2 Tim 3:3 - Musamu Wamubwete 2013

³ bahele na ntiilu, bahele na kyaari, bangaa-makele, bahele na mangisi, bangaa-bumfuna, bataatu ba mamabwete,

2 Tim 3:3 ပူးပေါင်းရင်းမြစ်များ

Musamu wamubwete watina Matayi 10:21

Mpaangi sa yayekele mpaangi mu lufwa; taayi se mwaana waandi. Baala sa banwaanisa bataayi na banguri, na kubadzusa.

Musamu wamubwete watina Matayi 4:1

Hanaho, Mpeeve yanata Yesu ku nsi ya nkatu, mpisi dyabulu kamusa mu nsindukulu.

Musamu wamubwete watina Luka 10:16

«Wunde wuluywiila, lo me kaywiiriri; na wunde wulunyaafuna, lo me kanyaafuni; ngo wunde wunyaafuna me, lo waheeke me kanyaafuni.»

Musamu wamubwete watina Luka 16:14

Bafarisi batiiri mboongo, baba yukaa momanso mamo, na basiila Yesu munsiku.

Musamu wamubwete watina Yowane 6:70

Yesu wabvutula kuri bo ti: «Buri beenu bo kuumi na boolo, kari me nyalusoolo ko? Ngo mosi mu beenu dyabulu kari.»

Mukaanda kuri bari Loma 1:29

Bayeki baluula mu momanso ma bubayi, mu mutima-bubi, mu ntiki-mboongo, mu nyirikulu mamabi; baluula mu musoki, nzusulu baatu, mu mayumu, mu mawunu, mu ndyaatulu dzadzibi. Bo bangaa-saana,

Mukaanda kuri bari Loma 1:31

Bo bahele na madyeele, bahele na ngwanwa, bahele na musoongo mu bambaasi, bahele na mutima wangebe.

1 Kol 7:5

Wuni yaa kabisa wakaka ko, mbuti ka kuri luyukusini mu mwaa-ntaangu, mpisi lukoto mu lusaambulu; tumi lubweese kubvutukila kuba ha kimosi, mu kubata ti Satana kakwiisa kulusindukila, bu luheriri kuba na nkebulu-nyutu.

1 Kol 7:9

Ngo mbuti bahele kubangisina kukebe manyutu, lo bakweele; bukuri bubvuriri bubwete mu kukweele ti na kuya mbaawu.

1 Tes 4:8

Hango-nkuumbu, mpisi wunde wubisa nyikusulu dzimadzi, lo kari muutu kabisiri ko, ngo Nzaambi wuhaanaa Mpeeve yaandi Yangisi kuri beenu.

1 Tim 3:11

Bakyeetu se bwobumosi, bayelemene kuba bakiinsuma, bahele na makele, bari na ndiilu na nwiinu byayelemene, bakwiikama mu myominso.

Mukaanda kuri Tito 1:8

Ngo nde yelemini kuba mutaamburi-banzeense, nduku mamabwe, wasoongolo, wasuunguma, wangisi, yaa kukebe nyutu yaandi.

Mukaanda kuri Tito 2:3

Bakyeetu ba binuni se bwobumosi, mu kidziingu kya bo basoongo nzelu yayelemene mu bangisi. Yaa baba na makele ko, yaa baba bankutu ba nwiinu malu ya mawaamba ko, ngo baba bayikisi ba mamabwe,

Mukaanda wa Yakobo 2:6

Ngo kasi beenu lwasaanini muwelu. Buri kari bisina bakookwelubamisaana, na bakookwelunataana ha mbasi ya mutsuundu ko?

2 Pet 2:14

Miisu mya bo myaluula mu kimpala, na banamitina mu kweyirika masumu. Bakwekoondo baatu bahele kukwiikama, mitima mya bo myayuku mu ntiki-mboongo, bo ngo baala ba mpopi.

2 Pet 2:19

Bo bakwetaasila baatu bunsaalisi, buni bo-meene bankutu ba bifu byabibi. Bukuri, mpisi muutu wuri nkutu kuri bibyo bi kari katumuma.

2 Pet 3:3

Tekeseleenu kuyaaba dimadi ti, mu biluumbu byansukulu, bangaa-munsiku sa biisa na munsiku waaku, sa bedyaatila bunu buri mantiilu ma bo-meene,

Mukaanda Yuda 1:16

Bo ngo bakwemunguta, bahele kumono kiminu mu kiteesu kyaaku, bakwedyaatila bunu buri nyiimunu dzaaku, na minwa mikwedzoonsolo mu masiiku, na bakwesiikila baatu mu ndaandu.

Mukaanda Yuda 1:18

Bo baba leelaa kuri beenu ti: «Kumanunu ntaangu, sa kwaba bangaa-munsiku bakwedyaatila bunu buri nyiimunu dzaaku, dza bangooyi.»

Nyabusulu ya Yowane 13:15

Baha kibulu kyabyoolo kikyo miswa, mu kuha muwuumunu kuri kiteki kya kifwaani kya kibulu kyatete, mpisi kiteki kikyo kidzoonso, na kisa kuri ti badzusa bobanso bari basii saambila kiteki kya kifwaani kya kibulu ko.

Nyabusulu ya Yowane 13:17

mpisi heki muutu kahele kuba na miswa mya kusuumba bunu pe mya kuyarika, mbuti wahele na kidiimbu, na nkuumbu kibulu bunu pe lutaangu lwa nkuumbu kibulu.

Nyabusulu ya Yowane 16:6

Bo batsaamini makila ma bangisi na ma babikiri, mu didyo ye wubanwiisiri mo; bubwo bwayelemene mu bo!»

Nyabusulu ya Yowane 17:6

Me nyamono mukyeetu wakolo mu makila ma bangisi, na mu makila ma bambaangi ba Yesu. Me nyakimuka mu kiteesu kya makwa ha nyamumwiini.