2 Tim 4:1 - Musamu Wamubwete 2013

¹ Me nyikuyingukila ha busu bwa Nzaambi, na ha busu bwa Kiristo Yesu, nde wukwiisa kutsuundisa bamwooyo na bafwa, na mu monokunu yaandi na mu kimfumu kyaandi,

2 Tim 4:1 ပူးပေါင်းရင်းမြစ်များ

Musamu wamubwete watina Matayi 16:27

Mukwongo, Mwaana muutu weki mu kwiisa mu munkeembu wa taayi dyaandi, kintwaari na bambasi baandi; haho, nde kabvutula kuri muutu-muutu, bunu buri biyiriki byaandi.

Musamu wamubwete watina Luka 19:12

Hango, nde waleele ti: «Muutu mosi walukiinsu wayende ku nsi ya la, mu kwetaambula bumbyaasi nde-meene na kwiisa bvutuka.

Musamu wamubwete watina Luka 19:15

Bu kamana kutaambula bumbyaasi wayisa bvutuka. Nde watumisa bisari bi kaheeri mboongo, mpisi kayaaba bi babakirye mu mumbungu.

Musamu wamubwete watina Luka 23:42

Tumi nde waleele ti: «Yesu, wumbaambukila mwooyo mu ntaangu yi wukwiisa ye mu kimfumu kyaaku.»

Biyiriki bya Bantumu 10:42

Nde watutuma mu kuyaabisa kuri kaanda na kutswiikisa ti Nzaambi nde kari kasa mutsuundisi bafwa na bamwooyo.

Biyiriki bya Bantumu 17:31

Bukuri nde wasoolo kiluumbu ki katsuundisa nsi mu nsungumunu, mu muutu wunde wu kari kasoolo, na nde wasoongo kimbaangi kuri bobanso mu kumufulukisa mu bafwa."

Mukaanda kuri bari Loma 2:16

Bubwo buba, mu kiluumbu ki tsuundisa Nzaambi mu Kiristo Yesu, mansweeki ma baatu, bunu buri Musamu waami Wamubwete.

Mukaanda kuri bari Kolosayi 3:4

Mu ntaangu mbasi-tsuku yi monokono Kiristo, nde wuri kidziingu kyeenu, beenu se kintwaari na nde sa lwamonokono mu nkeembu.

2 Tes 2:8

Tumi, wahele na mangisi kaba wamonokono, na hanaho Mfumu [Yesu] kamudzusula mu muheebulu wupala mu munwa waandi, na kamudziimbisila mu kumonokono kwa nyisulu yaandi.

1 Tim 5:21

Me nyi kuyingukila ha busu bwa Nzaambi, ha busu bwa Kiristo Yesu, na ha busu bwa bambasi ba Nzaambi ba bari basoolo ti, salila momanso mamo kwahele munsoori na kwahele bubayi.

2 Tim 1:10

Bweese bubwo bwayabakana mu lumalu, mu monokunu Mubvuukisi weetu Kiristo Yesu, wunde wasukisa lufwa, na wasa kuri ti mu Musamu Wamubwete bumwooyo buseme na mbolulu yihele kubweese kuba.

2 Tim 2:14

Babaambula mwooyo mu mamama, wubayingukila ha busu bwa Nzaambi, yaa beyumuna mu bitoolo ko. Mimyo myahele mufunu, mbuti ka wa kudziimbisa baatu bayuka myo ko.

2 Tim 4:18

Mfumu sa kankuula mu momanso mamabi ma banyirikila, na sa kamvuukisa mu kunkotoso mu kimfumu kyaandi kya mayulu. Nkeembu yiba kuri nde mu bibvu ngo bibvu! Amene.

2 Tim 4:8

Mu lumalu, ba mwaampungukila mpu ya nsungumunu, mbasi-tsuku yi nyakisa Mfumu, mutsuundisi wasuunguma, mu kiluumbu kikyo; kari kunu kuri me ko, ngo kuri bobanso se batiiri monokunu yaandi.

Mukaanda kuri Tito 2:13

mu kwekiingila nsiitu yayibwete, na monokunu nkeembu ya Nzaambi wadzaangama, na ya Mubvuukisi weetu Yesu Kiristo.

1 Pet 1:7

Mpisi heki nsiitsulu ya kanyi dyeenu, yibvuriri ntalu, ti na woolo dyatsyeemese mu mbaawu kasi difuukaana, yibaka ndaandu ya nsiikulu, ya nkeembu na ya lukiinsu, mu ntaangu yiyabakana Yesu Kiristo.

1 Pet 4:5

Bo sa batambikisa biyiriki byaaku, kuri wunde wayirima mu kutsuundisa bamwooyo na bafwa.

1 Pet 5:4

Tumi ha monokono mukuutu batari, beenu lutaambula lukoongolo lwa nkeembu luri lwabiiya ko.

2 Pet 1:11

Mukwongo, mu bubwo, nkotulu mu Kimfumu kyahele manunu, kya Mfumu na Mubvuukisi weetu Yesu Kiristo, yiba yaha kuri beenu mu bunsaalisi.

2 Pet 1:17

Mukwongo, nde wataamburi lukiinsu na nkeembu kuri Taata Nzaambi. Mbeembu yayukukuna kuri nde mu nkeembu yayinene ti: «Wumawu ngo mwaana waami wa mutima, mu nde me nyimonaa kiminu.»

1 Yow 2:28

Na mu lumalu, mwaa-baala, seenee kikuundi mu nde. Mpisi heki, mbuti nde monikini, lo tubeeneenu na nsiitu, na tuhelee kufwa nsoni la na nde, mu ntaangu ya nyisulu yaandi.

Nyabusulu ya Yowane 1:7

Mono, nde wuri mu kwiisa mu matuti, mpisi muutu sa kamumono, na babo bamutobiri dyoongi. Makaanda momanso ma ha butoto sa makoto mu manyoongi mu ntoono nde. Heehe! Amene!