Biyiriki bya Bantumu 2:4 - Musamu Wamubwete 2013

⁴ Bobanso baluula mu Mpeeve Yangisi, na bo babaandika mu kudzoonso mu mandiinga makaka, bunu bwa baheeriri Mpeeve mu kudzoonso.

Biyiriki bya Bantumu 2:4 ပူးပေါင်းရင်းမြစ်များ

Musamu wamubwete watina Matayi 10:19

Haba luyekele, lo yaa luba na boomo ko, ti buri ludzoonsolo, bunu pe, nki luleele; bukuri sa lwabaka ma luleele mu kilookolo kikyo.

Musamu wamubwete watina Malako 16:17

Kuri babo basiila kanyi, bidiimbu bimabi sa byamonoko: mu nkuumbu ya me, bo sa babingisa mampeeve mamabi, sa badzoonso mandiinga manzeense,

Musamu wamubwete watina Luka 1:15

Mukwongo, nde sa kaba muutu wamunene ha busu bwa Mfumu, nde mbasi-tsuku bviinya na malu makookolaa kunwa pe. Sa kaba waluula mu Mpeeve Yangisi, kuri wakiri mu mwooyo nguri yaandi.

Musamu wamubwete watina Luka 1:41

Elidzabeti kamana kuyuka mboto ya muheeri Mariya, mwaana waba mu mwooyo waandi wanyiŋina, na Elidzabeti waluula mu Mpeeve Yangisi.

Musamu wamubwete watina Luka 1:67

Taayi dyaandi Dzakariya, waluula mu Mpeeve Yangisi, na wabikula waleele ti:

Musamu wamubwete watina Luka 12:12

bukuri Mpeeve Yangisi sa kaluyikisa, mu kilookolo kikyo mamo mayelemene mu kuleele.»

Musamu wamubwete watina Luka 21:15

bukuri me-meene, sa nyaluha mi ludzoonso na madyeele, kuri lo bataatu ba beenu, babangusina kulutungukila ko, na kuhaakula mi luleele ko.

Musamu wamubwete watina Luka 4:1

Yesu waba waluula mu Mpeeve Yangisi, wanangukina ku Yorodani, na Mpeeve yamutwaalusu mu nsi yankatu,

Musamu wamubwete watina Yowane 14:26

Muboondi, Mpeeve yangisi, yiyo mbasi-tsuku yiheeke Taata, mu nkuumbu meenu, sa kaluyikisa momanso, na sa ka lulubula momanso ma nyiri nyaluleele.»

Musamu wamubwete watina Yowane 20:22

Bu kaleele mamo, wafula muheebulu ha yulu bo, na waleele kuri bo ti: «Taambuleenu Mpeeve Yangisi!

Biyiriki bya Bantumu 1:5

ti: Yowane wabotoko mu maampa, ngo beenu sa balubotoko mu Mpeeve Yangisi, ha lumbisa lwa mwaa biluumbu byantele".

Biyiriki bya Bantumu 1:8

ngo kasi beenu sa lwataambula mpinu dzifuma kuri Mpeeve Yangisi ha yulu beenu, na sa lwaba bambaangi baami mu Yerusalemi, [mu] Yudaya dyodinso, mu Samariya, natee ku nsukulu butoto".

Biyiriki bya Bantumu 10:46

Bo bayuka baba dzoonso mu mandiinga mahele kuyabakana, na badumusa Nzaambi. Haho Petelo kabangula mbeembu ti:

Biyiriki bya Bantumu 10:47

"Buri lo bakabikisi muutu kubotoko mu maampa, mu babo bamwaataambula Mpeeve Yangisi bunu beetu?"

Biyiriki bya Bantumu 11:15

Me bu nyabaandika mu kudzoonso, Mpeeve Yangisi yabwa ha yulu bo, bunu bu yabwiiriri beetu kunu mbandukulu.

Biyiriki bya Bantumu 11:24

bukuri nde waba muutu wamubwete, waluula mu Mpeeve Yangisi na mu kanyi. Na mpuumbu yalaka yabweeseme kuri Mfumu.

Biyiriki bya Bantumu 13:52

Bayiki baba baluula mu kiminu na mu Mpeeve Yangisi.

Biyiriki bya Bantumu 13:9

Hango Sawulo wu bateelaana ti Pawulo, waluula mu Mpeeve Yangisi, wamupana kisoosi

Biyiriki bya Bantumu 15:8

Na Nzaambi wu yaari mitima mya baatu, wubateeriri kimbaangi, mu kubaha Mpeeve Yangisi, bunu bu kaheeri beetu,

Biyiriki bya Bantumu 19:6

Pawulo bu kabatetekele myooko, Mpeeve Yangisi yayisa ha yulu bo, bo badzoonso mandiinga na babikula.

Biyiriki bya Bantumu 2:11

Bayudayo, na baatu bakimi, bakoto mu Nzaambi bo, bari Kerese na bari Arabya, beetu tuyuka bo, badzoonso mu mandiinga ma beetu, myabweeye mya Nzaambi.

