2 Tim 4:2 - Musamu Wamubwete 2013

² yikisa Maampu, landukina mu ntaangu yayelemene na yahele kuyelemene, seembe, ŋaŋina, syaamisa, mu nkindusulu-mutima yoyinso kunsa nyikusulu.

2 Tim 4:2 ပူးပေါင်းရင်းမြစ်များ

Musamu wamubwete watina Luka 7:23

Kiminu kuri wunde wuhele kubwa mu ntoono me!»

Musamu wamubwete watina Luka 7:4

Bo bu batubuka kuri Yesu, bamuyingukila nkati mu kifiki na baleele ti: «Muutu wu wayelemene mu kuri ti ye muyirikila mamo;

Musamu wamubwete watina Luka 9:60

Nde wamuleele ti: «Hemese bafwa bedziika bafwa baaku bo-meene. Ye ngo wuri, yende weyaabisa Kimfumu kya Nzaambi.»

Biyiriki bya Bantumu 13:5

Bu batubuka ku Salami, bo bayaabisa maampu ma Nzaambi munsa manzo ma nkutukunu ma Bayudayo. Yowane waba na bo bunu mubakisi.

Biyiriki bya Bantumu 16:13

Mu kiluumbu kya mpuumunu, beetu twapala ku mbasi, mu kukweende ku simu dya muwiilu maampa, kukwo twaba tsima ti kuri kibeendu kya lusaambulu. Beetu twadzakala kukwo na twadzoonso kuri bakyeetu baba bakutukini haho.

Biyiriki bya Bantumu 20:7

Kiluumbu kyatete kya lumiingu, bu twabvuutuna mu kubukunu mpa, Pawulo waba dzoonsaana na babo, bukuri waba kweende mu kiluumbu kyaba nama, nde wanonono luyolo natee mu kakati dya butsuku.

Biyiriki bya Bantumu 28:16

Mu ntaangu yi twakoto mu Loma, baha miswa kuri Pawulo mu kuba kwa nde-kaka na muyongolo waba kemukebaana.

Mukaanda kuri bari Loma 10:15

Na buri bayabisila, mbuti bahele kubaheeke? Bunu bu diri dyatinu ti: «Miri myamibwete, miilu mya babo bakweyaabisa misamu myamibwete!»

Mukaanda kuri bari Loma 12:12

Beenee na kiminu mu nsiitu, beenee na nkindusulu-mutima mu mpasi, beenee basyaama mu lusaambulu.

Mukaanda kuri bari Ngalatya 6:6

Hemese wunde wu bayikisa Maampu, kaha kikuuku kya byobinso bikari na byo, kuri wunde wumuyikisa.

Mukaanda kuri bari Kolosayi 1:25

Mu dyo, me nyayeki kisari, bunu buri bitsimi bya Nzaambi, bikari kaha kuri me, mu ntoono beenu, mu kukukisa maampu ma Nzaambi,

Mukaanda kuri bari Kolosayi 4:3

Mu ntaangu yo yimosi, saambilee se na mu beetu, mpisi heki Nzaambi katuha mpwaani ya kuyikisa maampu, na kuyaabisa mpaanu dza Kiristo, bukuri mu ntoono mpaanu dzidzo me nyiri mu boroko.

1 Tes 1:6

Na beenu lwayeki minsombisiri mya beetu na mya Mfumu, bu lwataamburi Maampu kunsa mpasi dzalaka, mu kiminu kya Mpeeve Yangisi.

1 Tes 5:14

Beetu tulusyaamisa, bampaangi: seembeenu babo bari kunsa kisaangila, syaamiseenu bari na boomo, kumiseenu bari na bubolo, beeneenu na nkindusulu-mutima mu bobanso.

1 Tes 5:20

Yaa lusaana mbikululu ko,

1 Tim 4:13

Natee ku nyikwiisa me, sa mutima mu ntaangulu, mu nsyamusunu, na mu nyikusulu.

1 Tim 5:20

Babwiiri mu masumu, lo baseembe ha busu bwa baatu bobanso, mpisi baatu bakaka se baba na boomo.

2 Tim 2:21

Ngo mbuti muutu tsyeemisini nyutu yaandi mu mamabi mamo, lo nde sa kaba lukoombo lwa lukiinsu, lwawuunguku, luri mufunu kuri Mfumu, mu kulusalila mu mpisi ma bayirikaa mamabwete.

2 Tim 2:25

Nde yelemini kuyikisa bari na muhaawu, mu bundeembu kuri ti kampe Nzaambi wubaheeri nyiingulu madyeele, mu kuyaaba ngwanwa,

2 Tim 3:10

Ngo ye wanemi kwakubwete nyikusulu dzaami, ndyaatulu yaami, bitaasi byaami, kanyi dyaami, nkindusulu-mutima yaami, ntiilu yaami, kifiki kyaami,

Mukaanda kuri Tito 1:13

Kimbaangi kimaki kiri kyangwanwa. Mu dyaambu didyo, ye yelemini kubaseembe mu makwa, mpisi baba bakuma mu kanyi,

Mukaanda kuri Tito 2:15

Ye yelemini kudzoonsolo mu mamo, kusyaamisa na seembe mu lutumu lwolunso. Muutu yaa kakunyaafuna ko.

Mukaanda kuri Bahebeleho 13:22

Bampaangi, me nyiluloombo ti kuundeenu maampu mamama ma nsyamusunu, bukuri mwaa-myantele me nyiri na myo mya kulutinina.

Nyabusulu ya Yowane 3:19

Me nyiŋaŋanaa na nyiseembaa bobanso bari nyibatiiri; mu didyo, ba na kuheme na yiinga madyeele.