2 Pet 3:2 - Musamu Wamubwete 2013

² na lubaambuka mwooyo mu maampu matekisiri kuyaabisa babikiri bangisi, na mu lutumu lwa bantumu beenu, lwa Mfumu na Mubvuukisi.

2 Pet 3:2 ပူးပေါင်းရင်းမြစ်များ

Musamu wamubwete watina Luka 1:70

Bunu bu kayaabisiri, na kidzika mu minwa mya babikiri baandi bangisi.

Musamu wamubwete watina Luka 24:27

Nde ha kababangukula misamu mitariri nde-meene, miri mu Matinu momanso, kubandikila Moose natee mu babikiri.

Musamu wamubwete watina Luka 24:44

Tumi wabaleele ti: «Mamama ngo maampu ma nyabee luleelaana, mu ntaangu yi nyabee nyakiri na beenu ti: "Myominso myatinu mu ntoono ya me, mu mangisi ma Moose, na mu babikiri natee mu mikuunga, miyelemini kweende mu mana.»

Biyiriki bya Bantumu 10:43

Babikiri bobanso bateele nde kimbaangi, mpisi wusa kanyi mu nde, sa kataambula mpemisi ya masumu mu nkuumbu yaandi."

Biyiriki bya Bantumu 28:23

Bu bakaanga laki na Pawulo, bo bayisa mu lutaangu lwalaka ku nzo yaandi. Kuri bo kayaabisa mu nteelulu kimbaangi kya Kimfumu kya Nzaambi, mu kubayukusa mu mitariri Yesu, kabandukila mu Mangisi ma Moose, natee mu babikiri, baholosonaa kipari natee nsinsika.

Biyiriki bya Bantumu 3:18

mamo ma tekisiri kuyaabisa Nzaambi mu minwa mya babikiri bobanso, ti Kiristo dyaandi sa kamono mpasi, nde wamakukisiri.

Biyiriki bya Bantumu 3:21

Nde yulu kabweese kutaambula, natee ntaangu yi babweese kuyirika byobinso byamoono, bwa dzoonsiri Nzaambi mu minwa mya babikiri baandi bangisi, kuholosono mantaangu mahele kuwa.

Mukaanda kuri bari Ngalatya 6:2

Yendeenu lwenatisina binati beenu na beenu, mu bubwo, beenu lukukisa Mangisi ma Kiristo.

Mukaanda kuri bari Efeso 2:20

Beenu lwatuunguma ha yulu lufulu lwa bantumu na babikiri, Kiristo Yesu nde-meene ngo tari dya ha kuumbu.

Mukaanda kuri bari Efeso 3:5

dziri mu biseendu byalabuka, basii yaabisa dzo kuri baala ba baatu ko, ngo mu lumalu, Mpeeve mwaayaabisa dzo kuri bantumu baandi bangisi, na kuri babikiri.

1 Tim 6:14

kebe lutumu kwahele kuba mviindu, na kwahele kuba mi bakuseembele, natee ha kwiisa kumonokono Mfumu yeetu Yesu Kiristo.

2 Pet 2:21

Mukwongo, bwaketi kubvulila bubwe kuri bo, mu kuhele kuyaaba nzila ya nsungumunu, ti na kuri bamanaa kuyiyaaba, bayekiri lutumu lwangisi, lu bari babatubukila.

2 Pet 3:15

Holuleenu nkindusulu-mutima ya Mfumu yeetu, bunu mvuukulu yeenu. Bunubwo se, mpaangi yeetu ya mutima, Pawulo, kari kalutinina, bunu buri madyeele ma bari bamuha.

2 Pet 3:16

Bunubwo se kari katina mu mikaanda myominso, mi kari mu kudzoonsolo mu mamama. Munsa mikaanda mimyo, misamu myamosi miri mpasi mu kubakula, na baatu bahele na madyeele, na bahele kukwiikama, bakwemikitula bunu bu basaana se mu Matinu makaka, mu kusakisa mfukusulu ya bo-meene.

1 Yow 4:6

Beetu turi baatu ba Nzaambi. Wunde wuyaari Nzaambi kootuywiila. Ngo wunde wuri kari wa Nzaambi ko, kakootuywiila ko. Mu didyo, beetu tuyaabilaa Mpeeve ya ngwanwa, na mpeeve ya mawunu.

Mukaanda Yuda 1:17

Ngo kasi, beenu banduku ba mutima, baambukee mwooyo, mu maampu matekisiri kuleele bantumu, ba Mfumu yeetu Yesu Kiristo.

Nyabusulu ya Yowane 19:10

Me nyayilima ha miilu myaandi, mu kumusaambila. Mbasi yaleele kuri me ti: «Yaa sa bubwo ko; me se kisari nyiri bunu ye, na bunu bampaangi ba ye, bari na kimbaangi kya Yesu. Saambila Nzaambi!» Mukwongo, kimbaangi kya Yesu ngo mpeeve ya mbikululu.