2 Tes 2:15 - Musamu Wamubwete 2013

¹⁵ Hango-nkuumbu, bampaangi, beenee bakwiikama na kebeenu kikulu ki lwataamburi kuri beetu, mu ndzonsulu bunu pe mu mukaanda.

2 Tes 2:15 ပူးပေါင်းရင်းမြစ်များ

Mukaanda kuri bari Loma 16:17

Bampaangi, me nyilusyaamisa mu kusa madyeele, mu baatu bakwesa nkabunu na bakwelubumusa makya, mu nyikusulu dzi luri lwataambula; batekelee mbisa;

1 Kol 11:2

Me nyilusiika bu lukootsiminaa me mu myominso, na bu luri lwakebe kikulu bunu bu nyalutubukiri kyo.

1 Kol 15:58

Hango, bampaangi baami ba mutima, beeneenu na keketee, na ngwii, salee kisalu kya Mfumu, mu kiteesu kyalutila mu mantaangu momanso, bu luyaari kuri ti kisalu kyeenu mu Mfumu, ka kiri kyabuunu ko.

1 Kol 16:13

Beenee naana, teleme na keketee mu kanyi, lwatee kibakala, beenee na makwa.

Mukaanda kuri bari Filipo 4:1

Mu didyo, bampaangi baami ba mutima, ba ntiiri kwalaka, beenu luri kiminu kyaami na lukoongolo lwaami; ngo banduku ba mutima, beenee na keketee mu Mfumu.

2 Tes 2:2

yaa luwasula kumono mutima mambaawu ko, na yaa luba na boomo ko mu mbikululu, mu nyikusulu, bunu pe mu mukaanda wu baleele ti wafumuna kuri beetu; bunu ti kiluumbu kya Mfumu ki mwaakwiisa.

2 Tes 3:14

Mbuti kuri muutu wahele kutambikila ma turi mu kuleele beetu mu mukaanda wu, lo kebee dyo mu kuhele kubweese kuba kintwaari na wa bubwo, mpisi kamono nsoni.

2 Tes 3:6

Bampaangi, beetu tululoombiri mu nkuumbu ya Mfumu yeetu Yesu Kiristo, mu kutatuku la na mpisi mpaangi yi kwedyaatila kunsa kisaangila, kwahele kuyelemene na kikulu ki lwataambula kuri beetu.

Mukaanda kuri Tito 1:9

Nde yelemini kuba se wakaangama mu maampu ma bayelemene kusiila kanyi, mpisi kaba wakuka mu kusyaamisa baatu mu nyikusulu dzadzibwete, na mu kutungukila se babo bari na muhaawu.

Mukaanda Yuda 1:3

Banduku ba mutima, me mbeeri kwaandi na musoongo walaka mu kulutinina, mu dyaambu dya mvuukulu yeetu ya kintwaari, ngo mwiini mufunu mu kulutinina, mpisi nyilusyaamisa mu kunwaana mu ntoono kanyi, di bari bayakisa kwakinkulu kuri bangisi.