2 Tes 1:7 - Musamu Wamubwete 2013

⁷ na kaha mpuumunu, kuri beenu luri mu kwemono manyoongi, na kuri beetu. Mimyo mbasi-tsuku sa myaba ha monokono Mfumu Yesu mu mayulu na bambasi ba mpinu dzaandi,

2 Tes 1:7 ပူးပေါင်းရင်းမြစ်များ

Musamu wamubwete watina Matayi 16:27

Mukwongo, Mwaana muutu weki mu kwiisa mu munkeembu wa taayi dyaandi, kintwaari na bambasi baandi; haho, nde kabvutula kuri muutu-muutu, bunu buri biyiriki byaandi.

Musamu wamubwete watina Matayi 16:28

Mu ngwanwa me nyiluleeriri ti: Babamosi mu bateleme hamaha, bafwa ko, natee bakiri mono Mwaana muutu wiisiri mu Kimfumu kyaandi.»

Musamu wamubwete watina Matayi 25:31

«Mbasi-tsuku ha kwiisa Mwaana muutu kunsa nkeembu yaandi, na bambasi bobanso kintwaari na nde, haho nde kadzakala ha yulu mboloko ya nkeembu yaandi.

Musamu wamubwete watina Matayi 25:41

«Haho mbyaasi sa kaleele kuri bari ku lumoso ti: "Tatukeenu la na me, beenu ba bari babulila mpopi, yendeenu ku mbaawu yahele manunu, yibari bayirikila mu ntoono dyabulu na bambasi baandi.

Musamu wamubwete watina Matayi 26:64

Yesu waleele kuri nde ti: «Ye leeriri. Ngo me nyileele kuri beenu ti: Kuholosono lumalu, beenu sa lumono Mwaana muutu wadzakala ha lubakala lwa mpinu, na wuri mu kwiisa mu matuti ma yulu.»

Musamu wamubwete watina Malako 14:62

Yesu wabvutula ti: «Me nyiri; na sa lwamono Mwaana muutu wadzakala ha Lubakala lwa Mpinu na wuri mu kwiisa mu matuti ma yulu.»

Musamu wamubwete watina Malako 8:38

Mukwongo, wunde wuba na nsoni mu me, na mu maampu maami, mu kiseendu kimaki, kya kimpala na kya masumu, lo Mwaana muutu se, ha kakwiisa nde na bambasi bangisi mu nkeembu Taayi dyaandi, sa kamumwiina nsoni.»

Musamu wamubwete watina Luka 16:25

Abalaami waleele kuri nde ti: "Mwaana me, baambuka mwooyo ti ye wataamburi byabibwe bya ye, ha wabee mu bumwooyo, na Ladzaro nde se wamwii manyoongi. Ngo mu lumalu, nde wuri mu mboondulu hamaha, kasi ye wuri mu kubama.

Musamu wamubwete watina Luka 17:30

Bunubwo se, mbasi-tsuku buba mu kiluumbu, kiyabukina Mwaana muutu.»

Musamu wamubwete watina Yowane 1:3

Byobinso byayirima mu mo; na kuri kitotolo ti kimosi kyayirima ko, kwahele kuyirimina mu mo.

Musamu wamubwete watina Yowane 1:51

Yesu waleele kuri bo ti: «Mu ngwanwa mu ngwanwa, me nyiluleele, beenu sa lwamono yulu dyadzibulu, na bambasi ba Nzaambi batoomboko na bakulumuka ha yulu Mwaana muutu!»

Biyiriki bya Bantumu 1:11

na baleele kuri bo ti: "Bari Ngalili, mu nki ntoono beenu luri mu kutala ku yulu? Yesu di, wu bayisiri ha kakati dya beenu, weensi ku yulu, bunubwo se mbasi-tsuku kabweese kwiisikila, bunu bu lumumwiini bu kensikiri ku yulu."

Biyiriki bya Bantumu 3:19

Hango, yiingeenu madyeele na seenee kanyi, mpisi heki masumu ma beenu maba mayaalu,

Mukaanda kuri bari Loma 8:17

Mbuti turi baala, lo turi se bakondiri ba saala: bakondiri ba saala dya Nzaambi, bakondiri kintwaari na Kiristo, mbuti heki tubamaa na nde, mpisi heki tuba se bakeembese na nde.

1 Kol 3:13

lo kisalu kya mpisi muutu sa kyaba kyamonokono. Mukwongo, kiluumbu sa kyasoongo, bukuri kisalu sa kyayabakana mu mbaawu, mbaawu sa yatsiitsa kumono bunu buri kisalu kya mpisi muutu.

2 Kol 4:17

Mukwongo, mpasi dzeetu dzaleenge mu ntaangu yi, dziri mu kubuta kilemu kya nkeembu ha yulu nkeembu, yahele manunu kuri beetu.

Mukaanda kuri bari Efeso 1:2

bweese na kiyeengi bifumunaa kuri Nzaambi, Taayi dyeetu na kuri Mfumu Yesu Kiristo biba na beenu.

Mukaanda kuri bari Kolosayi 1:16

bukuri mu nde, bitotolo byobinso bari babiyirikila, mu mayulu na ha butoto, bi bamonaa na biri bamonaa ko, ti mamboloko, ti bumbyaasi, ti bimfumu, ti lutumu. Bitotolo byobinso mu nde, na mu ntoono nde, bari babiyirikila.

1 Tes 3:13

Hemese nde kakumisa mitima myeenu, mpisi heki beenu luba bangisi na bahele maseembu ha busu bwa Taayi dyeetu Nzaambi, mu ntaangu ya nyisulu Mfumu yeetu Yesu kintwaari na bangisi baandi bobanso. [Amene].

