3 Yow 1:11 - Musamu Wamubwete 2013

¹¹ Nduku ya mutima, yaa wesombosolo mamabi ko; ngo sombosolo mamabwe. Wunde wusalilaa mamabwe wuri wa Nzaambi, na wunde wusalilaa mamabi, lo kamwii Nzaambi ko.

3 Yow 1:11 ပူးပေါင်းရင်းမြစ်များ

Musamu wamubwete watina Yowane 10:27

Bimeeme bya me biyukaa mbeembu yaami, me nyibiyaari, na byo binamaa me.

Musamu wamubwete watina Yowane 12:26

Mbuti muutu tiiri kusalila me, lo kanama me; na haho ha nyiri me, lo kisari kya me se, sa kaba hanaho. Mbuti muutu wusalila me, lo Taata sa kamukiinsa.»

Musamu wamubwete watina Yowane 3:20

Bukuri, mpisi wunde wuyirikaa mamabi wubelaa buungi, na wahele kwiisa kuri buungi, mu kubata kuri ti biyiriki bya nde biba byayabakana;

1 Kol 11:1

Beenee minsombisiri mya me, bunu bu nyikwesombosolo me se Kiristo.

1 Kol 4:16

Ngo me nyilusyaamisa mu kuba basoombisiri ba me.

Mukaanda kuri bari Efeso 5:1

Beeneenu minsombisiri mya Nzaambi bunu baala ba mutima;

Mukaanda kuri bari Filipo 3:17

Bampaangi, beenee bakwesombosolo me, talee bakwedyaatila mu kifwaani ki luri mu kumono mu beetu.

1 Tes 1:6

Na beenu lwayeki minsombisiri mya beetu na mya Mfumu, bu lwataamburi Maampu kunsa mpasi dzalaka, mu kiminu kya Mpeeve Yangisi.

1 Tes 2:14

Mukwongo, bampaangi, beenu lweki minsombisiri mya mabuundu ma Nzaambi, mari mu nkoonsi ya Yudaya, masiila kanyi mu Kiristo Yesu, bukuri beenu se lwabamini kuri ba beenu-meene ba luri nsi mosi, mu misamu myomimosi mya bamini mabuundu mamo kuri Bayudayo.

2 Tim 3:10

Ngo ye wanemi kwakubwete nyikusulu dzaami, ndyaatulu yaami, bitaasi byaami, kanyi dyaami, nkindusulu-mutima yaami, ntiilu yaami, kifiki kyaami,

Mukaanda kuri Bahebeleho 6:12

mpisi luhele kuba bilyeebe, ngo luba basombisiri ba babo bari mu kanyi na nkindusulu-mutima, bataambula saala dya nsiilulu.

1 Pet 3:11

kalooso mamabi na kayirika mamabwete, kesaka kiyeengi na kanamitina kusalila mu kyo.

1 Pet 3:13

Na wuyirikila beenu mamabi, mbuti beenu luri bangaa-kuheme mu mamabwe?

1 Yow 2:29

Mbuti beenu luyaari ti nde wasuunguma, lo yabee se ti mpisi wunde wusalilaa nsungumunu, lo wabutuka mu nde.

1 Yow 3:10

Mu didyo, bayaabulaa baala ba Nzaambi, na baala ba dyabulu. Mpisi wunde wuhelaa kusalila nsungumunu kari wa Nzaambi ko; bunubwo se kuri wuhelaa kutya mpaangi yaandi.

1 Yow 4:1

Banduku ba mutima, yaa lwesiila kanyi mu mpisi mpeeve ko, ngo fyongokinee mampeeve, mbuti ma Nzaambi mari; bukuri babikiri bampya balaka bamwaakwiisa mu nsi.