2 Tim 3:13 - Musamu Wamubwete 2013

¹³ Ngo baatu bababi na bangaa-bumpitu-bumpyoongo, sa bahamisa kudyaatila kunsa mabvuriri bubi, mu kwewumuna baatu, bu bari bawumuka bo-meene.

2 Tim 3:13 ပူးပေါင်းရင်းမြစ်များ

2 Kol 6:8

mu nkeembu na mu nsaanunu, mu mvuumfu yayibi na yayibwe, bunu bangaa-mpya koomosoko turi bangaa-ngwanwa,

1 Tim 4:1

Mpeeve wuyirika luleele ti: mu mantaangu ma nsukulu, babamosi sa bayekele kanyi, mu kukaangama mu mampeeve ma mawunu, na mu nyikusulu dza mampeeve mamabi,

2 Tim 3:8

Bunu Yanese bo na Yamberese babanwaanisa Moose, bunubwo se baatu bamaba bakwenwaanisa ngwanwa, madyeele ma bo mabiiya, na bo babwa mu mitariri kanyi.

Mukaanda kuri Tito 3:3

Mukwongo, mu ntaangu yayikulu beetuneenu se twaba biwulu, bangaa-nko, badziimbila, twaba mu bunkutu bwa nyiimunu na biminu bya bitsuumbu-bitsuumbu, twaba kwelutisa ntaangu mu mamabi na mu musoki, twaba baatu bari babele na bakwebelesene bo na bo.

2 Pet 2:20

Mukwongo, mbuti babaanaa bamwabvuuka mu nsumukunu dza nsi, mu ntoono nyaabulu ya Mfumu na Mubvuukisi weetu Yesu Kiristo, babweesiri kuba bakaangama lukimi mu nsumukunu dzidzo, na beki batumuma, lo kiteesu kya bo kisyeeriri, kyeki kibvuriri bubi ti na kyatete.

2 Pet 3:3

Tekeseleenu kuyaaba dimadi ti, mu biluumbu byansukulu, bangaa-munsiku sa biisa na munsiku waaku, sa bedyaatila bunu buri mantiilu ma bo-meene,

Nyabusulu ya Yowane 12:9

Batuba ha butoto Maŋataŋo mamanene, nyoko yayikulu, yi bateele ti dyabulu na Satana, wunde wudziimbisa nsi yansiina, bamutuba ha butoto, bambasi baandi se babatuba kintwaari na nde.

Nyabusulu ya Yowane 13:14

Mu ntoono bimaangu bi bamuheeri miswa mu kuyirika, ha busu bwa kibulu, kyo kikwedziimbisa babo badzakala ha butoto, na kikweleele kuri badzakala ha butoto ti bayirika kiteki, mu kifwaani kya kibulu ki baleti boko mu mbeesi yayila, ngo kiri mwooyo.

Nyabusulu ya Yowane 18:23

ku nzo ye, babweese kumono buungi bwa mwiinda ko; ku nzo ye, babweese kuyuka mambeembu ma munkuula na ntuumba bari mu lulelusunu lwa makweele ko, bukuri bangaa-mumbungu ba ye, babeeri baatu ba lukiinsu butoto, bukuri mu makundu maaku, ye wawumini makaanda momanso.»