2 Tim 3:2 - Musamu Wamubwete 2013

² Mukwongo, baatu sa baba na kifu, batiiri mboongo, bangaa-nzala-kubila, bangaa-masiiku, bangaa-saana, bari na nko kuri bataayi na banguri, bari batoonda ko, bahele kubvumina bya Nzaambi,

2 Tim 3:2 ပူးပေါင်းရင်းမြစ်များ

Musamu wamubwete watina Matayi 15:6

lo wa bubwo wahele na nzala kukiinsa taayi dyaandi. Mu bubwo beenu lwayaala Maampu ma Nzaambi mu ntoono kikulu kyeenu.

Musamu wamubwete watina Luka 12:15

Yesu waleele kuri bo ti: «Taleenu na seenee madyeele mu mpisi kiteesu kya ntiki-mboongo, bukuri ti hayuku muutu waluula mu busina, lo kidziingu kya nde kyahele kukaangama mu bitotolo bi kari na byo.»

Musamu wamubwete watina Luka 16:14

Bafarisi batiiri mboongo, baba yukaa momanso mamo, na basiila Yesu munsiku.

Musamu wamubwete watina Luka 6:35

Ngo kasi, tyeeneenu bataatu beenu, yirikeenu mamabwe na soomboseenu kwahele kitsimi kiri ti balubvutikila. Museendu weenu sa kaba wamunene, na sa lwaba baala ba Mwa-yulu, bukuri nde wuri na mutima-bubwete, kuri bari bayaari kutoondo ko, na kuri bangaa-mutima-bubi.

Biyiriki bya Bantumu 5:36

Tekesele biluumbu bi, kwapala Teda, waba kweleele ti nde muutu wa lukiinsu, baatu balaka bamunama, kampe nkama na dza baatu. Bamudzusa na baba ha lumbisa lwa nde batsamukina, musamu wunde wadzima.

Mukaanda kuri bari Loma 11:18

lo yaa sa kimweese ko kuri bimpaala byatabulu. Mbuti ye wusa kimweese, lo yaaba kuri ti, kari myaansi myamene mu ye ko, ngo ye wamene mu myaansi.

2 Kol 5:15

Nde wafwiila mu bobanso, mpisi heki bamwooyo bahele kubweese kuba bamwooyo mu bo-meene, ngo mu wunde wafwiiri na wafulukiri mu ntoono bo.

Mukaanda kuri bari Filipo 2:21

Bobanso kwenama misamu mini mya bo-meene, nkani ka mya Yesu Kiristo ko.

Mukaanda kuri bari Kolosayi 3:5

Ngo hoteenu kusalila bifu bya nsi: buyala, nsumukunu, mantiilu mamabi, nyiimunu dzadzibi, na ntiki-mboongo yiri nsambukulu-biteki.

2 Tes 2:4

Wunde wutelemese kitaatu, na wudzaangama ha busu bwa mpisi ki baleeriri ti Nzaambi bunu pe ki basaambilaana, natee mu kiteesu kya kudzakala mu nzo Nzaambi, na kuleele nde-meene ti nde ngo Nzaambi.

1 Tim 1:20

Mu bo, kuri Imenayo na Alekandere, ba nyiri nyayekele kuri Satana, mpisi baba baseembu na bahele kubweese kwesaana Nzaambi.

1 Tim 1:9

Tuyaabeenu ti mangisi bahele kumaha mu ntoono basuunguma, ngo mu ntoono bahele na mangisi, na bahele kutumuma, bahele na kinzaambi, bangaa-masumu, bahele na kanyi, bangaa-saana, bakwedzusa bataayi na banguri, badzusi ba baatu,

1 Tim 3:3

yaa kaba yaa-kinwi ko, yaa kaba se ngaa-bikiindu ko, ngo kasi kaba wadzuuna, wahele kweyumusa baatu, na wahele na ntiki-mboongo.

1 Tim 6:10

Mukwongo, ntiilu ya mboongo ngo mwaansi wa momanso mamabi; babamosi bakaangama mu yo, bayeki badziimbisa kanyi, na bakomono manyutu maaku mu mburi manyoongi.

