Biyiriki bya Bantumu 1:3 - Musamu Wamubwete 2013

³ Nde-meene wamonikini kuri bo, kuri wamwooyo, mu bidiimbu byalaka, ha lumbisa lwa mpasi dzi kamwiini. Mu biluumbu makuumi mana, nde waba kwemonokono kuri bo, na waba kwebadzoonsolo mu mitariri Kimfumu kya Nzaambi.

Biyiriki bya Bantumu 1:3 ပူးပေါင်းရင်းမြစ်များ

Musamu wamubwete watina Matayi 21:43

«Hango-nkuumbu, me nyileele kuri beenu ti, Kimfumu kya Nzaambi, sa baluyusula na kyo, na sa baha kyo kuri kaanda dibuta bimbutu. [

Musamu wamubwete watina Matayi 28:9

Na mono, Yesu wababwaana waleele: «Mboto yeenu!» Bu bakokosolo kuri nde, bakwaata miilu mya nde, na bamutsukumina.

Musamu wamubwete watina Matayi 3:2

[na] kweleele ti: «Yiingee madyeele, bukuri Kimfumu kya mayulu kikokisiri.»

Musamu wamubwete watina Matayi 4:2

Bu kakoto loomi mu biluumbu makuumi mana ma mwiini na makuumi mana ma butsuku, ku manunu nde wakolo nzala.

Musamu wamubwete watina Malako 16:19

Mfumu Yesu, kamanaa kudzoonso kuri bo, wanaangunu mu mayulu na wadzakala ha lubakala lwa Nzaambi.

Musamu wamubwete watina Yowane 20:26

Ha mambisa ma biluumbu mpoomo, bayiki baandi baba mukati, Toma se waba kintwaari na bo. Myeelu myakaangu, Yesu wayisa, wateleme ha kakati, na waleele ti: «Kiyeengi kuri beenu.»

Musamu wamubwete watina Yowane 21:1

Ha mambisa haho, Yesu nde-meene wabweese kumonokono, kuri bayiki ku teke mubu wa Tiberya. Wamonokono bumabu:

Musamu wamubwete watina Yowane 21:14

Lumonokunu lulwo lwaba lwatatu, Yesu kamonokini kuri bayiki, kuri mwaafuluka mu bafwa.

Biyiriki bya Bantumu 13:31

Nde wamonoko mu biluumbu byalaka kuri babo batoombikiri na nde kuholosono Ngalili natee ku Yerusalemi, na babo bari mu lumalu bambaangi baandi kuri baatu.

Biyiriki bya Bantumu 19:8

Bu kakoto mu nzo-nkutukunu, nde wayikisa mu bunsaalisi, mu mangoondo matatu, nde waba dzoonsaana na waba yukusaana mu mitariri Kimfumu kya Nzaambi.

Biyiriki bya Bantumu 28:23

Bu bakaanga laki na Pawulo, bo bayisa mu lutaangu lwalaka ku nzo yaandi. Kuri bo kayaabisa mu nteelulu kimbaangi kya Kimfumu kya Nzaambi, mu kubayukusa mu mitariri Yesu, kabandukila mu Mangisi ma Moose, natee mu babikiri, baholosonaa kipari natee nsinsika.

Biyiriki bya Bantumu 28:31

Nde wayaabisa Kimfumu kya Nzaambi, na wayikisa mitariri Mfumu Yesu Kiristo, mu nsiitu dzodzinso, kwahele bikakusulu.

Biyiriki bya Bantumu 8:12

Mu ntaangu yi basiiri bo kanyi mu Filipo wayaabisiri Musamu Wamubwete, wa Kimfumu kya Nzaambi, na wa nkuumbu ya Yesu Kiristo, babakala na bakyeetu bataambula mbotokulu

Mukaanda kuri bari Loma 14:17

Mukwongo, Kimfumu kya Nzaambi kiri mu byandya na mu nwiinu ko, ngo nsungumunu, kiyeengi, na kiminu mu Mpeeve Yangisi.

Mukaanda kuri bari Kolosayi 1:13

Nde watupalisa mu lutumu lwa mampimbisi, na watunata mu Kimfumu kya Mwaana wa ntiilu yaandi.

1 Tes 2:12

Beetu twaba kweluboondaana, kwelusyaamisaana, na kweluyingukilaana mu kuba na ndyaatulu yitiiri Nzaambi, nde wuri mu kuluteele mu kimfumu na mu nkeembu yaandi.

1 Yow 1:1

Mamo maba munu mbandukulu, ma turi twayuka, ma turi twamono mu miisu myeetu, ma turi twakengese na ma turi twabelemene mu myooko myeetu, mu ntoono maampu ma kidziingu,