Biyiriki bya Bantumu 1:6 - Musamu Wamubwete 2013

⁶ Hango bu baba bakutukuna, bamufuula ti: "Mfumu, buri mu ntaangu yi, ye wudzakisa kimfumu kya Isaheli"?

Biyiriki bya Bantumu 1:6 ပူးပေါင်းရင်းမြစ်များ

Musamu wamubwete watina Luka 19:11

Baatu bu baba yukaa mamo, Yesu wabweese kuta nkuma, bukuri nde waba weki bebele na Yerusalemi, na baatu baba kutsima ti, Kimfumu kya Nzaambi bweekimonikini, mu kilookolo kikyo.

Musamu wamubwete watina Luka 17:20

Bafarisi bamufuulaana ti nkya ntaangu Kimfumu kya Nzaambi kikwiisa? Yesu wabvutula kuri bo, waleele ti: «Kimfumu kya Nzaambi ka kikwiisa kuri bakimono mu miisu ko,

Musamu wamubwete watina Matayi 24:3

Bu kaba wadzakala ha yulu mulaandu wa Mi-olive, ha nde-kaka, bayiki baandi bakokosolo kuri nde, bamuleele ti: «Leele beetu, mu kya mantaangu mamo mayirima, na nkya kidiimbu kiyaabisa nyisulu ye, na manunu ntaangu.»

Musamu wamubwete watina Luka 22:29

na me nyalususukila Kimfumu, bunu bwa nsusukila se Taata kyo,

Musamu wamubwete watina Matayi 17:11

Yesu wabvutula kuri bo waleele ti: «Bunubwo, Eliya wukwiisa, mu kubvutula bunkete mu byobinso.

Musamu wamubwete watina Matayi 20:21

Yesu waleele kuri nde ti: «Nki ye tiiri?» Nde wabvutula kuri Yesu ti: «Ha miswa mpisi heki, baala ba me bo boolo ba, mbasi-tsuku baba badzakala, mosi ha lubakala lwa ye, mosi ha lumosi lwa ye, mu Kimfumu kyaaku.»

Musamu wamubwete watina Yowane 21:21

Petelo bu kamumono, wafuula kuri Yesu ti: «Mfumu, heki wumawu nki?»

Musamu wamubwete watina Malako 9:12

Yesu wabvutula kuri bo ti: «Bunubwo, Eliya wutekesele na kwiisa mu kubvutula bunkete. Ngo, mu nki ntoono diri dyatinu ti Mwaana muutu, sa kamono mpasi dzalaka, na sa kaba wanyaafunu?