2 Pet 3:14 - Musamu Wamubwete 2013

¹⁴ Hango-nkuumbu, banduku ba mutima, bu luri mu kwekiingila mamo, seenee makwa, mpisi nde kiisa kalutangusina mu kiyeengi, kuri lwahele na maka na mi baluseembele

2 Pet 3:14 ပူးပေါင်းရင်းမြစ်များ

Musamu wamubwete watina Matayi 24:26

Ngo mbuti baluleeriri ti: "Yukee, wuri ku nsi yankatu", yaa lupala ko; "Yukee, wuri kunsa bihekiri", yaa lusa kanyi ko.

Musamu wamubwete watina Matayi 25:7

Hanaho, bantuumba babo bobanso basiimbuka, na bayirika miinda myaaku.

Musamu wamubwete watina Luka 12:43

Kiminu kuri kisari kikyo, kiri mfumu ha kakwiisa, wumumwiini kuri wuri mu kusa bubwo.

Musamu wamubwete watina Luka 2:29

«Mu lumalu, Mfumu, hemese kisari kyaaku keende kwaandi mu kiyeengi, bunu bu waba leele.

1 Kol 1:8

Nde ngo wulukumisa natee kunu manunu, mpisi heki luba bahele maseembu mu kiluumbu kya Mfumu yeetu Yesu Kiristo.

1 Kol 15:58

Hango, bampaangi baami ba mutima, beeneenu na keketee, na ngwii, salee kisalu kya Mfumu, mu kiteesu kyalutila mu mantaangu momanso, bu luyaari kuri ti kisalu kyeenu mu Mfumu, ka kiri kyabuunu ko.

Mukaanda kuri bari Filipo 1:10

mu kuyaaba kusobokoso miri mufunu. Mu bubwo beenu luba batsyeemeke, na kuhele kuba na mi baluseembele mu kiluumbu kya Kiristo,

Mukaanda kuri bari Filipo 2:15

mpisi luhele kuba na mi baluseembele, luhele kuba na kinsaangi-nsobo, luba baala ba Nzaambi bahele na mi babaseembele, ha kakati dya kiseendu kya baatu bawumuka na bababi. Ha kakati dya baatu babo, beenu luri mu kweseme bunu byuufu bya mbaawu mu nsi,

Mukaanda kuri bari Filipo 3:20

Mukwongo, bula bweetu ngo mayulu, kukwo kuri Mubvuukisi wu turi mu kwekiinga, Mfumu Yesu Kiristo.

1 Tes 3:13

Hemese nde kakumisa mitima myeenu, mpisi heki beenu luba bangisi na bahele maseembu ha busu bwa Taayi dyeetu Nzaambi, mu ntaangu ya nyisulu Mfumu yeetu Yesu kintwaari na bangisi baandi bobanso. [Amene].

1 Tes 5:23

Hemese Nzaambi ya kiyeengi nde-meene, kalusa bangisi mu kiteesu kyakuka, na bumuutu bwa beenu bwobunso, kiluunsi, muheebulu na nyutu, biba byakebu kwahele maseembu, mu nyisulu Mfumu yeetu Yesu Kiristo.

1 Tim 6:14

kebe lutumu kwahele kuba mviindu, na kwahele kuba mi bakuseembele, natee ha kwiisa kumonokono Mfumu yeetu Yesu Kiristo.

Mukaanda kuri Bahebeleho 9:28

bunubwo se, Kiristo bamuha mu kikabu mbala mosi, mu kuyusula masumu ma fundu-fundu dya baatu, na kumonokono lwadzoolo kwahele masumu, kuri babo bamukiinga, mpisi kabaha mvuukulu.

Mukaanda wa Yakobo 1:27

Nsambukulu ya ngwanwa, na yahele nsumukunu ha busu bwa Taayi Nzaambi, ngo yimayi: kweyilimina bisaani na bafwiilila balumi, kunsa mpasi dzaaku, na kukebe nyutu yaandi mu nsumukunu dza nsi.

1 Pet 1:7

Mpisi heki nsiitsulu ya kanyi dyeenu, yibvuriri ntalu, ti na woolo dyatsyeemese mu mbaawu kasi difuukaana, yibaka ndaandu ya nsiikulu, ya nkeembu na ya lukiinsu, mu ntaangu yiyabakana Yesu Kiristo.

2 Pet 3:1

Banduku ba mutima, wumawu ngo mukaanda wamyoolo, me nyiri mu kulutinina. Mu myo myoolo, me nyilubaambula mwooyo, mpisi nyilusyaamisa mu mitariri madyeele ma bukensekelee mari mu beenu,

2 Pet 3:16

Bunubwo se kari katina mu mikaanda myominso, mi kari mu kudzoonsolo mu mamama. Munsa mikaanda mimyo, misamu myamosi miri mpasi mu kubakula, na baatu bahele na madyeele, na bahele kukwiikama, bakwemikitula bunu bu basaana se mu Matinu makaka, mu kusakisa mfukusulu ya bo-meene.

1 Yow 3:3

Mpisi wunde wuri na nsiitu dza bubwo mu Kiristo, lo wutsyeemikaa nde-meene, bunu bu kari katsyeemeke nde.