2 Pet 3:11 - Musamu Wamubwete 2013

¹¹ Ngo mbuti heki bubwo, ti byobinso sa byasulumuka, lo nkya baatu, beenu luyelemini kuba mu ndyaatulu ya bungisi, na mu kinzaambi,

2 Pet 3:11 ပူးပေါင်းရင်းမြစ်များ

Musamu wamubwete watina Matayi 8:27

Baatu bakimuka baleele ti: «Nkya muutu wu, bukuri biteembu na mubu bitumuma kuri nde?»

Mukaanda kuri bari Loma 13:11

Yabee kuri ti, ntaangu yimwaatubuka, kyeki kilookolo ki luyelemini kuba naana, bukuri mu lumalu, mvuukulu yeki yibvuriri bebele na beetuneenu, ti na mu ntaangu yi twasiiriri kanyi.

Mukaanda kuri bari Loma 13:12

Butsuku bweki la, bwiisi bweki bebele mu kukya. Ngo tulooseenu biyiriki bya mampimbisi, na tulwaatee binwaanunu bya buungi.

2 Kol 1:12

Mukwongo, kimweese kyeetu ngo kimbaangi kya nsimunu yeetu, beetu twadyaatiri ha nsi, na ha busu bwa beenu, mu nkulukulu na mu nsyemukunu ya Nzaambi, kari mu madyeele ma kimuutu ko, ngo mu bweese bwa Nzaambi.

Mukaanda kuri bari Filipo 1:27

Beenu ngo bari dyaatileenu mu kiteesu kyayelemene na Musamu Wamubwete wa Kiristo, mpisi heki, ti hayuku me nyiisiri kulumono, bunu pe nyahele kuba na beenu, me nyuka ti beenu luri na keketee mu mpeeve yomosi, na luri mu kwenwaana mu kitsimi kyokimosi, mu ntoono kanyi mu Musamu Wamubwete,

Mukaanda kuri bari Filipo 3:20

Mukwongo, bula bweetu ngo mayulu, kukwo kuri Mubvuukisi wu turi mu kwekiinga, Mfumu Yesu Kiristo.

1 Tes 1:5

Mukwongo, Musamu beetu Wamubwete wahele kutubuka kuri beenu, munu mu nzoonsulu kitsu, ngo se mu mpinu, mu Mpeeve Yangisi na mu nyukusulu ya musundu, bunu bu luyaari bu twaba beetu ha kakati dya beenu, mu ntoono beenu.

1 Tim 3:16

Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

1 Tim 4:12

Muutu yaa kasaana butuuti bwa ye ko, ngo soongo kifwaani kuri bangaa-kanyi, mu nzoonsulu, mu ndyaatulu, mu ntiilu, mu kanyi, na mu bungisi.

1 Tim 6:11

Ngo ye muutu Nzaambi, bata misamu mimyo. Yende wesaka nsungumunu, kinzaambi, kanyi, ntiilu, nkindusulu-mutima, bundeembu.

1 Tim 6:3

Mbuti muutu wuri na nyikusulu dzikimi, na wahele kukaangama mu maampu mamabwete ma Mfumu yeetu Yesu Kiristo, na mu nyikusulu dzayelemene na kinzaambi,

1 Tim 6:6

Mukwongo, kinzaambi nzila ya kubakila ndaandu, mbuti ye kiminu kwemono munu mu biwuri na byo.

Mukaanda kuri Bahebeleho 13:5

Ndyaatulu yeenu, yaa yiba yatwaalusu mu ntiki-mboongo ko, monee kiminu mu bini bi luri na byo. Bukuri nde-meene Nzaambi waleele ti: «Me nyikupatila ko, me nyikuyekele ko.»

Mukaanda wa Yakobo 1:24

Mukwongo, nde bu kameeni kukengese nyutu yaandi, weensi, na hanaho dzimikini bunu bu kari.

Mukaanda wa Yakobo 3:13

Nani mu beenu wuri ngaa-madyeele na wayika? Kasoongo dyo mu ndyaatulu yayibwete, na mu biyiriki byaandi bya kidzuunu na bya madyeele.

1 Pet 1:15

Ngo bunu buri wunde waluteele mbila, wuri wangisi, beenu se beenee bangisi mu ndyaatulu yeenu yoyinso.

1 Pet 2:12

Beenee na ndyaatulu yayibwete ha kakati dya bangooyi, mpisi heki ti hayuku bakwelufutukila misamu, bunu bayiriki ba mamabi, lo bo bamono biyiriki byeenu byabibwe, na bakeembise Nzaambi mu kiluumbu ki kakwiisa kulumono.

2 Pet 1:3

Mpinu dza kinzaambi kyaandi, dzatuha byobinso biri mufunu mu kidziingu na kinzaambi, mu nyaabulu ya ngwanwa ya wunde watuteele mbila, mu nkeembu yaandi na mu makwa maandi.

2 Pet 1:6

ha yulu nyaabulu, nkebulu nyutu, ha yulu nkebulu nyutu, kifiki, ha yulu kifiki, kinzaambi,

2 Pet 3:10

Kiluumbu kya Mfumu sa kiisa na sisuu bunu ngaa-kwiibi. Mu kiluumbu kikyo mayulu sa maluta mu kiyomo kya makwa. Bitotolo bikweluluka sa byasulumuka, na butoto na biyiriki biri mu bwo sa byaba byafuukusu.

2 Pet 3:12

bu luri mu kwekiinga na kwebingukila nyisulu kiluumbu kya Nzaambi! Mu kiluumbu kikyo, mayulu makweluluka sa masulumuka, na bitotolo bikwehense mu mbaawu sa byanyengemuke.