Mukaanda kuri bari Kolosayi 1:6 - Musamu Wamubwete 2013

⁶ Musamu meene watubuka natee kuri beenu, bwobumosi se kari mu nsi yansiina, wuri mu kwebuta bimbutu na wuri mu kwebuuka; bunubwo se kari mu kwesala mu beenu, kuholosono kiluumbu ki luri lwayuka, na ki luri lwabakula bweese bwa Nzaambi kunsa ngwanwa.

Mukaanda kuri bari Kolosayi 1:6 ပူးပေါင်းရင်းမြစ်များ

Musamu wamubwete watina Matayi 24:14

Musamu Wamubwete wa Kimfumu sa kaba wayikusu mu nsi yansiina, mpisi kiba kimbaangi kuri makaanda momanso, heki tumi manunu yiisa.»

Musamu wamubwete watina Matayi 28:19

Hango, bu lukweende, seenee makaanda momanso bayiki, mu kubabotoko mu nkuumbu ya Taata, na ya Mwaana, na ya Mpeeve Yangisi,

Musamu wamubwete watina Malako 16:15

Nde wabaleele ti: «Yendee mu nsi yansiina, lweyaabisa Musamu Wamubwete kuri biyiriki byobinso.

Musamu wamubwete watina Malako 4:8

Nsaangi dzakaka dzabwa ha butoto bwabubwete. Miti myamene, myabuuka na myabuta bimbutu. Myamimosi myabaka makuumi matatu, myakaka makuumi masaamunu, na myakimi nkama.»

Musamu wamubwete watina Yowane 15:16

Kari beenu lwasooriri me ko; kasi meenu nyalusooriri na nyalusuusa, mpisi heki beenu lweende na lubuta bimbutu, na bimbutu byeenu binamitina kuba, mpisi heki ma luloombo kuri Taata mu nkuumbu yaami, nde kaluha.

Musamu wamubwete watina Yowane 17:19

[Me] nyisa bungisi mu me-meene mu ntoono bo, mpisi heki bo se baba bangisi mu ngwanwa.»

Musamu wamubwete watina Yowane 4:23

Ngo kilookolo kiri mu kwiisa, na mu lumalu kimwaatubuka, kiri minsaambiri myangwanwa, sa basaambila Taata mu mpeeve na mu ngwanwa, bukuri minsaambiri mya bubwo, Taata kari mu kusaka.

Biyiriki bya Bantumu 11:18

Bo bu bayuka mamo, bawura na badumisa Nzaambi, baleele ti: "Na kuri bangooyi se Nzaambi heeri nyiingulu madyeele ma kidziingu.

Biyiriki bya Bantumu 12:24

Hango maampu ma Nzaambi maba kweyukuna kwalaka na kwefununa.

Biyiriki bya Bantumu 16:14

Ngo mukyeetu mosi, nkuumbu Lidya, waba tuywiilaana, nde waba muyariki mansaanda mamabwe mabeenge, waba ku bvula dya Tyatira, nde waba bvuminaa Nzaambi. Mfumu wa dzibula mutima nde, kuri nde kangamini mu mimyo mya ba dzoonsaana Pawulo.

Biyiriki bya Bantumu 26:18

Me nyikuheekiri mu kudzibula miisu mya bo, mpisi bapala mu mampimbisi biisa ku buungi, bapala na mu lutumu lwa Satana, mu kuba mu lwa Nzaambi, mu kutaambula mpemusunu ya masumu, na bataambula kikuuku ha kakati dya bangisi mu kanyi dibasa mu me."

Mukaanda kuri bari Loma 1:13

Bampaangi, me ntii ko ti beenu luba kunsa lubu. Mantaangu malaka me nkootsimaa kwiisa, mu kutolo bimbutu kuri beenu na kuri makaanda makaka, ngo natee mu lumalu me bankabikisa.

Mukaanda kuri bari Loma 15:19

mu mpinu dza bidiimbu na dza bimaangu, mu mpinu dza Mpeeve ya Nzaambi. Mu didyo, me kuholosono ku Yerusalemi na ku lumperi natee ku nkoonsi ya Iluriko, nyakukisila kuyaabisa Musamu Wamubwete wa Kiristo.

