2 Tim 1:4 - Musamu Wamubwete 2013

⁴ Bu nyibaambuka mwooyo mu mansangasa maaku, nyibaana na musoongo walaka wa kumono ye, mpisi mba nyaluula mu kiminu.

2 Tim 1:4 ပူးပေါင်းရင်းမြစ်များ

Musamu wamubwete watina Yowane 16:22

Hango nkuumbu, beenu mu lumalu luri na ngebe; ngo me sa nyabweese kulumono, na mitima mya beenu sa myamono kiminu; na kiminu kya beenu kuri muutu wuyisila kyo ko.»

Musamu wamubwete watina Yowane 16:24

Natee mu lumalu, beenu ka lwaloombiri kitotolo ti kimosi ko, mu nkuumbu me. Loombeenu na beenu sa lwataambula mpisi heki kiminu kyeenu kiba kyakuka.»

Biyiriki bya Bantumu 20:19

nyasalila Mfumu mu nkulukulu yoyinso; kunsa bidilu na kunsa nsindukulu dzantumbukila mu makele ma Bayudayo.

Biyiriki bya Bantumu 20:31

Mu ntoono bubwo, beene naana na baambukeenu mwooyo ti, mu lutaangu lwa mibvu mitatu, butsuku na mwiini, me nyahele kudzimbikina kulubula mpisi nde mu beenu, mu mansangasi.

Mukaanda kuri bari Loma 1:11

Bukuri nyiri na musoongo walaka wa kulumono, mpisi heki nyilutubukila kikabu kyakimpeeve, mpisi luba bakumusu.

Mukaanda kuri bari Filipo 1:8

Mukwongo, Nzaambi mbaangi yaami, me nyilutiiri beenu-banso kwalaka mu lusaambu lwa Kiristo Yesu.

Mukaanda kuri bari Filipo 2:26

bukuri nde wuri na nzala beenu yalaka, na wuri mu kubamaa, bukuri beenu lwayukiri ti nde wabee wabeele.

1 Tes 2:17

Bampaangi, beetu ngo bari, bu twaba la na beenu mu mwaa ntaangu, mu manyutu nkani ka mu mitima ko, mu musoongo walaka wu twaba na nde, twabaka kitsimi kya makwa mu kuri ti tumoneenu mu miisu na miisu.

2 Tim 4:21

Sa makwa mu kwiisa, tekesele ntaangu ya kyoosi yitubuka. Ebulo, Pude, Lino, Kolodya, na bampaangi bobanso bakuheekiri mboto.

2 Tim 4:9

Ba na malwangukila mu kwiisa kuri me mu mawasu.

1 Yow 1:4

Beetu turi mu kutina mamama, mpisi heki kiminu kyeetu kiba kyakuka.

Nyabusulu ya Yowane 21:4

Nde sa kayaala mansangasa momanso mu miisu mya bo. Kubweese kuba lufwa ko, bufwiiri se ko, misaakulu na mpasi se ko, [bukuri] bitotolo byatete bimwaaluta.»

Nyabusulu ya Yowane 7:17

bukuri Mwaana kimeeme wuri ha kakati dya mboloko, sa kabatwaalisa na sa kabanata ku bidzinga bya maampa mamwooyo, na Nzaambi sa kayaala mansangasa momanso mu miisu mya bo.»