2 Tes 3:14 - Musamu Wamubwete 2013

¹⁴ Mbuti kuri muutu wahele kutambikila ma turi mu kuleele beetu mu mukaanda wu, lo kebee dyo mu kuhele kubweese kuba kintwaari na wa bubwo, mpisi kamono nsoni.

2 Tes 3:14 ပူးပေါင်းရင်းမြစ်များ

Musamu wamubwete watina Matayi 18:17

Mbuti bisiri mu kubaywiila, lo leele dyo kuri dibuundu. Na mbuti bisiri se kuywiila dibuundu, lo hemese kuba kuri ye bunu munzeense, bunu pe mutori-mpaku.»

Mukaanda kuri bari Loma 16:17

Bampaangi, me nyilusyaamisa mu kusa madyeele, mu baatu bakwesa nkabunu na bakwelubumusa makya, mu nyikusulu dzi luri lwataambula; batekelee mbisa;

1 Kol 4:14

Me nyiri mu kulutinina misamu mimami, kari mu kuludzusa nsoni ko, kasi mu kululubula bunu baala baami ba mutima.

1 Kol 5:11

Ngo mi nyiri nyalutinini me miri ti, yaa lwebvuutuna na muutu wuleele kuri ti nde mpaangi, kasi kiyala kari, bunu pe ngaa-nsoki-mboongo, bunu pe munsaambiri-biteki, bunu pe ngaa-bitari, bunu pe mukori-malu, bunu pe wukwedzika bya baatu, muutu wa bubwo, lo beenu ti kudya pe kintwaari na nde.

1 Kol 5:9

Me nyalutinini dyo mu mukaanda ti, yaa lwebvuutuna na biyala ko.

2 Kol 10:6

na tuba twayirima mu kuseembe babo bahele kutumuma, mu ntaangu yiri beenu-banso lumwaamana kutumuma.

2 Kol 2:9

Bukuri mu bubwo me nyalutinini, mpisi me nyilutsiitsa, mu kuyaaba, kari beenu luri na bintambukulu mu myominso.

2 Kol 7:15

Nde wuri na musoongo walaka mu beenu, mbiki ti ha kabaambuka nde mwooyo mu kutumuma kwa beenu-banso, na bu lwasiiri mu kumutaambula mu kibvumi na mu ntekutulu.

Mukaanda kuri bari Filipo 2:12

Mu didyo, banduku baami ba mutima, bunu bu lukootumumaa mu mpisi ntaangu, kari hani ha busu bwa me ko, ngo mu lumalu, bvulee kutumuma, me bu nyiri nde pe. Salilee mu kibvumi na mu ntekutulu, mu kubaka mvuukulu ya beenu-meene,

Mukaanda kuri bari Kolosayi 4:16

Bu lumeeni kutaanga mukaanda wumawu, lo seenee kuri ti kaba wataangu se kuri dibuundu dya bari ku Lahodikya; na mukaanda wa bari ku Lahodikya beenu se lumutaanga.

1 Tes 4:8

Hango-nkuumbu, mpisi wunde wubisa nyikusulu dzimadzi, lo kari muutu kabisiri ko, ngo Nzaambi wuhaanaa Mpeeve yaandi Yangisi kuri beenu.

2 Tes 3:6

Bampaangi, beetu tululoombiri mu nkuumbu ya Mfumu yeetu Yesu Kiristo, mu kutatuku la na mpisi mpaangi yi kwedyaatila kunsa kisaangila, kwahele kuyelemene na kikulu ki lwataambula kuri beetu.

Mukaanda kuri Tito 2:8

Maampu ma ye hemese maba matsyeemeke, mahele na bwa kumanwaanisina, mpisi heki bataatu bafwa nsoni, bahele kubaka ntoono yayibi yi batuseembele.

Mukaanda kuri Tito 3:10

Muutu wukwekotoso nkabunu, wumanaa kumulubula lwatete na lwadzoolo, wumuwuungiri.

Film 1:21

Mu nsiitu mu bintambukulu bya ye, me nyikutinini bu nyaari ti, sa yirika mabvuriri kiteesu ti na ma nyikuleeriri.

Mukaanda kuri Bahebeleho 13:17

Beenee na bintambukulu kuri babo bakwelutwaalisa, na beenee batumuma kuri bo. Mukwongo, bo bakwekebe miheebulu mya beenu, bukuri bo sa batambikisa mabuungu. Seenee bubwo mpisi bo besala kisalu mu kiminu, nkani ka mu kwekuuma ko, bukuri babaa bakwekuuma, lo mimyo myahele ndaandu kuri beenu.

2 Yow 1:10

Mbuti muutu wiisiri kuri beenu, na wahele kutwaala nyikusulu dzidzo, lo yaa lumutaambula mu nzo yeenu ko, na yaa lumuha mboto ko.