Mukaanda kuri bari Kolosayi 1:10 - Musamu Wamubwete 2013

¹⁰ kuri ti beenu lwedyaatila mu nzelu yayelemene mu Mfumu, mu kubweeye kuri mu myominso, mu kubuta bimbutu mu mpisi kiyiriki kyakibwete, na kubuuka mu nyaabulu ya Nzaambi.

Mukaanda kuri bari Kolosayi 1:10 ပူးပေါင်းရင်းမြစ်များ

Musamu wamubwete watina Yowane 15:16

Kari beenu lwasooriri me ko; kasi meenu nyalusooriri na nyalusuusa, mpisi heki beenu lweende na lubuta bimbutu, na bimbutu byeenu binamitina kuba, mpisi heki ma luloombo kuri Taata mu nkuumbu yaami, nde kaluha.

Musamu wamubwete watina Yowane 15:8

Mu bumabu Taayi dyaami kaba wakeembese, habaanaana beenu lubuta bimbutu byalaka, na lusoongo kuri ti beenu bayiki baami.

Musamu wamubwete watina Yowane 17:3

Kidziingu kya mantaangu mpmanso ngo kimaki: bayaaba ye, Nzaambi yomosi kitsu yangwanwa, na wunde wu wuri waheeke, Yesu Kiristo.

Mukaanda kuri bari Loma 1:13

Bampaangi, me ntii ko ti beenu luba kunsa lubu. Mantaangu malaka me nkootsimaa kwiisa, mu kutolo bimbutu kuri beenu na kuri makaanda makaka, ngo natee mu lumalu me bankabikisa.

Mukaanda kuri bari Loma 4:12

Na nde kaba taayi dya bateende bubakala, kari dya bani bateende bubakala ko, ngo se bakwenama bitaambi bya kanyi dya taayi dyeetu, Abalaami bu kaba wakiri bubakala kuteende pe.

Mukaanda kuri bari Loma 6:4

Ngo beetu batudziika kintwaari na nde, mu mbotokulu mu lufwa, mpisi heki bunu bwafulukiri Kiristo mu bafwa, mu nkeembu ya Taayi, bunubwo se beetu, twedyaatila mu kidziingu kyamoono.

2 Kol 2:14

Matoondo kuri Nzaambi! Nde wuri mu mpisi ntaangu wutululukisaa mu Kiristo, na wukwepukulaa mu mpisi kibeendu, mfuku ya nyaabulu yaandi mu beetu.

2 Kol 4:6

Bukuri Nzaambi waleeriri ti: «Mu mampimbisi, buungi sa bwaseme!» Nde wasemini mu mitima myeetu, mu kusoongo nteendele ya nyaabulu nkeembu Nzaambi, ku busu bwa Yesu Kiristo.

2 Kol 5:9

Hango-nkuumbu, beetu di tutiiri mu kubweeye kuri nde, ti tuba mu nyutu yi, bunu pe tupala mu yo.

2 Kol 9:8

Nzaambi wakuka mu kululuulusa mu mabweese ma bitsuumbu-bitsuumbu, mpisi heki mu mantaangu momanso beenu luba na byakuka, na luba se na bya mansaalisi mu kweyirika momanso mamabwe,

Mukaanda kuri bari Efeso 1:17

mpisi heki Nzaambi ya Mfumu yeetu Yesu Kiristo, Taayi dya nkeembu, kaluha mpeeve ya madyeele na ya nyabusulu, mu kuyaaba nde.

Mukaanda kuri bari Efeso 2:10

Mukwongo, beetu turi biyiriki bya Nzaambi, nde watuyirika mu Kiristo Yesu, mu kuba na biyiriki byabibwete, bi kari katekesele kuyirika, mpisi tubisalila.

Mukaanda kuri bari Efeso 4:1

Me nyilusyaamisa, me nyiri boroko mu ntoono Mfumu, mu kudyaatila mu kiteesu kyayelemene na mbila yiyo yibari baluteele,

Mukaanda kuri bari Efeso 4:13

natee bu tutubukiri beetu-banso, mu kintwaari kya kanyi na kya nyaabulu Mwaana Nzaambi, mu muutu wabuuka, mu kiteesu kya kuba na mutele wasuka wa Kiristo.

Mukaanda kuri bari Efeso 5:10

Yaabeenu kuswaasisa mari mamabwe ha busu bwa Mfumu,

Mukaanda kuri bari Efeso 5:15

Ngo seenee madyeele na bunkete mu ndyatulu yeenu, yaa luba bunu biwulu ko, ngo beenee bunu bangaa-madyeele,

Mukaanda kuri bari Efeso 5:2

na dyaatileenu kunsa ntiilu, bunubwo se Kiristo kari kalutiila, na kayekele nyutu yaandi kuri Nzaambi mu kikabu na mu kumudzusa, mu ntoono beetu, bunu mananaasi ma mfuku yayibwete.

Mukaanda kuri bari Filipo 1:11

na luba lwaluula mu biyiriki bya nsungumunu bifumunaana mu Yesu Kiristo, mu nkeembu na ndumusu bya Nzaambi.