1 Tim 6:4

lo nde masiiku ma mudzusa miisu, na kayaa kitotolo ko. Nde wuri na bubeeru bwa nkalikisi na mayumu mu misamu. Kukwo kukoofuminaa musoki, nkalikisi, bitari, nsimunu mamabi,

2 Tim 3:4

bakweyarika bambaasi, bangaa-kituunsi kya nkesi, bangaa-masiiku mabuunu, babvuriri kutya minkeembu ti na Nzaambi;

Mukaanda wa Yakobo 2:8

Mbuti ngwanwa beenu lukukisaa ngisi ya kimfumu bunu buri Matinu: "Tya mbaasi yaaku bunu ye-meene", haho lo luyirikaa mamabwe.

Mukaanda wa Yakobo 4:16

Beenu mu lu, lukwesa kimweese mu masiiku meenu; mpisi kimweese kya bubwo lo kyakibi.

Mukaanda wa Yakobo 4:6

Nzaambi kootuhaanaa bweese bubvuriri bunene, hango-nkuumbu diri dyaleele ti: "Nzaambi wutungukilaa bangaa-masiiku, ngo kasi wuhaanaa bweese kuri bakuluka".

1 Pet 5:5

Bunubwo se, bituuti, beenee batumuma kuri bakulu ba babakala. Beenu-banso lwaateenu nkulukulu bunu musweele ha busu bwa bambaasi, bukuri: «Nzaambi wutungukilaa bangaa-masiiku, ngo kasi wuhaanaa bweese kuri bakuluka.»

2 Pet 2:10

mbiki ti babo batiiri kweyukutisa muswinyi, mu nyiimunu dzasumuka, na bakwenyaafuna bumfumu. Babo ngo bangaa-nzala-kubila, bangaa-masiiku, bahele na boomo mu kwesaana biluunsi bya nkeembu,

2 Pet 2:12

Baatu babo bakwesaana bi badziimbiri, ngo bo se sa bafwa bunu bibulu byahele na madyeele, bi bayirikiri mu ntoono yiri ti, byekaangama mu myeete kuri babidzusa;

2 Pet 2:18

Mukwongo, bakwedzoonso misamu myaminene myahele mufunu, bari mu kwekoondo mu nyiimunu dza muswinyi, mu buyala, babo babvuukila ha wuri dya mukuungi dya baatu bawumuka.

2 Pet 2:3

na mu ntiki-mboongo, mu dzoonsolo dza lupyelu bo sa babadiilila manene. Kuri bo kuholosono na kidzika, mutsuundu wuri mu kwesala, na mfukusulu yaaku yahele kubwa tolo.

Mukaanda Yuda 1:16

Bo ngo bakwemunguta, bahele kumono kiminu mu kiteesu kyaaku, bakwedyaatila bunu buri nyiimunu dzaaku, na minwa mikwedzoonsolo mu masiiku, na bakwesiikila baatu mu ndaandu.

Nyabusulu ya Yowane 13:1

Me nyamono kibulu kitoomboko mu mubu, kyaba na mampoko kuumi na mitu nsaamu, mu yulu mampoko maandi mo kuumi, mwaba mampu kuumi ma lutumu, na ha yulu mpisi mutu waandi kwaba mankuumbu ma nsaanunu.

Nyabusulu ya Yowane 16:11

Bo basaana Nzaambi ya ku yulu, mu ntoono mpasi dzaaku na minuungu; kasi bahele kuyiinga madyeele mu biyiriki byaaku.

Nyabusulu ya Yowane 16:21

Mvula ya mindiingi myaminene, miri kuleme makuumi matatu mamakilo, yanokono baatu; bo basaana Nzaambi mu ntoono kiteesu kya mpasi dza mvula ya mindiingi, bukuri kiteesu kya mpasi kikyo, kyaba kyakinene na kyalutila.

Nyabusulu ya Yowane 16:9

Baatu banyeenge mu nyangala yamakwa. Bo basaana nkuumbu Nzaambi, nde wuri na lutumu mu biteesu bya mpasi bi; kasi bahele kuyiinga madyeele mu kuha nkeembu kuri nde.