Biyiriki bya Bantumu 2:3

Milaka miri bunu mya mbaawu, myamonoko kuri bo, myakabama na myasunduka ha yulu mosi mosi mu bo.

Biyiriki bya Bantumu 4:31

Bu baba mu kusaambila, kibeendu ki baba bakutukina kyatembele, na bo baluula mu Mpeeve Yangisi, na babeke kweyikisaa maampu ma Nzaambi mu nsiitu.

Biyiriki bya Bantumu 4:8

Hanaho, Petelo kaluula mu Mpeeve Yangisi, waleele kuri bo ti: «Bamfumu ba kaanda na bakulu ba babakala,

Biyiriki bya Bantumu 6:3

Saakeenu bampaangi nsaamu, ha kakati dya beenu, bari na kimbaangi kyakibwete, baluula mu Mpeeve na mu madyeele, batuheenee kisalu kikyo.

Biyiriki bya Bantumu 6:5

Mpuumbu yoyinso yamono kiminu mu musamu wunde. Bo basoolo Estefano, muutu waluula mu kanyi, na mu Mpeeve Yangisi, basoolo Filipo, Porokoro, Nikanoro, Timoni, Paremena na Nikolayo munsaambiri wa ku Antyoke.

Biyiriki bya Bantumu 6:8

Estefano waba waluula mu bweese na mu mpinu, waba kweyirika bimaangu na bidiimbu byabinene, ha kakati dya baatu.

Biyiriki bya Bantumu 7:55

Estefano, bu kaluula mu Mpeeve Yangisi, watala ku yulu, wamono nkeembu Nzaambi, na wamono se Yesu wateleme ha lubakala lwa Nzaambi,

Biyiriki bya Bantumu 8:17

Hanaho, ba Petelo na Yowane babatetekele myooko, na bataambula Mpeeve Yangisi.

Biyiriki bya Bantumu 9:17

Ananya wayende na wakoto mu nzo, na bu kamutetekele myooko, waleele ti: "Sawuli mpaangi yaami, Mfumu heekiri me, Yesu wukumonikinye mu nzila yi bee kwiisa, mpisi heki ye bweese kumono, na se ba waluulusu mu Mpeeve."

Mukaanda kuri bari Loma 15:13

Hemese Nzaambi ya nsiitu kaluulusa mu kiminu kyokinso, na kiyeengi mu kanyi, mpisi luba lwabuukula mu nsiitu, mu mpinu dza Mpeeve Yangisi!

1 Kol 12:10

kuri wakaka nyirikulu bimaangu, kuri wakaka mbikululu, kuri wakaka mfyongokunu mampeeve, kuri wakaka mandiinga ma bitsuumbu-bitsuumbu, kuri wakaka kubaangula mandiinga.

1 Kol 13:1

Mbuti me nyidzoonsaa mandiinga ma baatu, na ma bambasi, ngo nyahele na ntiilu, lo me nyeki nguunga bunu pe ngomo yi bari mu kusika.

1 Kol 13:8

Ntiilu yawaa ko, mbikululu sa dzawa, mandiinga sa mawa, nyaabulu sa yawa.

1 Kol 14:18

Me nyibvutula matoondo kuri Nzaambi, bukuri me mvuriri kudzoonso mu mandiinga ti na beenu-banso.

1 Kol 14:5

Me ntii ti beenu-banso lwedzoonso mu mandiinga, ngo mvuriri kutya kuri ti beenu lwebikula. Wubikulaa bvuriri na wudzoonsaa mu mandiinga, sati kuri ti nde-meene wubaangula, mpisi heki dibuundu dibaka ntuungulu.

Mukaanda kuri bari Efeso 3:19

luyaaba ntiilu ya Kiristo, yalutula nyaabulu. Mu bubwo beenu luba lwaluula natee mu nduululu yoyinso ya Nzaambi.

Mukaanda kuri bari Efeso 5:18

Yaa lwekolo malu ko, mu mo mu kwiisikila nzimbusulu, kasi beenee baluula mu Mpeeve.

Mukaanda kuri bari Efeso 6:18

Mu nsaambulu dza bitsuumbu-bitsuumbu na ndoombulu, saambileenu mu ntaangu ngo ntaangu mu Mpeeve. Mu didyo, beenee naana, beenee na kifiki, loombee mu bangisi bobanso,

1 Pet 1:12

Babayaabisa kuri ti, dyaambu di baba kwesalilaana dyaba diri dya bo-meene ko, ngo dya beenu. Na mu lumalu bayikisi ba Musamu Wamubwete bamwaluyaabisa dyo, mu Mpeeve Yangisi yafumuna ku yulu. Bambasi se batiiri kuyaaba dyaambu didyo.

2 Pet 1:21

Mukwongo, mbikululu kari mu ntiilu ya baatu dziri dzayisa ko, ngo kasi mu ntwalusulu ya Mpeeve Yangisi, baatu bari badzoonsolo mu nkuumbu ya Nzaambi.