Biyiriki bya Bantumu 17:4 - Musamu Wamubwete 2013

⁴ Babamosi mu bo bataambula mamo, na babvuutuna na Pawulo na Sila, ha kimosi na mpuumbu Bahelene, bari na kinzaambi, na bakyeetu balaka ba lukiinsu.

Biyiriki bya Bantumu 17:4 ပူးပေါင်းရင်းမြစ်များ

Musamu wamubwete watina Yowane 7:35

Hango Bayudayo balelesene bo na bo ti: «Nde kuri kari mu kweende, kuri lo beetu twahele kumumono? Buri, kuri Bayudayo batsamukina mu mansi ma Bahelene ka kweende, na kweeyikisa Bahelene?

Biyiriki bya Bantumu 13:43

Buundu bu dyatsyamikina, Bayudayo balaka na minsaambiri mya Nzaambi bo, banama Pawulo na Barnaba. Bamaba badzoonso na bo, babayukusa mu kukaangama mu bweese bwa Nzaambi.

Biyiriki bya Bantumu 13:50

Kasi Bayudayo basinda minsaambiri mya bakyeetu balukiinsu na bamfumu ba bvula, mu kutsuba nwanusunu mu Pawulo bo na Barnaba, na bababinga natee ku mandilu mabvula.

Biyiriki bya Bantumu 14:1

Bwayirima bumosi ku Ikonyo, Pawulo na Barnaba bakoto mu nzo-nkutukunu ya Bayudayo, na bo badzoonso mu kiteesu kiri mpuumbu yayinene ya Bayudayo na ya Bahelene basa kanyi.

Biyiriki bya Bantumu 14:4

Mpuumbu ya bvula yakabuma mu bibari byoolo; bamosi baba mu kibari kya Bayudayo, bakaka mu kya bantumu.

Biyiriki bya Bantumu 15:22

Mukwongo, bantumu na bakuutu bayukusina na dibuundu dyodinso, mu kusoolo baatu munsa bo na mu kubaheeke ku Antyoke, kintwaari na Pawulo na Barnaba na Yuda wu bakotelaa ti Barsaba na Sila baatu balukiinsu ha kakati dya bampaangi.

Biyiriki bya Bantumu 15:27

Mu bubwo beetu twaheekiri Yuda bo na Sila, bakwiisa kululeele ha munwa musamu wunu wunde.

Biyiriki bya Bantumu 15:32

Yuda na Sila, bu baba bo-meene babikiri, bo basyaamisa bampaangi na babakumisa mu dzoonsolo dzalaka.

Biyiriki bya Bantumu 15:40

Pawulo waholo Sila na wayende, bampaangi bamanaana kubaloombolo bweese bwa Mfumu.

Biyiriki bya Bantumu 16:3

Pawulo waba tiiri kweende na nde. Bu kamuholo, wa muteende bubakala, mu ntoono Bayudayo baba mu loondolo didyo; bukuri bobanso baba bayaari ti taayi dya nde Muhelene kaba.

Biyiriki bya Bantumu 17:10

Hanaho, mu butsuku bampaangi, basiindika Pawulo na Sila ku Beroya. Bu batubuka, bayende ku nzo-nkutukunu ya Bayudayo.

Biyiriki bya Bantumu 17:12

Mu bo, baatu balaka basiiri kanyi, kwaba Bahelene, bakyeetu ba lukiinsu, na babakala balaka.

Biyiriki bya Bantumu 17:14

Hanaho, bampaangi baholo baatu mu kunata Pawulo ku teke mubu; Sila bo na Timoteho ngo bari basii sala ku Beroya.

Biyiriki bya Bantumu 17:17

Nde waba dzoonsaana ku nzo-nkutukunu bo na Bayudayo, na minsaambiri Nzaambi, na ha kibeendu kya bobanso mpisi kiluumbu, nde waba dzoonsaana na baatu baba haho.

Biyiriki bya Bantumu 17:34

Mukwongo, baatu babamosi bakaangamini mu nde, basiila kanyi, mu bo kwaba Deni mosi waba mu mfuunda bakuutu, na mukyeetu wuri nkuumbu Damari na bakaka se.

Biyiriki bya Bantumu 18:4

Nde waba dzoonsaana mu nzo-nkutukunu, mpisi kiluumbu kya mpuumunu, na waba yukusaana misamu ku Bayudayo na Bahelene.

Biyiriki bya Bantumu 19:10

Mimyo myayirima, mu mibvu myoolo, kuri bobanso badzakalaana ku Asya, Bayudayo na Bahelene, bayuka maampu ma Mfumu.

Biyiriki bya Bantumu 2:44

Bobanso basiiri kanyi, baba kibeendu kimosi, na byobinso byaba byantwaari,

Biyiriki bya Bantumu 21:28

Bo babeke kubikisa ti: "Babakala ba Isaheli, wasee lutubakisa! Muutu wumawu wukweha nyikusulu kuri bobanso na mwomunso, dzahele bubwe mu kaanda, mu mangisi na mu kibeendu ki; ha yulu haho se nde mwaakotoso Bahelene mu Nzo-nzaambi, na mwaasumuna kibeendu kyangisi ki.

Biyiriki bya Bantumu 28:24

Babamosi basiila kanyi mu ma kaba leelaana, bakaka babisa kusa kanyi.

Biyiriki bya Bantumu 4:23

Babapatulaana, Petelo na Yowane bayende kuri ba bo-meene, na bayalimina momanso ma bayirikiri bakuutu ba bangaanga-nzaambi na bakulu ba babakala.

2 Kol 8:5

Bo bayirika ma lutila kiteesu ti na ma twaba twatsima beetu, bo batekisiri kuha mitima kuri Mfumu, tumi kuri beetu mu kutya kwa Nzaambi.