3

Beetu se bwobumosi, bu twaba twakiri mwaa-baala, twaba kunsa bunkutu bwa misamu mya nsi.

Mukaanda kuri bari Ngalatya 6:14

Me ngo wuri, nyahele kusa nzala-kubila mu kitotolo, mbuti kari mu kuruwa dya Mfumu yeetu Yesu Kiristo ko, mu dyo, nsi yayeki yakomono mu ntoono ya me, na me bankomono mu ntoono ya nsi.

Mukaanda kuri bari Efeso 2:15

Nde wayisila lutumu lwa Mangisi na misiku, mpisi heki mu nde-meene, nde kayirika mu bo boolo, muutu ndemosi wamoono, mu kusa kiyeengi,

Mukaanda kuri bari Kolosayi 2:14

Nde wayaala mukaanda wamubi wa mfuundulu bunu buri mangisi, wayisila nde mu kumukomono ha kuruwa.

Mukaanda kuri bari Kolosayi 2:16

Ngo yaa kuba na muutu wulutsuundisa mu ntoono byandya na nwiinunu ko, bunu pe mu ntoono munkeembu, bunu pe mu ntoono ngoondo yamoono, bunu pe mu ntoono kiluumbu kya mpuumunu.

Mukaanda kuri bari Kolosayi 2:21

"Yaa holo, yaa biimba, na yaa belemene ko,

Mukaanda kuri bari Kolosayi 2:8

Seenee madyeele, muutu mu beenu kahele kubwa mu mweete wa madyeele ma nzoonsulu, na mu mawunu mabuunu, bunu buri kikulu kya baatu, na bunu buri bitotolo bya nsi, byahele kuba mu Kiristo.

Mukaanda kuri bari Kolosayi 3:3

Bukuri beenu lwafwa, na kidziingu kyeenu kyasweeku kintwaari na Kiristo mu Nzaambi.

Mukaanda kuri Bahebeleho 13:9

Yaa lutala ko ti, baluwumuna mu nyikusulu dza bitsuumbu-bitsuumbu dzanzeense. Bukuri buri bwabubwete, ti mutima kaba wasyaamusu mu bweese, nkani ka mu mangisi ma byandya, mari babo bakoomabvuminaa, babakilaa mo ndaandu ko.

Mukaanda wa Yakobo 4:4

Bangaa-kimpala! Buri beenu lwahele kuyaaba ti kinduku na nsi ngo kitaatu na Nzaambi? Mpisi wunde wutiiri kuba nduku nsi, lo kitukiri mutaatu Nzaambi.

1 Yow 5:19

Tuyaari ti beetu turi baatu ba Nzaambi, na nsi yoyinso yiri kunsa bubi.