2 Tes 3:8 - Musamu Wamubwete 2013

⁸ Beetu twasii kudya byandya bya muutu kwa buunu ko; ngo kunsa kisalu kya makwa na kunsa mpasi, butsuku na mwiini, beetu twasala mpisi heki mu beenu, muutu kahele kutubuungula.

2 Tes 3:8 ပူးပေါင်းရင်းမြစ်များ

Musamu wamubwete watina Matayi 6:11

Tuha byandya byeetu bya kiluumbu ki, lolo dimadi.

Biyiriki bya Bantumu 18:3

na bukuri waba kisalu kimosi na bo, nde wadzakala kuri bo na wasala kintwaari na bo. Bo baba batuungi ba misaampu.

Biyiriki bya Bantumu 20:34

Beenu-meene luyaari ti myooko mimami, myabakisiryee me-meene na banduku baami mu manzala.

1 Kol 4:12

na turi mu kwemono mpasi mu kwesala mu myooko mya beetu-meene. Bakwetutuka, ngo beetu tukwesakumuna; turi bakwaamusu, ngo beetu tukwekuunda;

1 Kol 9:4

Buri beetu twahele na miswa mu kudya na mu kunwa?

2 Kol 11:27

Me nyasala na nyamono mpasi, me nyakyeelele bitulu bya bwiisi ntaangu ngo ntaangu, nyakolo nzala na mpwiisu, nyakoto maloomi ntaangu ngo ntaangu, nyakuukila kyoosi na nyaba mpene.

2 Kol 11:9

Ha nyaba kuri beenu, bu nyaba na nzala lubakusu, me nyasii diila muutu manene ko; ngo me nyataambula lubakusu kuri bampaangi bafumini ku Makedonya; mu myominso me nyabisiri kuri ti beenu lumbuungula, na sa nyanamitina kubisa ntoono yiyo.

Mukaanda kuri bari Efeso 4:28

Ngaa-kwiibi ya kabweese kuyiba ko, ngo kamono mpasi mu kusala bunu buyelemini, mu myooko mya nde-meene, mpisi heki kabaka kya kuha kuri wunde wuri na nzala kubaka.

1 Tes 2:9

Mukwongo, baambukeenu mwooyo, bampaangi, mu kisalu kya makwa na mpasi dza beetu: beetu twaluyikisa Musamu Wamubwete wa Nzaambi, mu kwesala butsuku na mwiini, mpisi heki ti mosi mu beenu kahele kutubuungula.

1 Tes 4:11

mu kweba na nzala kunata kidziingu kunsa kidzuunu, na kwenama misamu mini mya beenu-meene, na kwesala mu myooko mya beenu-meene bunu bu turi twalutuma dyo.

2 Tes 3:12

Beetu tuloombo na tusyaamisa baatu ba bubwo, mu nkuumbu ya Mfumu Yesu Kiristo ti: basala mu kidzuunu mu kubaka bya kudya bya bo-meene.