Mukaanda kuri bari Loma 15:28

Me manaa kuyirika mamo, na manaa kubaha lubakusu lulwo, me sa ndutula kuri beenu ha nyikweende ku Espanya.

Mukaanda kuri bari Loma 16:26

Mpaanu dzidzo dzamonokono mu lumalu, mu matinu ma babikiri, mu lutumu lwa Nzaambi yahele mbandukulu na manunu, mu kuri ti makaanda momanso mabaka nyaabulu na matumuma mu kanyi.

2 Kol 10:14

Mukwongo, beetu twahele kuluta mandilu, ngo beetu twatubuka na Musamu Wamubwete wa Kiristo natee kuri beenu.

2 Kol 6:1

Ngo bukuri tukwesala kintwaari na nde, beetu tulusyaamisa mu kuhele kuhololo kwa buunu, bweese bwa Nzaambi buluri lwataambula.

Mukaanda kuri bari Efeso 3:2

Kampe beenu lwayukiri, bunu buri kisalu kya bweese bwa Nzaambi kibari baha me, mu ntoono beenu.

Mukaanda kuri bari Efeso 4:21

Mbuti heki beenu lwayuka mi kari kaleele nde-meene, na mu nde, beenu baluyikisa, bunu buri ngwanwa yiri mu Yesu,

Mukaanda kuri bari Efeso 4:23

Kitukeenu baatu bamoono, mu mpeeve ya madyeele meenu,

Mukaanda kuri bari Efeso 5:9

Mukwongo, kimbutu kya buungi kiri mu nyirikulu momanso ma mbweeyulu, ma nsungumunu, na ma ngwanwa.

Mukaanda kuri bari Filipo 1:11

na luba lwaluula mu biyiriki bya nsungumunu bifumunaana mu Yesu Kiristo, mu nkeembu na ndumusu bya Nzaambi.

Mukaanda kuri bari Filipo 4:17

Kari kuri ti me nyisaka bi bankabula ko, ngo me nyisaka kuri ti ndaandu yiba yabuukula kuri beenu.

Mukaanda kuri bari Kolosayi 1:10

kuri ti beenu lwedyaatila mu nzelu yayelemene mu Mfumu, mu kubweeye kuri mu myominso, mu kubuta bimbutu mu mpisi kiyiriki kyakibwete, na kubuuka mu nyaabulu ya Nzaambi.

Mukaanda kuri bari Kolosayi 1:23

Ngo luyelemini kunamitina kuba batuunguma, na kuba na keketee mu kanyi, kwahele kusasika mu nsiitu ya Musamu Wamubwete wu luri lwayuka, wu bari bayaabisa kuri biyiriki byobinso ha butoto, na wu nyayeki me Pawulo kisari.

1 Tes 1:5

Mukwongo, Musamu beetu Wamubwete wahele kutubuka kuri beenu, munu mu nzoonsulu kitsu, ngo se mu mpinu, mu Mpeeve Yangisi na mu nyukusulu ya musundu, bunu bu luyaari bu twaba beetu ha kakati dya beenu, mu ntoono beenu.

1 Tes 2:13

Hango-nkuumbu, beetu tubvutulaana matoondo kuri Nzaambi mpisi ntaangu, bukuri maampu ma Nzaambi ma luri lwayuka kuri beetu, beenu lwamataamburi, kari bunu maampu ma baatu ko, ngo bunu bu mari maampu ma Nzaambi ma ngwanwa, ma kwesala mu beenu basiilaana kanyi.

2 Tes 2:13

Beetu ngo bari, tuyelemini kubvutula matoondo kuri Nzaambi mpisi ntaangu, mu ntoono beenu bampaangi batya kuri Mfumu, bukuri Nzaambi walusoolo bunu mintekesele, mu kuba babvuuka kunsa bungisi buluha Mpeeve, na kanyi mu ngwanwa.

1 Pet 5:12

Mu lubakusu lwa Silvano, wu nyihololaa me bunu mpaangi yakwiikama, me nyilutinini mwaa-mukaanda wumawu, mu kulusyaamisa na mu kuta kimbaangi, ti bweese bwa Nzaambi bu luri lwasiila nsiitu buri bwangwanwa.