2 Tim 2:26 - Musamu Wamubwete 2013

²⁶ na babvutukila bitsimi byabibwete, na bapala mu siinga dya dyabulu, mu kari kabakaanga, mu kuri ti bayirika ma katii nde.

2 Tim 2:26 ပူးပေါင်းရင်းမြစ်များ

Musamu wamubwete watina Luka 11:21

«Habaanaa ngaa-makwa wuri na binwaanunu byakuka, wuri mu kukebe nzo, lo bitotolo byaandi byakebu kwakubwe.

Musamu wamubwete watina Luka 15:17

Wakoto mu kwetsima nde-meene na waleele ti: "Bangaamba ba taata balaka bari na byandya bya buukula, kasi me nyiri mu kufwa mu nzala hamaha.

Musamu wamubwete watina Luka 5:10

Bwobumosi se kuri Yakobo na Yowane, baala ba Dzebedayi, bambaasi ba Simoni. Yesu waleele kuri Simoni ti: «Yaa ba na boomo ko; kuholosono mu lumalu ye sa webaka baatu.»

Musamu wamubwete watina Yowane 13:2

Kilookolo ki baba dya mu nsinsika, dyabulu waba mwaasuusa, mu mutima Yuda, mwaana Simoni Iskaryote, kitsimi kya kuyekele Yesu.

Musamu wamubwete watina Yowane 13:27

Kamanaa kudya kitsuri kya mpa, Satana wakoto mu nde. Haho Yesu wamuleele ti: «Ma wuri mu kuyirika, yirika mo mu mawasu.»

Biyiriki bya Bantumu 26:18

Me nyikuheekiri mu kudzibula miisu mya bo, mpisi bapala mu mampimbisi biisa ku buungi, bapala na mu lutumu lwa Satana, mu kuba mu lwa Nzaambi, mu kutaambula mpemusunu ya masumu, na bataambula kikuuku ha kakati dya bangisi mu kanyi dibasa mu me."

Biyiriki bya Bantumu 5:3

Petelo waleele ti: «Ananya, mu nkya ntoono Satana kaluulusiri mutima ye, mu kuwuna Mpeeve Yangisi, na ye sweekiri ndaambu mipata mi bakiryee mu lumpaangu?

1 Kol 15:34

Nkati bvutukee ha lwaba, na yaa lubwa mu masumu ko, bukuri babamosi bahele na nyaabulu Nzaambi, me nyiludzusa nsoni.

2 Kol 2:11

mpisi heki tuhele kubwa mu mawunu ma Satana, bukuri bitsimi bya nde tubiyaari.

Mukaanda kuri bari Efeso 5:14

bukuri momanso ma baanaa mamonokono lo meki buungi. Hango-nkuumbu, kaleele ti: «Siimbika, ye wuri tolo, teleme ha kakati dya bafwa, na Kiristo kasemese buungi bwaandi ha yulu ye.»

Mukaanda kuri bari Kolosayi 1:13

Nde watupalisa mu lutumu lwa mampimbisi, na watunata mu Kimfumu kya Mwaana wa ntiilu yaandi.

1 Tim 1:20

Mu bo, kuri Imenayo na Alekandere, ba nyiri nyayekele kuri Satana, mpisi baba baseembu na bahele kubweese kwesaana Nzaambi.

1 Tim 3:7

Yelemini kuba se na kimbaangi kyakibwete kimuteelile bari ku mbasi, mpisi kahele kufwa nsoni na kubwa mu siinga dya dyabulu.

Nyabusulu ya Yowane 12:9

Batuba ha butoto Maŋataŋo mamanene, nyoko yayikulu, yi bateele ti dyabulu na Satana, wunde wudziimbisa nsi yansiina, bamutuba ha butoto, bambasi baandi se babatuba kintwaari na nde.