Biyiriki bya Bantumu 1:2 - Musamu Wamubwete 2013

² natee mu kiluumbu kiri, kamana kuha, mu Mpeeve Yangisi, ntumu dzaandi, kuri bantumu babo ba kasooriri, nde wanaangunu.

Biyiriki bya Bantumu 1:2 ပူးပေါင်းရင်းမြစ်များ

Musamu wamubwete watina Matayi 12:28

Ngo mbuti me mu Mpeeve ya Nzaambi, nyiri mu kwebinga mampeeve mamabi, lo mu didyo Kimfumu kya Nzaambi kimwaatubuka kuri beenu.»

Musamu wamubwete watina Matayi 3:16

Yesu na kumubotoko na kutoomboko ku nkoto; na mono, mayulu madzibuma [mu ntoono ya nde], na nde wamono Mpeeve ya Nzaambi yakulumuka, bunu beembe [na] yayisa ha yulu nde.

Musamu wamubwete watina Malako 6:30

Bantumu bakutukuna bebele na Yesu, na bamuyaabisa momanso maba yirikiri na ma bayikisiri.

Musamu wamubwete watina Luka 24:51

Bu kaba mu kubasakumuna, nde wahaambuka na bo, na wanaangunu ku yulu.

Musamu wamubwete watina Luka 9:51

Mu ntaangu yiri ti biluumbu bya nde, bya kunaanguka ku yulu bi tubukiri, Yesu wakaanga kitsimi kya kweende ku Yerusalemi.

Musamu wamubwete watina Yowane 1:16

Bukuri mu nduululu yaandi, beetu-banso twataambula bweese ha yulu bweese;

Musamu wamubwete watina Yowane 13:1

Tekesele munkeembu wa Paaka wuba, Yesu bu kayaari ti kilookolo kyaandi kimwaatubuka, kya kuyisika mu nsi yimayi na kweende kuri Taata, bu kaba katiiri ba nde-meene mu nsi yimayi, wasoongo ntiilu yaandi mu bo natee ku manunu.

Musamu wamubwete watina Yowane 13:18

Me nyahele kudzoonsolo mu beenu-banso; me nyaari ba nyiri nyasoolo; ngo kasi matinu mayelemini kweende mu mana: "Wunde wudya mpa me, wanangukina me kisiŋini kyaandi".

Musamu wamubwete watina Yowane 13:3

Yesu bu kaba kayaari ti, Taata wamuyakisa byobinso mu myooko myaandi, na ti, nde wafumuna kuri Nzaambi, na kuri Nzaambi keki bvutuka,

Musamu wamubwete watina Yowane 16:28

Me nyapalila mu Taata, na nyayisa ha nsi; me nyeki bweese kuyisika ha nsi, na kweende kuri Taata.»

Musamu wamubwete watina Yowane 17:13

Ngo kasi mu lumalu me nyiri mu kwiisa kuri ye, na nyiri mu kuleele mamo ha nsi, mpisi heki baba na kiminu kyaami, kyakuka mu bo.

Musamu wamubwete watina Yowane 20:17

Yesu waleele kuri nde: «Yaa belemene me ko! Bukuri me nyakiri kutoomboko pe kuri Taata; ngo kasi yende kuri bampaangi ba me, na leele kuri bo ti: Me ntoombokiri kuri Taayi dyaami, na Taayi dya beenu, na Nzaambi yaami na Nzaambi yeenu.»

Musamu wamubwete watina Yowane 20:21

Yesu wabweese kuleele kuri bo ti: «Kiyeengi kuri beenu! Bunu bwampeekiri Taata, me se nyiluheekiri.»

Musamu wamubwete watina Yowane 3:34

Mukwongo, wunde wuri Nzaambi wamuheeke, wuleelaa Maampu ma Nzaambi, bukuri Nzaambi wamuha Mpeeve kwahele bwa kuteesele.

Musamu wamubwete watina Yowane 6:62

Heki mbuti, beenu lumwiini Mwaana muutu toombikiri ku yulu ku kaba?

Musamu wamubwete watina Yowane 6:70

Yesu wabvutula kuri bo ti: «Buri beenu bo kuumi na boolo, kari me nyalusoolo ko? Ngo mosi mu beenu dyabulu kari.»

Biyiriki bya Bantumu 1:11

na baleele kuri bo ti: "Bari Ngalili, mu nki ntoono beenu luri mu kutala ku yulu? Yesu di, wu bayisiri ha kakati dya beenu, weensi ku yulu, bunubwo se mbasi-tsuku kabweese kwiisikila, bunu bu lumumwiini bu kensikiri ku yulu."

