2 Tim 4:16 - Musamu Wamubwete 2013

¹⁶ Ha nyaba nwaanikina me buungu dyaami mu lwatete, kuri muutu ti mosi ko wambakisiri, ngo bobanso banyekiri. Ngo yaa babaka mafuumbu mu mimyo ko.

2 Tim 4:16 ပူးပေါင်းရင်းမြစ်များ

Musamu wamubwete watina Malako 14:50

Hanaho, bayiki baandi bobanso bamusisa na bayitika.

Musamu wamubwete watina Luka 12:11

«Mu ntaangu yibalunata mu manzo mankutukunu, na ha busu bwa batsuundisi na bangaa-lutumu, lo yaa luba na boomo ko, ti buri lukalila manyutu meenu, bunu pe nki luleele;

Musamu wamubwete watina Yowane 16:32

Mono, kilookolo kiri mu kwiisa na kimwaatubuka, kiri sa lwaba lwatsamikisa, muutu-muutu ku nzo yaandi, na beenu sa lwasiisa me, me-kaka. Ngo me nyahele kuba me-kaka, bukuri Taata wuri kintwaari na me.

Biyiriki bya Bantumu 22:1

"Bampaangi na bataata, yukee ma nyileele me mu kukalila nyutu yaami."

Biyiriki bya Bantumu 25:16

Me nyabvutiri kuri bo ti, bari Loma bahele na kifu kya kuyekele mu myooko mya baatu, muutu wu bafuundiri, tekesele kabaka mpwaani ha busu bwa bamufuundiri mu kukalila nyutu, mu mi bamufuundiri.

Biyiriki bya Bantumu 7:60

Bu katsukuma, wafula musaakulu mu mbeembu yayinene ti: "Mfumu, yaa bataangula sumu dimadi ko." Bu kaleele mamo, Nde wabwa tolo.

1 Kol 13:5

yayirikaa dya nsoni ko, yasakaa ndaandu ya nde-meene ko, yabakaa nkesi ko, yakebaa makooti ko,

1 Kol 9:3

Kukalila kwa nyutu yaami, kuri babo bari mu kwensuundisa kuri bumabu.

2 Kol 7:11

Sa monee mu lumalu, nkya kifiki ngebe dza ntiilu ya Nzaambi dzibutiri mu beenu: nkya mampemisi, nkya minyoongi, nkya boomo, nkya musoongo, nkya kuheme, nkya maseembu! Mu myominso beenu lwasoongiri ti, lwahele na kibila mu musamu wunde.

Mukaanda kuri bari Filipo 1:17

ngo bakaka kweyaabisila Kiristo mu nkalikisi, kwahele kuba na mu mutima watsyeemeke; bo batiiri kuhamisa mpasi dza me mu boroko.

Mukaanda kuri bari Filipo 1:7

Buri bwa yelemene ti, me nyetsima ma bubwo mu beenu-banso, bukuri me nyalusuusa mu mutima waami. Ti hayuku me nyiri mu boroko, nyiri mu kukalala nyutu, na nyiri mu kusyaamisa Musamu Wamubwete, lo beenu-banso luri kintwaari mu bweese bwa me.

2 Tim 1:15

Ye yaari dimadi ti bobanso bari ku Asya banyekele; mu bo kuri Fingelo na Eremongene.

2 Tim 4:10

Mukwongo, Dema wanyekele, mu lumalu nde weki kutya kwaandi misamu mya ntaangu yimayi, na wayensi ku Tesalonika; Kereseke ngo wuri wayensi ku Ngalatya, na Tito ku Dalamatya.

2 Tim 4:15

Ngo ye se, sa madyeele mu nde, bukuri nde wanwaanisini maampu meetu mu kiteesu kyamakwa.

1 Pet 3:15

Dumusee Kiristo Mfumu kunsa mitima myeenu. Beene bayirima mu mantaangu momanso, mu kukalila buungu, kuri mpisi wunde wulufuula, nsiitu dziri mu beenu,