2 Tim 2:15 - Musamu Wamubwete 2013

¹⁵ Sa makwa ye-meene, mu kumonokono ha busu bwa Nzaambi, bunu muutu wu bamwaatsiitsa, bunu kisari kihele kufwa nsoni, kikweyikisa maampu mangwanwa mu nyikusulu dzasuunguma.

2 Tim 2:15 ပူးပေါင်းရင်းမြစ်များ

Musamu wamubwete watina Matayi 13:52

Yesu waleele kuri bo ti: «Hango-nkuumbu, mpisi mutini mangisi weki muyiki wa Kimfumu kya mayulu, wafwanikini na muutu ngaa-nzo, wupalisa mu kisweekulu kyaandi, bitotolo byamoono na byabikulu.»

Musamu wamubwete watina Malako 4:33

Mu mankuma malaka ma bubwo, Yesu kaba kweyikisaa Maampu, bunu bwaba nyukulu ya baatu.

Musamu wamubwete watina Luka 12:42

Mfumu waleele: «Nkya kisari kyakwiikama na kyalubuka, kiri mfumu wumuha lutumu ha yulu bisari bya mu nzo yaandi, mu kubaha byandya mu ntaangu yayelemene?

Biyiriki bya Bantumu 2:22

"Bari Isaheli, yukeenu maampu mamama: Yesu wa ku Nadzareti, Nzaambi wamusooriri mu kuyirika bimaangu, mya nkimukunu na bidiimbu mu ntoono beenu. Nzaambi wayirika byo mu nde ha kakati dya beetu, bunu bu luyaari beenu-meene

Biyiriki bya Bantumu 20:27

Mu ngwanwa, me nyahele kulusweekele kitotolo ti kimosi, mu kuluyikisa kutya kwa Nzaambi.

Mukaanda kuri bari Loma 14:18

Wunde wusalila Kiristo mu kiteesu kikyo, lo wabweeye kuri Nzaambi, na wataambulu kuri baatu.

Mukaanda kuri bari Loma 16:10

Heenee mboto kuri Apele, nde wasoongiri bimbaangi byaandi mu Kiristo. Heenee mboto kuri babo bari mu nzo Aristobulo.

Mukaanda kuri bari Loma 6:13

Yaa lusalila binamu byeenu, bunu bisalulu bya bubayi mu kuyirika masumu ko. Ngo kasi beenu-meene salileenu Nzaambi, bunu baatu bamwooyo bafulukusu mu bafwa, na salileenu binamu byeenu, bunu binwaanunu bya nsungumunu mu kusalila Nzaambi.

1 Kol 2:6

Madyeele ma turi mu kweyikisa beetu ha kakati dya baatu babuuka, mari madyeele ma ntaangu yimayi ko, mari se ma bamfumu ba ntaangu yimayi, bari mu kweende kumfukusulu ko;

2 Kol 10:18

Mukwongo, kari wunde wusalaa mu ntumunu ya nde-meene bateela kimbaangi ko, ngo wunde wasala mu ntumunu ya Mfumu.

2 Kol 3:6

nde watuha makwa mu kuba bisari bya lulelusunu lwamoono, kari mu kisoni ko, ngo Mpeeve, bukuri kisoni kidzusaa, kasi Mpeeve yihaanaa bumwooyo.

2 Kol 4:2

Ngo kasi beetu twabisa mansweeki mansoni, tukwedyaatila kwahele mawunu, na twahele kwekitula maampu ma Nzaambi, ngo mu nsoongulu ngwanwa, beetu turi mu kwesaka kuri ti baatu batufyongokono, ha busu bwa Nzaambi.

2 Kol 5:9

Hango-nkuumbu, beetu di tutiiri mu kubweeye kuri nde, ti tuba mu nyutu yi, bunu pe tupala mu yo.

Mukaanda kuri bari Ngalatya 1:10

Mukwongo, mu lumalu, me nsalila makwa mu kuyirika ma tiiri baatu hoti ma tiiri Nzaambi? Buri haho mbweeyulu kuri baatu nyisaka? Mbuti mbee nyakiri kwesaka mbweeyulu kuri baatu, lo nketyee kuba nkutu Kiristo ko.

Mukaanda kuri bari Efeso 1:13

Mu nde, beenu luri lwayuka maampu ma ngwanwa, Musamu Wamubwete wa mvuukulu yeenu. Mu nde se, bu lwasiiriri kanyi, balusiiri kidiimbu mu Mpeeve Yangisi ya lusiilulu.

1 Tes 2:4

Ngo bukuri Nzaambi watufyongokini mu kutuyakisa Musamu Wamubwete, beetu tukweyikisa kari mu kubweeye ha busu bwa baatu ko, ngo ha busu bwa Nzaambi, nde wufyongokinaa mitima myeetu.

1 Tes 5:14

Beetu tulusyaamisa, bampaangi: seembeenu babo bari kunsa kisaangila, syaamiseenu bari na boomo, kumiseenu bari na bubolo, beeneenu na nkindusulu-mutima mu bobanso.

1 Tim 4:6

Wubaangulaana misamu mimyo kuri bampaangi, lo ye sa ba kisari kyakibwete kya Kiristo Yesu, kyadiisulu mu maampu ma kanyi, na mu nyikusulu dzadzibwete, dzi wuri mu kunama kwa kubwete.

Mukaanda kuri Bahebeleho 4:11

Ngo, tubingikileenu mu kukoto mu mpuumunu yiyo, mpisi heki kuhele kuba muutu wubwa bwobumosi mu nko.

Mukaanda wa Yakobo 1:12

Muutu wukuunda nsindukulu wuri mu lwambwe, bukuri bu bameeni kumutsiitsa, nde sa kataambula lukoongolo lwa bumwooyo lwataambukila Nzaambi kuri bamutyaanaa.

Mukaanda wa Yakobo 1:18

Mu kutya kwaandi, nde watubuta mu maampu ma ngwanwa, mu kuba bunu mintekesele mu biyiriki byaandi.

2 Pet 1:10

Hango-nkuumbu, bampaangi, bvuleenu kusalila makwa mu kukumisa mbila yi bari baluteele, na nsoolulu yibari balusoolo, bukuri lubaana luyirika mamo, lo luri mbwiilulu mu mamabi ko.

2 Pet 1:15

Me sa nsalila makwa, mpisi heki, ha mambisa ma mfwiilu yaami, beenu lubambukilaa misamu mimyo mwooyo, mu mpisi mpwaani yi lubaka.

2 Pet 3:14

Hango-nkuumbu, banduku ba mutima, bu luri mu kwekiingila mamo, seenee makwa, mpisi nde kiisa kalutangusina mu kiyeengi, kuri lwahele na maka na mi baluseembele