Biyiriki bya Bantumu 2:5 - Musamu Wamubwete 2013

⁵ Ku Yerusalemi kwaba dzakalaana Bayudayo bari na kinzaambi kyamakwa, bafumuni mu makaanda momanso mari ha butoto.

Biyiriki bya Bantumu 2:5 ပူးပေါင်းရင်းမြစ်များ

Musamu wamubwete watina Matayi 24:14

Musamu Wamubwete wa Kimfumu sa kaba wayikusu mu nsi yansiina, mpisi kiba kimbaangi kuri makaanda momanso, heki tumi manunu yiisa.»

Musamu wamubwete watina Luka 17:24

Bunu bu serimaa nseremi kuri yiha buungi kuholosono ku nto yulu yamosi natee ku yakaka, bunubwo se buba Mwaana muutu [mu kiluumbu kya nde].

Musamu wamubwete watina Luka 2:25

Ku Yerusalemi, kwaba muutu mosi nkuumbu Simehoni. Muutu wunde waba wasuunguma, na wubvuminaa Nzaambi; waba kiingaana mboondulu ya Isaheli, na Mpeeve Yangisi yaba ha yulu nde.

Musamu wamubwete watina Luka 24:18

Mosi mu bo nkuumbu Kelehopa, wabvutula waleele kuri nde ti: «Buri wunu ye mu badzakala ku Yerusalemi, wahele kuyaaba misamu miyiriminyee mu biluumbu bimabi?»

Musamu wamubwete watina Yowane 12:20

Mu baba toomboko ku kweesaambila Nzaambi ku munkeembu, kwaba mwaa ndaambu Bahelene.

Biyiriki bya Bantumu 10:2

Nde waba munsaambiri wamakwa, waba se na kibvumi kya Nzaambi, kaanda dyaandi se dyodinso. Nde waba haana lubakusu kwalaka kuri baatu, na waba saambilaana Nzaambi mu ntaangu ngo ntaangu.

Biyiriki bya Bantumu 10:7

Mbasi yaba dzoonso na nde, bu yabvutuka, nde wateele boolo mu bisari byaandi na muyongolo mosi wakwiikama mu bakaangama na nde,

Biyiriki bya Bantumu 13:50

Kasi Bayudayo basinda minsaambiri mya bakyeetu balukiinsu na bamfumu ba bvula, mu kutsuba nwanusunu mu Pawulo bo na Barnaba, na bababinga natee ku mandilu mabvula.

Biyiriki bya Bantumu 2:1

Kiluumbu kya Pantekote bu kyayisa, bobanso baba bakutukuna ha kibeendu kyokimosi.

Biyiriki bya Bantumu 22:12

Kwaba muutu mosi, nkuumbu Ananya, wuri na kinzaambi bunu buri mangisi, wuri na kimbaangi kyakibwete, ha kakati dya Bayudayo bobanso badzakalaa haho.

Biyiriki bya Bantumu 8:2

Baatu bari na kinzaambi kyangwanwa badziika Estefano na bamudila mu ngebe dzalaka.

Biyiriki bya Bantumu 8:27

Bu kateleme wayende. Na mono, muutu mosi wampokoro wa ku Etyopi, kisari kyakinene kya Kandake, mukebi busina bwa mbyaasi ya mukyeetu ya ku Etyopi, wayensi ku Yerusalemi mu kusaambila.

Mukaanda kuri bari Kolosayi 1:23

Ngo luyelemini kunamitina kuba batuunguma, na kuba na keketee mu kanyi, kwahele kusasika mu nsiitu ya Musamu Wamubwete wu luri lwayuka, wu bari bayaabisa kuri biyiriki byobinso ha butoto, na wu nyayeki me Pawulo kisari.