2 Tim 2:12

mbuti tukuundiri mpasi kintwaari na nde, lo sa twatuma kintwaari na nde se; mbuti tumutunini, lo nde se sa katutuna;

Mukaanda kuri Tito 2:13

mu kwekiingila nsiitu yayibwete, na monokunu nkeembu ya Nzaambi wadzaangama, na ya Mubvuukisi weetu Yesu Kiristo.

Mukaanda kuri Bahebeleho 10:27

ngo bisiiri lo kunu kukiinga mutsuundu wansisi na mbaawu ya makwa, mbasi-tsuku yiyoko bangaa-tungu.

Mukaanda kuri Bahebeleho 12:29

Mukwongo, Nzaambi yeetu, nde mbaawu yikoonyengisaa.

Mukaanda kuri Bahebeleho 4:1

Ngo tuseenee madyeele, lusiilulu lwa kukoto mu mpuumunu yaandi bu lwakiri, muutu mu beenu kahele kumono kuri ti, nde wasaala ku lumperi.

Mukaanda kuri Bahebeleho 4:11

Ngo, tubingikileenu mu kukoto mu mpuumunu yiyo, mpisi heki kuhele kuba muutu wubwa bwobumosi mu nko.

Mukaanda kuri Bahebeleho 4:9

Hango, kwakiri kiluumbu kya mpuumunu, mu ntoono baatu ba Nzaambi.

Mukaanda kuri Bahebeleho 9:28

bunubwo se, Kiristo bamuha mu kikabu mbala mosi, mu kuyusula masumu ma fundu-fundu dya baatu, na kumonokono lwadzoolo kwahele masumu, kuri babo bamukiinga, mpisi kabaha mvuukulu.

1 Pet 3:22

nde wuri bu kayende ku yulu, wuri ha lubakala lwa Nzaambi. Bambasi, na baatu bari na lutumu na bari na mpinu, bari kunsa lutumu lwaandi.

2 Pet 3:7

Ngo mayulu na butoto bya lumalu, mu maampu momamosi, biri byawuunguku mu ntoono mbaawu, na byakebu mu kiluumbu kya mutsuundu, na kya mfukusulu baatu, bahele na kinzaambi.

Mukaanda Yuda 1:7

Bunu buri Sodoma na Ngomora na mabvula ma badyengekele, masariri buyala bunu bo, mu kiteesu kyokimosi, na banemi bari na manyutu ma kinzeri kikimi, bo bari mu kifwaani kya baatu babwiilikila maseembu ma mbaawu ya mantaangu momanso.

Nyabusulu ya Yowane 1:7

Mono, nde wuri mu kwiisa mu matuti, mpisi muutu sa kamumono, na babo bamutobiri dyoongi. Makaanda momanso ma ha butoto sa makoto mu manyoongi mu ntoono nde. Heehe! Amene!

Nyabusulu ya Yowane 14:10

lo nde se sa kanwa malu ma nkesi dza Nzaambi, masekele kwahele bisaangi, munsa mbasa ya nkesi dzaandi, nde sa kaba wakwaamusu kunsa mbaawu na mfulu dza ntiinta ya musaka-nkala, ha busu bwa bambasi bangisi na ha busu bwa Mwaana kimeeme.

Nyabusulu ya Yowane 14:13

Me nyayuka mbeembu mosi yafumuna ku yulu yileele: «Tina: "Kiminu kuri babo bafwa, bafwiila mu Mfumu, kubaandika lumalu!" – "Heehe, buleele Mpeeve, bo bawuumaa mu bisalu bya bo, bukuri biyiriki bya bo bikwebanama!"»

Nyabusulu ya Yowane 20:11

Me nyamono mboloko yadzaangama yahembeke, na wunde waba wadzakala ha yulu yo. Yulu na butoto byayitika ha busu bwaandi, na ka kwasii bweese kuba kibeendu kuri byo ko.

Nyabusulu ya Yowane 21:4

Nde sa kayaala mansangasa momanso mu miisu mya bo. Kubweese kuba lufwa ko, bufwiiri se ko, misaakulu na mpasi se ko, [bukuri] bitotolo byatete bimwaaluta.»

Nyabusulu ya Yowane 22:16

«Me Yesu, nyaheekiri mbasi yaami, mu kuteele beenu kimbaangi mu mi tariri mabuundu. Me nyapalila mu kaanda dya Davidi, mbwetete yisemaa ya minkya.»

Nyabusulu ya Yowane 22:6

Mbasi yaleele kuri me ti: «Maampu mamama makuka mu kanyi na mangwanwa. Na Mfumu, Nzaambi ya mampeeve ma babikiri, waheeke mbasi yaandi mu kusoongo kuri bisari byaandi, mamo mari bele mu kwiisa.»

Nyabusulu ya Yowane 22:9

Nde waleele kuri me ti: «Mono, yaa sa bubwo koono; me mbasi yaaku ya kisalu, na ya bampaangi baaku babikiri, babo bakebaa maampu ma mukaanda wumawu. Nzaambi ye yelemini kusaambila.»

Nyabusulu ya Yowane 6:11

Kuri mosi-mosi mu bo, bayakisa dzweele dyahembeke, na babaleele ti, bakiinga mu mwaa-ntaangu yantele, natee kukuka lutaangu lwa bambaasi ba bo, bari mu bunkutu, na bampaangi ba bo baba badzusu bunu bo.