2 Tim 2:24 - Musamu Wamubwete 2013

²⁴ Kisari kya Mfumu wahele kuyelemene kunwaana, ngo yelemini kuba na musoongo mu baatu bobanso, wakuka mu kuyikisa, na wukuunda mamabi.

2 Tim 2:24 ပူးပေါင်းရင်းမြစ်များ

Musamu wamubwete watina Matayi 12:19

"Nde kasa nkalikisi na muutu ko, kabikisa ko, kuri muutu ti mosi wuyuka mbeembu yaandi mu bibeendu bya bobanso ko.

Musamu wamubwete watina Yowane 6:52

Haho, Bayudayo bakalikisa bo na bo baleele ti: «Dyaburi nde katsiitsa kutuha muswinyi [waandi] mu kudya?»

Biyiriki bya Bantumu 15:2

Yumu na nkalikisi dza makwa byabwa ha kakati dya bayisiri babo na Pawulo, wuri waba kibari kimosi na Barnaba. Bakaanga kitsimi kiri ti Pawulo, Barnaba na bamosi bayisiri, batoomboko ku Yerusalemi, kuri bantumu na bakulu ba babakala, mu mitariri nkalikisi dzidzo.

Biyiriki bya Bantumu 23:9

Misaakulu myaminene myayukukuna, batina bamosi bari mu kibari kya Bafarisi, bateleme, basa nkalikisi baleele ti: "Beetu twahele kumono dyadibi mu muutu wu; kampe mbasi bunu pe mpeeve yidzoonsiri kuri nde!"

Biyiriki bya Bantumu 7:26

Kiluumbu kikimi, nde wamono bampaangi baandi bari mu kunwaana. Nde wasaka bwa kusa nyukusunu ha kakati dya bo, waleele ti: "Baatu ba, beenu ti bampaangi luri, nki luri mu kwebakana beenu na beenu?"

2 Kol 10:1

Me Pawulo, nyilusyaamisa me-meene mu bundeembu, na mu mutima-bubwete wa Kiristo. Bakweleele ti, me nyiri na nsoni habaanaa nyiri ha kakati dya beenu, ngo kasi nyakasuka habaanaa nyiri la na beenu;

2 Kol 10:4

Bukuri binwaanunu bituri mu kwenwaanina kikiindu, biri bya kimuutu ko; ngo kasi bya mpinu dza Nzaambi, byakuka mu kutsyaamuna bisweemunu bya makwa. Beetu tukwetsyaamuna nzoonsulu dzadzibi,

2 Kol 6:4

Ngo kasi mu myominso, beetu tutiiri kumonokono beetu-meene bunu bisari bya Nzaambi, kunsa kifiki kyalaka, mu mpasi, mu manyoongi, mu kinkuukulu,

Mukaanda kuri bari Ngalatya 5:22

Kasi kimbutu kya Mpeeve ngo: ntiilu, kiminu, kiyeengi, nkindusulu-mutima, mbweeyulu-mutima, nzala-baatu, kanyi,

Mukaanda kuri bari Efeso 4:2

mu nkulukulu yoyinso, mu bundeembu, mu nkindusulu-mutima, mu kwekuunda bambaasi beenu na beenu mu ntiilu.

Mukaanda kuri bari Filipo 2:14

Yirikee momanso kwahele kwemunguta na kwahele nkalikisi,

Mukaanda kuri bari Filipo 2:3

Yaa lwesalila kunsa nwaanusunu ko, bunu pe mu nzala-kubila yabuunu ko, ngo kasi mu nkulukulu, holulee bambaasi bunu ti bo babvuriri na beenu.

Mukaanda kuri bari Kolosayi 3:13

Yendeenu lwekuunda bambaasi beenu na beenu, na kwehemesene beenu na beenu. Mbuti mosi mu beenu wuri na mwaa munyoongi mu mbaasi, lo bunu bwaluhemesene Mfumu, beenu se seenee bubwo.

1 Tes 2:7

Twaba kwaandi lo twakuka mu kuri ti beenu lutubuungula, bu turi bantumu ba Kiristo, ngo kasi beetu twaba twaluula mu bundeembu ha kakati dya beenu, bunu musoombi wubuungulaana baala ba nde-meene.

1 Tim 6:11

Ngo ye muutu Nzaambi, bata misamu mimyo. Yende wesaka nsungumunu, kinzaambi, kanyi, ntiilu, nkindusulu-mutima, bundeembu.

Mukaanda kuri Tito 1:1

Me Pawulo, nkutu Nzaambi, ntumu Yesu Kiristo mu mitariri kanyi dya basoolu ba Nzaambi, na mu mitariri nyaabulu ngwanwa bunu buri kinzaambi,

Mukaanda kuri Tito 1:7

Mukwongo, mukuutu dibuundu wukebaa bya Nzaambi, kayelemini kuba na ntoono yi bamuseembele ko, wahele na masiiku, kari ngaa-mankesi ko, kari yaa-kinwi ko, kari ngaa-bikiindu ko, na kari wukwebakilaa mu bumbabu ko.

Mukaanda kuri Tito 1:9

Nde yelemini kuba se wakaangama mu maampu ma bayelemene kusiila kanyi, mpisi kaba wakuka mu kusyaamisa baatu mu nyikusulu dzadzibwete, na mu kutungukila se babo bari na muhaawu.

Mukaanda kuri Tito 3:2

Muutu kutuka pe, kuba pe bangaa-bikiindu, baba na bumpoombo, basoongo bundeembu kuri baatu bobanso.

Mukaanda wa Yakobo 1:1

Me Yakobo, nkutu Nzaambi na ya Mfumu Yesu Kiristo, kuri makaanda kuumi na moolo matsamukina mu mansi, mboto yeenu!

Mukaanda wa Yakobo 3:17

Ngo kasi madyeele ma ku yulu, hatete mari nkati matsyeemeke, tumi ma kiyeengi, madzuuna, matumuma, maluula mu ngebe na mu bimbutu byabibwete, mahele na munsoori na mahele na bumpitu-bumpyoongo.

Mukaanda wa Yakobo 4:2

Beenu lukwenyiima, na lwahele kubaka, lukwedzusa, lukwesa musoki, na kalutsiitsa kutaambula ko. Lukwenwaana na lukwesa midziingu, lwahele kubaka bukuri lwaloombaa ko.

1 Pet 3:8

Ha mambisa haho, yukusunee beenu-banso, kabusinee mpasi, tyeenee bampaangi, beenee bangaa-ngebe, beene bakuluka,

Mukaanda Yuda 1:3

Banduku ba mutima, me mbeeri kwaandi na musoongo walaka mu kulutinina, mu dyaambu dya mvuukulu yeetu ya kintwaari, ngo mwiini mufunu mu kulutinina, mpisi nyilusyaamisa mu kunwaana mu ntoono kanyi, di bari bayakisa kwakinkulu kuri bangisi.