Biyiriki bya Bantumu 1:13

Bu bakoto mu bvula, bo batoomboko ku kihekiri kya ku yulu, ku baba na kifu kya kukutukunaa; kwaba Petelo, Yowane, Yakobo, Andere, Filipo, Toma, Bartelemi, Matayi, Yakobo mwaana Alafayi, Simoni mudzeloti na Yuda mwaana Yakobo.

Biyiriki bya Bantumu 1:22

kubaandika kunu mbotokulu Yowane, natee mu kiluumbu kikyo ki kayisikiri ha kakati dya beetu, mosi mu babo, kaba mbaangi ya mfulukulu yaandi, kintwaari na beetu."

Biyiriki bya Bantumu 1:9

Bu kamana kuleele mamo, nde wanaangunu kuri bo bari mu kutala, na tuti dyamusweeke, ha miisu mya bo.

Biyiriki bya Bantumu 10:38

Dyaburi Nzaambi kalwiikirye Yesu wa ku Nadzareti Mpeeve Yangisi na mu mpinu. Nde wabee kwelutaana mu kweyirika mamabwe na kwetsinikisa bobanso babeeri kunsa nkwamusunu dza dyabulu, bukuri Nzaambi wabeeri na nde.

Mukaanda kuri bari Ngalatya 1:1

Me Pawulo ntumu, kari bu tiiri baatu bunu pe muutu ko, ngo bu tiiriri Yesu Kiristo na taayi Nzaambi wamufulukisa mu bafwa.

Mukaanda kuri bari Efeso 2:20

Beenu lwatuunguma ha yulu lufulu lwa bantumu na babikiri, Kiristo Yesu nde-meene ngo tari dya ha kuumbu.

1 Tim 3:16

Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

Mukaanda kuri Bahebeleho 9:24

Mukwongo, Kiristo wahele kukoto mu manzo mangisi, matuungu mu myooko mya baatu, mari kini kifwaani kya nzo yangisi yangwanwa, ngo wakoto mu yulu dyo-meene, mu kumonokono lumalu ha busu bwa Nzaambi mu ntoono beetu.

1 Pet 3:22

nde wuri bu kayende ku yulu, wuri ha lubakala lwa Nzaambi. Bambasi, na baatu bari na lutumu na bari na mpinu, bari kunsa lutumu lwaandi.

2 Pet 3:2

na lubaambuka mwooyo mu maampu matekisiri kuyaabisa babikiri bangisi, na mu lutumu lwa bantumu beenu, lwa Mfumu na Mubvuukisi.

Nyabusulu ya Yowane 1:1

Nyabukusu Yesu Kiristo ya muha Nzaambi, mu kusoongo kuri bisari byaandi, mamo makwiisa mu mawasu. Nde waheeke mbasi yaandi kuri kisari kyaandi Yowane, mu kuyaabisa yo,

Nyabusulu ya Yowane 2:11

«Wunde wuri na makutu kayuka, mamo madzoonsiri Mpeeve kuri mabuundu!» «Wuluulukiri ka kafwa lwadzoolo ko.»

Nyabusulu ya Yowane 2:17

«Wunde wuri na makutu mu kuyuka, kayuka mamo madzoonsiri Mpeeve kuri mabuundu!» «Kuri wuluuluka, me sa nyamuha maana, yasweeku; na sa nyaha kuri nde tari dyahembeke, na ha yulu tari dyatinu nkuumbu yamoono, yiri muutu ti mosi kayaa ko, mbuti ka wutaambula dyo ko.»

Nyabusulu ya Yowane 2:29

«Wuri na makutu, kayuka ma leele Mpeeve kuri mabuundu!»

Nyabusulu ya Yowane 2:7

«Wunde wuri na makutu kayuka, mamo madzoonsiri Mpeeve kuri dibuundu. Kuri wunde wuluuluka, me sa nyimuha muti wa mwooyo wa kudya, wuri mu paradiso dya Nzaambi.»

Nyabusulu ya Yowane 21:14

Kibaka kya bvula, kyaba kyatuunga ha yulu matari kuumi na moolo ma lufulu, na mu matari, mwatina mankuumbu kuumi na moolo, ma bantumu kuumi na boolo, ba Mwaana kimeeme.

Nyabusulu ya Yowane 3:13

«Wuri na makutu, kayuka ma dzoonso Mpeeve kuri mabuundu!»

Nyabusulu ya Yowane 3:16

Ngo bukuri, ye wuri kyeele, wahele mbaawu, na wahele se kyoosi, me nyeki kulobolo ye mu munwa waami.

Nyabusulu ya Yowane 3:22

«Wuri na makutu, kayuka ma dzoonso Mpeeve kuri mabuundu!»