Biyiriki bya Bantumu 9:3 - Musamu Wamubwete 2013

³ Mu ntaangu yi kari mu kweende, wakokosolo na Damasiko, na sisuu, buungi bwafumini ku yulu, bwamudzungukila,

Biyiriki bya Bantumu 9:3 ပူးပေါင်းရင်းမြစ်များ

Biyiriki bya Bantumu 22:6

«Bu nyaba mu nzila, na nyeki kokosolo na Damasiko mu nkati-mwiini, bu nyeki monaa na sisuu, buungi bwansisi bwandyengekele mpele na mpele.

Biyiriki bya Bantumu 9:17

Ananya wayende na wakoto mu nzo, na bu kamutetekele myooko, waleele ti: "Sawuli mpaangi yaami, Mfumu heekiri me, Yesu wukumonikinye mu nzila yi bee kwiisa, mpisi heki ye bweese kumono, na se ba waluulusu mu Mpeeve."

Biyiriki bya Bantumu 9:27

Ngo Barnaba bu kamuholo, wamunata kuri bantumu, na Sawulo wabaangula kuri bo, bunu bu kamwiinini Mfumu mu nzila, na bunu bu kadzoonsiri kuri nde, na bunu bu kadzoonsiri, ku Damasiko, mu nsiitu nkuumbu Yesu.

1 Kol 15:8

Ha mambisa ma bobanso, nde wayisa kumonokono kuri me se, nyiri bunu mwaa-mwaana wabutuka kwahele kukukisa mangoondo.

1 Kol 9:1

Buri me nyiri na bunsaalisi ko? Buri me nyiri ntumu ko? Buri me nyasii mono Mfumu yeetu Yesu ko? Buri beenu luri kisalu kya me mu Mfumu ko?

1 Tim 6:16

Kuri wunde wuri, wunu nde kitsu wuri kafwaana ko, wadzakala kunsa buungi buri bwa kukokosolo pe, wuri muutu ti mosi kamumwii ko, na katsiitsa kumumono ko, kuba lukiinsu na mpinu dzahele manunu. Amene.

Nyabusulu ya Yowane 21:23

Bvula dyaba dyahele na nzala ntaangu, bunu pe na nzala ngoondo, mu kuri ti kuba buungi mu bvula; bukuri nkeembu Nzaambi yaba muha buungi, na Mwaana kimeeme ngo mwiinda waandi.

Nyabusulu ya Yowane 22:5

Butsuku bubweese kuba ko; na babweese kuba na nzala buungi bwa mwiinda na bwa ntaangu ko, bukuri Mfumu Nzaambi sa kasa buungi kuri bo, na sa batuma mu bibvu ngo bibvu.