Mukaanda kuri bari Kolosayi 1:12 - Musamu Wamubwete 2013

¹² bvutuleenu matoondo kuri Taata, wasa kuri ti luba bakuka mu kutaambula kikuuku kya saala dya bangisi kunsa buungi.

Mukaanda kuri bari Kolosayi 1:12 ပူးပေါင်းရင်းမြစ်များ

Musamu wamubwete watina Matayi 25:34

Haho, mbyaasi sa kaleele kuri bari ku lubakala lwaandi: "Waseenu, beenu bari taayi dya me walusakumuna; taambuleenu saala ngo kimfumu kibari baluyirikila tekesele nyirikulu nsi.

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Musamu wamubwete watina Yowane 20:17

Yesu waleele kuri nde: «Yaa belemene me ko! Bukuri me nyakiri kutoomboko pe kuri Taata; ngo kasi yende kuri bampaangi ba me, na leele kuri bo ti: Me ntoombokiri kuri Taayi dyaami, na Taayi dya beenu, na Nzaambi yaami na Nzaambi yeenu.»

Musamu wamubwete watina Yowane 4:23

Ngo kilookolo kiri mu kwiisa, na mu lumalu kimwaatubuka, kiri minsaambiri myangwanwa, sa basaambila Taata mu mpeeve na mu ngwanwa, bukuri minsaambiri mya bubwo, Taata kari mu kusaka.

Biyiriki bya Bantumu 20:32

Mu lumalu, me nyiluyekele beenu-banso kuri Nzaambi na kuri maampu ma bweese bwaandi, nde wuri na mpinu dza kutuunga nzo na dza kuha saala kuri bobanso basakumunu.

Biyiriki bya Bantumu 26:18

Me nyikuheekiri mu kudzibula miisu mya bo, mpisi bapala mu mampimbisi biisa ku buungi, bapala na mu lutumu lwa Satana, mu kuba mu lwa Nzaambi, mu kutaambula mpemusunu ya masumu, na bataambula kikuuku ha kakati dya bangisi mu kanyi dibasa mu me."

Mukaanda kuri bari Loma 11:17

Ngo mbuti mu muti wu bakunini, bimpaala byabimosi byatabulu, na ye wuri muti wa ku musitu, bakukwiikiri mu muti wunde, mu kuba kintwaari na bimpaala byasaala, na kutaambula maampa mafumuna mu myaansi,

Mukaanda kuri bari Loma 15:27

Bo bamwiini ti buri bwabubwete, na babee na kibiimbu kuri bo; bukuri mbuti makaanda mataamburi mamabwe ma kimpeeve kuri bo, lo mo se mayelemini kubasalila, mu bya mbakulu ya muswinyi.

Mukaanda kuri bari Loma 8:17

Mbuti turi baala, lo turi se bakondiri ba saala: bakondiri ba saala dya Nzaambi, bakondiri kintwaari na Kiristo, mbuti heki tubamaa na nde, mpisi heki tuba se bakeembese na nde.

Mukaanda kuri bari Loma 9:23

Nde watiiri se kuyaabisa busina bwa nkeembu yaandi, kuri bisa bikari kabakila ngebe, bi katekisiri kuyirika mu ntoono nkeembu yaandi.

1 Kol 8:6

Ngo kasi, mu beetu lo Nzaambi yomosi yiri, Taayi, mu nde byobinso biri byafumuna, na beetu turi ba nde; Mfumu se yomosi yiri, Yesu Kiristo, byobinso byayirimina mu nde, na beetu turi mwooyo mu nde.

1 Kol 9:23

Me nyikweyirika momanso mamo, mu ntoono Musamu Wamubwete, mpisi heki me mbaka kikuuku.

2 Kol 11:14

Diri dya nkimukunu ko, bukuri Satana nde-meene wuswemekinaa mu kifwaani kya mbasi ya buungi.

2 Kol 5:5

Wunde watuyirika mu kutaambula mamo ngo Nzaambi, nde watuha bidiimbu bya Mpeeve.

Mukaanda kuri bari Efeso 1:11

Mu nde, beetu twataambula saala mu nteelulu wari, batekesele kutusoolo, bunu buri bitaasi bya wunde wuyirikaana momanso, bunu buri kutya kwaandi,

Mukaanda kuri bari Efeso 1:18

Hemese Nzaambi katsyeemese mwiinunu yeenu mu mitima, mpisi lubakula nkya nsiitu yiri mu mbila yikari kaluteele, nkya busina bwa nkeembu yiri mu saala dyaandi, ha kakati dya bangisi,

Mukaanda kuri bari Efeso 2:18

Bukuri mu nde, beetu turi na miswa, bamosi na bakaka, mu Mpeeve yomosi, mu kuba hari Taata.