Mukaanda kuri bari Filipo 1:27

Beenu ngo bari dyaatileenu mu kiteesu kyayelemene na Musamu Wamubwete wa Kiristo, mpisi heki, ti hayuku me nyiisiri kulumono, bunu pe nyahele kuba na beenu, me nyuka ti beenu luri na keketee mu mpeeve yomosi, na luri mu kwenwaana mu kitsimi kyokimosi, mu ntoono kanyi mu Musamu Wamubwete,

Mukaanda kuri bari Filipo 4:18

Me nyataambula byobinso, na nyiri na byabuukula, me nyaluula bu nyataamburi bi lwampeekiri kuri Epaforodito, biri bunu mananaasi ma mfuku yayibwete, kikabu kya kudzusa kyataambulu na kyabweeye kuri Nzaambi.

Mukaanda kuri bari Kolosayi 2:19

Bo bahele kukaangama na mutu, bwakaangama nyutu yoyinso, mu biyikulu na misiinga mya nyutu, kuri nyutu yikwebuuka mu mbuukulu yifumunaa kuri Nzaambi.

Mukaanda kuri bari Kolosayi 2:6

Ngo bu lwayeki lwataambula Kiristo Yesu Mfumu, dyaatilee mu nde,

Mukaanda kuri bari Kolosayi 3:20

Baala, tambukilee mu momanso kuri bataayi na banguri beenu, bukuri buri bwabubwete mu Mfumu.

Mukaanda kuri bari Kolosayi 4:5

Dyaatilee mu madyeele ha busu bwa baatu ba ku mbasi; salilee ntaangu.

1 Tes 2:12

Beetu twaba kweluboondaana, kwelusyaamisaana, na kweluyingukilaana mu kuba na ndyaatulu yitiiri Nzaambi, nde wuri mu kuluteele mu kimfumu na mu nkeembu yaandi.

1 Tes 4:1

Mu misiiri bampaangi, beetu tululoombo na tulusyaamisa mu Mfumu. Bu lwayeki lwayika kuri beetu ndyaatulu yayelemene mu kubweeye kuri Nzaambi, bunubwo se luri mu kwedyaatila, ngo bweeseenu kutoombolo kiteesu.

2 Tim 2:4

Kuri muutu ko wuri kakotaana mu buyongolo, bweesiri kakaangama mu misamu mya kidziingu, mbuti tiiri kubweeye kuri wunde wa muholo mu kisalu.

Mukaanda kuri Tito 3:1

Baambula mwooyo kuri bo ti, bayelemini kuba batumuma kuri baatu balukiinsu na kuri bari na lutumu; baba na bintambukulu, na baba bayirima mu mpisi kiyiriki kyakibwete.

Mukaanda kuri Tito 3:14

Baatu ba beetuneenu se, bayelemini kuyika kuheele mutima mu biyiriki byabibwete, mu kubaka bibari na nzala byo bya mufunu, mpisi heki bahele kuba baatu bahele na bimbutu.

Mukaanda kuri Bahebeleho 11:5

Mu kanyi, Enoki bamunata ku yulu mpisi kahele kumono lufwa, na basii bweese kumumono ko, bukuri Nzaambi wamuneti, ngo tekesele bamunata, nde bamuteeriri kimbaangi ti wabweeye kuri Nzaambi.

Mukaanda kuri Bahebeleho 13:16

Yaa ludzimikina nyirikulu mamabwe ko, na kwebakisina beenu na beenu, bukuri Nzaambi wumonaa kiminu mu bikabu bya bubwo.

Mukaanda kuri Bahebeleho 13:21

kaluha makwa ma kuyirika myominso myamibwete, mu kukukisa kutya kwaandi, kayirika mu beetu mamo mamabwete, ha busu bwa Yesu Kiristo, kuri nde kuba nkeembu mu bibvu ngo bibvu. Amene!

2 Pet 1:8

Mukwongo, lubaanaa luri na mamo, na mabuukila mu beenu, lo maluha bubolo ko, na malusa bisita ko, mu nyaabulu Mfumu yeetu Yesu Kiristo;

2 Pet 3:18

Buukeenu kunsa bweese, na nyaabulu ya Mfumu na Mubvuukisi weetu Yesu Kiristo. Kuri nde, kuba nkeembu lumalu, natee mu kiluumbu kyahele mbandukulu na manunu! Amene.

1 Yow 3:22

na mpisi ma tuloombo, tumataambula kuri nde, bukuri beetu tukebaa ntumu dzaandi, na tuyirikaa mamabwe ha busu bwaandi.

1 Yow 5:20

Ngo kasi tuyaari ti, Mwaana Nzaambi wayisa, na watuha madyeele mu kuyaaba Wangwanwa; na turi kunsa Wangwanwa, mu Mwaana waandi, Yesu Kiristo. Nde wuri Nzaambi yangwanwa, na kidziingu kya mantaangu momanso.

3 Yow 1:6

Bo bateeriri ye kimbaangi, ha busu bwa Dibuundu, mu ntiilu yi wuri na yo. Ye yelemini kubaha bi bari na nzala byo, mu budyeengi bwa bo, mu kiteesu kyayelemene mu Nzaambi.