2 Tim 1:5 - Musamu Wamubwete 2013

⁵ Me nyibaambuka mwooyo mu kanyi dyangwanwa diri mu ye, kanyi didyo dyatekisiri kuba mu Lowisi, mwankaaka yaaku ya mukyeetu, na mu nguri yaaku Enike, me nyirikiri kuyaaba ti diri mu ye se.

2 Tim 1:5 ပူးပေါင်းရင်းမြစ်များ

Musamu wamubwete watina Yowane 1:47

Yesu wamono Natanahele wuri mu kwiisa kuri nde, waleele mu ntoono nde ti: «Mono mu-Isaheli wangwanwa, mu nde mwahele kuba mawunu.»

Biyiriki bya Bantumu 16:1

Ha mambisa haho, Pawulo watubuka ku Derbe, tumi ku Listara. Kukwo kwaba muyiki mosi, nkuumbu Timoteho, mwaana mukyeetu wa Muyudayo wuri na kanyi, ngo kasi taayi waba Muhelene.

Biyiriki bya Bantumu 26:26

Mukwongo mbyaasi yaari myominso mimyo, na me lo nzoonsiri mu nsiitu ha busu bwa nde. Me nyirikiri kuyaaba ti nde kadziimburi ti dimosi mu mamo ko, bukuri mamo mahele kuyirima mu nsweeki.

Mukaanda kuri bari Loma 14:14

Me nyaari, na nyiri na nsiitu mu Mfumu Yesu, ti kuri kyasumuka mu kyo-meene ko; ngo mbuti muutu habaanaa wusa kitsimi ti kitotolo ki kyasumuka, lo mu nde kyeki kyasumuka.

Mukaanda kuri bari Loma 14:5

Mukwongo, wamosi wusoolo kiluumbu ki kabvuriri kutya ti na kiluumbu kyakaka; wakaka wusoolo kiluumbu ngo kiluumbu; mpisi muutu wasingumina mu kitsimi kya nde-meene.

Mukaanda kuri bari Loma 15:14

Mu mitariri beenu, bampaangi baami, me nyirikiri kuyaaba ti, beenu se lwaluula mu mutima-bubwe, lwaluulusu mu nyaabulu yoyinso, na lwakuka mu kwelubusina beenu na beenu.

Mukaanda kuri bari Loma 4:21

Nde waba nkati na nsiitu dzakuka, ti Nzaambi wakuka mu kuyirika mamo, ma kari kasa nsiilulu.

Mukaanda kuri bari Loma 8:38

Mukwongo, me nyirikiri kuyaaba ti hayuku lufwa, bumwooyo, bambasi, bangaa-lutumu, misamu mya lolo di bunu mpe mya ntaangu yikwiisa, mpinu,

2 Kol 6:6

mu nsyemukunu, mu nyaabulu, mu nkindusulu-mutima, mu mbweeyulu-mutima, mu Mpeeve Yangisi, mu ntiilu yahele bumpitu-bumpyoongo,

1 Tim 1:5

Mufunu ntumunu yimayi, wuri mu kuri ti luba na ntiilu yifumunaa mu mutima watsyeemeke, nsimunu yayibwete, na kanyi dyahele bumpitu-bumpyoongo.

1 Tim 4:6

Wubaangulaana misamu mimyo kuri bampaangi, lo ye sa ba kisari kyakibwete kya Kiristo Yesu, kyadiisulu mu maampu ma kanyi, na mu nyikusulu dzadzibwete, dzi wuri mu kunama kwa kubwete.

2 Tim 1:12

Mu ntoono yiyo se, me nyiri mu kumono mpasi dzimadzi, ngo nyahele na nsoni, bukuri me nyaari mu nani me nyiri nyasa kanyi, na nyabakula ti, nde wakuka mu kukebe maampu ma kari kampa, natee mu kiluumbu kikyo.

2 Tim 3:15

Kuholosono bulesi bwaaku, Matinu Mangisi ye wumayaari, mo makuka mu kuha ye madyeele, mu kubaka mvuukulu mu kanyi mu Kiristo Yesu.

Mukaanda kuri Bahebeleho 11:13

Bobanso babo bafwiila mu kanyi, kwahele kutaambula bitotolo bya nsiilulu, ngo kasi, babitariri ku la na bamono kiminu mu byo, bo babakuri ti banzeense bari, na bidyeengi ha butoto.

Mukaanda kuri Bahebeleho 6:9

Ngo banduku ba mutima, ti bukuri turi mu kudzoonsolo bubwo, beetu tuyirikiri kuyaaba mu mitariri beenu, ti luri mu kiteesu kibvuriri bubwete, na lwakwaata mvuukulu.

1 Pet 1:22

Beenu lwatsyeemese miheebulu myeenu mu kutumuma kuri ngwanwa, mu dyaambu dya ntiilu ya kimpaangi, yahele na bumpitu-bumpyoongo. Tilisineenu beenu na beenu kwalaka mu mutima watsyeemeke,