Mukaanda kuri bari Efeso 3:6

Mu nzila ya Musamu Wamubwete, makaanda se meki bakondiri ba saala mu kintwaari, bari mu nyutu mosi, na bataambula ha kimosi na Bayudayo, lusiilulu luri mu Yesu Kiristo.

Mukaanda kuri bari Efeso 4:6

Nzaambi mosi yiri, Taayi dya bobanso, wutuma bobanso, wukwesala mu bobanso, na wuri mu bobanso.

Mukaanda kuri bari Efeso 5:11

na yaa lweba kintwaari mu biyiriki byahele mufunu bya mampimbisi ko, ngo kasi bitungukilee.

Mukaanda kuri bari Efeso 5:20

Bvutulee matoondo mpisi ntaangu, mu myominso, kuri Taayi Nzaambi, mu nkuumbu ya Mfumu yeetu Yesu Kiristo.

Mukaanda kuri bari Efeso 5:4

Mantoono mamabi, nzoonsulu dza budzeeke bunu pe dzansoni, byahele kuyelemene ha kakati dya beenu; ngo kasi byayelemene mvutukulu matoondo.

Mukaanda kuri bari Efeso 5:8

Mu ntaangu yayikulu beenu lwaba mampimbisi; mu lumalu beenu lweki buungi mu Mfumu. Yendee lwedyaatila bunu baala ba buungi.

Mukaanda kuri bari Kolosayi 2:2

Me ntiiri ti mitima mya bo miba myasyaamusu, baba babvuutuna mu kintwaari kunsa ntiilu, na mu kubaka busina bwobunso bwa nduululu ya madyeele, mu nyaabulu mpaanu dza Nzaambi, ngo Kiristo,

Mukaanda kuri bari Kolosayi 3:15

Hemese kiyeengi kya Kiristo, ki bari baluteelele mbila mu nyutu mosi, kituma mitima mya beenu. Beeneenu bayaari kubvutula matoondo.

Mukaanda kuri bari Kolosayi 3:17

Na momanso ma lutsiitsa kuyirika mu nzoonsulu, bunu pe mu biyiriki, yirikilee momanso mu nkuumbu ya Mfumu Yesu, mu mvutukulu matoondo mu nde, kuri Taata Nzaambi.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Mukaanda kuri Bahebeleho 12:23

bebele na dibuundu dya babutuka batete, batinuma ku mayulu, na Nzaambi mutsuundisi wa bobanso, na biluunsi bya basuunguma batubuka ku nyirimunu,

Mukaanda kuri Bahebeleho 3:1

Hango, bampaangi bangisi, beenu luri kintwaari mu mbila ya ku yulu, siilee mutima mu wunde wuri ntumu, na mukuutu bangaanga-nzaambi, wu turi twasiila kanyi, ngo Yesu.

Mukaanda kuri Bahebeleho 3:14

Bukuri beetu turi bakweyeende kintwaari na Kiristo, mbuti tukebiri na keketee kibeendu kyeetu ku mbandukulu natee ku manunu.

Mukaanda wa Yakobo 3:9

Mu lwo, tusakumunaa Mfumu wuri Taata; na mu lwo se tubulilaa baatu mampopi, bari mu kifwaani kya Nzaambi.

1 Pet 5:1

Me nyisyaamisa bakulu ba babakala bari ha kakati dya beenu. Me se nyiri mukulu-bakala bunu bo, mbaangi mu mpasi dza Kiristo, na nyiri kintwaari mu nkeembu yiba yayabakana.

1 Yow 1:3

Mamo ma turi twamono, ma turi twayuka, tuyaabisa mo se kuri beenu, mpisi heki beenu se luba mu kintwaari na beetu. Ngo kintwaari kyeetu, kintwaari na Taata na Mwaana waandi Yesu Kiristo.

Nyabusulu ya Yowane 21:23

Bvula dyaba dyahele na nzala ntaangu, bunu pe na nzala ngoondo, mu kuri ti kuba buungi mu bvula; bukuri nkeembu Nzaambi yaba muha buungi, na Mwaana kimeeme ngo mwiinda waandi.

Nyabusulu ya Yowane 22:14

Kiminu kiri na babo baswaakaa madzweele maaku, mpisi heki baba na miswa mu kudya bimbutu bya muti wa bumwooyo, na mu kukoto mu myeelu kunsa bvula.

Nyabusulu ya Yowane 22:5

Butsuku bubweese kuba ko; na babweese kuba na nzala buungi bwa mwiinda na bwa ntaangu ko, bukuri Mfumu Nzaambi sa kasa buungi kuri bo, na sa batuma mu bibvu ngo bibvu.