Biyiriki bya Bantumu 7:2 - Musamu Wamubwete 2013

² Estefano wabvutula: "Bampaangi na bataayi, yukeenu. Nzaambi ya nkeembu wamonikini kuri Abalaami, taayi dyeetu bu kaba ku Mesopotamya tekesele kadzakala ku Karana.

Biyiriki bya Bantumu 7:2 ပူးပေါင်းရင်းမြစ်များ

Musamu wamubwete watina Matayi 6:13

Yaa tunata mu nsindukulu ko; ngo ye tukuula kuri Ngaa-bubi."»

Musamu wamubwete watina Luka 2:14

«Nkeembu kuri Nzaambi kunu kinsongi-yulu, na kiyeengi ha butoto, kuri baatu ba katiiri.»

Musamu wamubwete watina Yowane 1:14

Ngo Maampu mayeki makituka muutu, nde wayisa kuba ha kakati dya beetu, waluula mu bweese na mu ngwanwa, na beetu twamono nkeembu yaandi, nkeembu yiri bunu yitaambulaana mwaana ndemosi kuri Taayi.

Musamu wamubwete watina Yowane 12:41

Esaya waleele bubwo, bukuri nde wamwiini munkeembu Yesu, na wadzoonsolo mu ntoono nde.

Biyiriki bya Bantumu 22:1

"Bampaangi na bataata, yukee ma nyileele me mu kukalila nyutu yaami."

Biyiriki bya Bantumu 23:7

Nde bu kamana kuleele bubwo, yumu dyabwa ha kakati dya Bafarisi na Basaduki; mpuumbu yakabuka.

Biyiriki bya Bantumu 7:1

Mukuutu bangaanga-nzaambi wamufuula ti: "Buri mamo mari mangwanwa?"

1 Kol 2:8

Kuri ti mosi mu bamfumu ba ntaangu yimayi wayaaba mo ko; bukuri, mbuti baba bayaaba, nkani basii komono Mfumu ya nkeembu ha yulu kuruwa ko.

Mukaanda kuri bari Efeso 1:17

mpisi heki Nzaambi ya Mfumu yeetu Yesu Kiristo, Taayi dya nkeembu, kaluha mpeeve ya madyeele na ya nyabusulu, mu kuyaaba nde.

Mukaanda kuri Tito 2:13

mu kwekiingila nsiitu yayibwete, na monokunu nkeembu ya Nzaambi wadzaangama, na ya Mubvuukisi weetu Yesu Kiristo.

Mukaanda kuri Bahebeleho 1:3

Nde wuri kuseme kwa nkeembu yaandi, na kifwaani kya nzelu yaandi, nde wakwaata nsi mu mpinu dza maampu maandi; bu kamana kutsyeemese baatu mu masumu, nde wadzakala ha lubakala lwa Mwa-mpuungu kunu kinsongi-yulu.

Mukaanda kuri Bahebeleho 11:8

Mu kanyi, Abalaami katumumini mu mbila yi kayukiri, mu kweende ku nsi yi kaba kayelemene kutaambula bunu saala, na wayende kwahele kuyaaba ku kaba kweende.

Mukaanda wa Yakobo 2:1

Bampaangi baami, yaa lusalila bubayi ko, mu kanyi di luri na dyo mu Yesu Kiristo, Mfumu yeetu ya nkeembu.

Nyabusulu ya Yowane 4:11

«Ye Mfumu na Nzaambi yeetu, wayelemene mu kutaambula nkeembu, lukiinsu na mpinu, bukuri ye wayirika bitotolo byobinso, na mu kutya kwa ye, byo byaba, na biri byayiriku.»