Mukwongo, Nzaambi wahele na bubayi, mu kudzimbikina kisalu kyeenu, na ntiilu yi luri lwasoongo mu nkuumbu yaandi, bu lwasariri bangisi, na bu luri mu kunamitina kubasalila.
Makaanda mabaka nkesi, nkesi dza ye dzamonokono, na ntaangu ya kutsuundisa bafwa yitubukiri, ya kuha museendu kuri bisari byaaku, kuri babikiri, kuri bangisi na kuri babvuminaa nkuumbu yaaku, kuri bakuutu na bilesi; ntaangu ya kutsyaamuna babo bari mu kwetsaamuna butoto!»
Mfumu, na wunde wuhele kubvumina ye, wuhele kudumusa nkuumbu yaaku? Bukuri ye kitsu wuri wangisi, makaanda momanso sa miisa ha busu bwaaku na sa makusaambila, bukuri nsundusulu dzaaku dzimwaamonoko.»
Nsundusulu dzaandi dziri dzangwanwa na dzasuunguma; bukuri nde watsuundisiri kiyala kya mukyeetu kyakinene, kyabee kweebiiyisa butoto mu buyala bwaandi, na wabvutiri kitete kuri kiyala kikyo, mu ntoono makila ma bisari byaandi.»
Bo babikisa mu mbeembu yayinene ti: «Natee kya ntaangu, Mfumu yangisi na yangwanwa, ye wukiinga mu kutsuundisa bari ha butoto, na kubvutula kitete mu makila ma beetu?»