Biyiriki bya Bantumu 15:3 - Musamu Wamubwete 2013

³ Dibuundu dyabaheeke, bataba Foyiniki na Samariya, kuri bakweyaabisa bunu bwayiingiri bangooyi madyeele, na bampaangi bobanso bamono kiminu kyalaka.

Biyiriki bya Bantumu 15:3 ပူးပေါင်းရင်းမြစ်များ

Musamu wamubwete watina Luka 15:32

Bu bee bwayelemene mu kusa munkeembu na kumono kiminu, bukuri mpaangi ye yi wabee wafwa na bweesiri kuba wamwooyo; wabee wadziimbila ngo bweesiri kumonoko!"»

Biyiriki bya Bantumu 1:15

Mu biluumbu bibyo, Petelo wateleme ha kakati dya bampaangi. Mpuumbu baatu yaba ha kibeendu kikyo, yaba kampe nkama na makuumi moolo ma baatu. Nde waleele ti:

Biyiriki bya Bantumu 13:48

Bangooyi bu bayuka bubwo, bamono kiminu, badumusa maampu ma Mfumu, na bobanso ba bataasiri kidziingu kya mantaangu momanso, basa kanyi.

Biyiriki bya Bantumu 13:52

Bayiki baba baluula mu kiminu na mu Mpeeve Yangisi.

Biyiriki bya Bantumu 14:27

Bu batubuka, bakutukisa dibuundu, bayaabisa momanso ma yirikiri Nzaambi kintwaari na bo, mu kudzibukila bangooyi mweelu wa kanyi.

Biyiriki bya Bantumu 15:1

Bamosi banangukini ku nsi ya Yudaya, bayikisa kuri bampaangi ti: «Mbuti beenu lwahele kuteende bubakala, bunu buri kifu kya Moose, lo beenu lubvuuka ko.»

Biyiriki bya Bantumu 15:12

Mpuumbu yoyinso yawura, yiyuka Barnaba na Pawulo bari mu kuyaabisa momanso mari mu kweyirika Nzaambi, bidiimbu na bimaangu ha kakati dya bangooyi mu kisalu kya bo.

Biyiriki bya Bantumu 15:22

Mukwongo, bantumu na bakuutu bayukusina na dibuundu dyodinso, mu kusoolo baatu munsa bo na mu kubaheeke ku Antyoke, kintwaari na Pawulo na Barnaba na Yuda wu bakotelaa ti Barsaba na Sila baatu balukiinsu ha kakati dya bampaangi.

Biyiriki bya Bantumu 15:32

Yuda na Sila, bu baba bo-meene babikiri, bo basyaamisa bampaangi na babakumisa mu dzoonsolo dzalaka.

Biyiriki bya Bantumu 15:4

Bu batubuka ku Yerusalemi, dibuundu, bantumu na bakulu ba babakala bababwaana, baleele momanso mari mu kweyirika Nzaambi mu bo.

Biyiriki bya Bantumu 17:15

Baba kweyende Pawulo, bamunata natee ku Atena. Tumi bo babvutuka na mukeensu wuri ti Sila bo na Timoteho beende mu mawasu kuri kari nde.

Biyiriki bya Bantumu 20:38

Bo bamono ngebe mu ntoono yi kaleeriri ti, bo babweese kumono busu bwaandi ko. Bo bayende kumufila natee ku bwaatu.

Biyiriki bya Bantumu 21:5

Biluumbu bya kulitisa haho bu byawa, beetu twayende. Bo batufila mu kintwaari na bakasi na baala, natee ku mbisa bvula, na bu twatsukuma ha simu dya mubu ha twasaambila.

Biyiriki bya Bantumu 28:15

Bampaangi ba ku Loma, bu bayuka mi twabwanikini na myo, bayisa tubwaana natee ku dzaandu dya Apyo, na ku Manzo Matatu. Pawulo bu kabamona wabvutula matoondo kuri Nzaambi, na walwaata kibakala.

Biyiriki bya Bantumu 8:14

Bantumu basiiri ku Yerusalemi, bu bayuka ti bari Samariya bataambirye maampu ma Nzaambi, baheeke Petelo na Yowane kuri bo.

Mukaanda kuri bari Loma 15:24

Mu ntaangu yi nyikweende me ku Espanya, mukwongo, nyitsima ti sa nyalumono ha nyiluta, na bumeeni kumono kiminu mu kuba na beenu mwaa-ntaangu, tumi lumpa biri mufunu mu budyeengi bwaami kukwo.

1 Kol 16:11

Muutu yaa kamunyaafuna ko, ngo mubakisee mu kunamitina budyeengi bwaandi mu kiyeengi, mpisi nde kiisa kuri me, bukuri me nyiri mu kumukiinga, me na bampaangi.

1 Kol 16:6

Mbuti buri bwadzuka, lo me sa nyadzakala kuri beenu, kampe sa nyalutisa se ntaangu ya kyoosi, mpisi lumbakisa mu kunamitina budyeengi bwaami, kwo ngo kwo ku nyibangisina kwe.

2 Kol 1:16

Tumi nyisikaa kuri beenu, nyeende ku Makedonya, na nyisikaa ku Makedonya mbweese kwiisa kuri beenu, na beenu lumbakisa mu kunamitina budyeengi bwaami, ku Yudaya.

Mukaanda kuri Tito 3:13

Ha kuri Dzena, nzoonsi, na Apolo bibari na nzala byo mu budyeengi bwaaku, mpisi heki baba ki bahelele pe.