2 Pet 2:4 - Musamu Wamubwete 2013

⁴ Mukwongo, Nzaambi kasii wuungula bambasi basumukini ko, ngo wabakaangiri mu bikonyi, na wabatubiri ku lubila lwa mampimbisi, ku kari kabawuunguka mu ntoono mutsuundu.

2 Pet 2:4 ပူးပေါင်းရင်းမြစ်များ

Musamu wamubwete watina Matayi 25:41

«Haho mbyaasi sa kaleele kuri bari ku lumoso ti: "Tatukeenu la na me, beenu ba bari babulila mpopi, yendeenu ku mbaawu yahele manunu, yibari bayirikila mu ntoono dyabulu na bambasi baandi.

Musamu wamubwete watina Matayi 8:29

Mono, bo babeke mu kufula misaakulu, baleele ti: «Nki ha kakati dya ye, Mwaana Nzaambi, na beetu? Buri ye wiisiri mu kukwaamisa beetu tekekesele ntaangu yitubuka?»

Musamu wamubwete watina Malako 5:7

wabikisa mu mbeembu yayinene waleele ti: «Nki ha kakati dya me na ye, Yesu Mwaana Nzaambi Mwa-yulu? Me nyikuyingukila, mu nkuumbu Nzaambi, yaa kwaamisa me ko!»

Musamu wamubwete watina Luka 10:18

Yesu waleele kuri bo ti: «Me mbee mono Satana bunu nseremi, yiyisikiri ku yulu na yibwiiri!

Musamu wamubwete watina Luka 8:31

Mampeeve mamo maba yingukila Yesu, mpisi heki nde kahele kumatuma mu kweende ku lubila.

Musamu wamubwete watina Yowane 8:44

Taayi dya beenu ngo dyabulu, na beenu kutya kuyirika ma tiiri taayi dyeenu. Kuholosono kunu mbandukulu, nde mudzusi kari, na kasii ba kunsa ngwanwa ko, bukuri ngwanwa yahele mu nde. Habaanaa wudzoonso mya mpya, lo nde kusa bunu wudzoonso myamibwe, bukuri nde ngaa-mpya na taayi dya mpya.

Mukaanda kuri bari Loma 11:21

Bukuri, mbuti Nzaambi kasii wuungula bimpaala bya muti wamene mu nde-meene ko, lo ye se kakuwuungula ko.

Mukaanda kuri bari Loma 8:32

Nde wuri kasii wuungula Mwaana wa nde-meene ko, kasi wamuyekiri mu ntoono beetu-banso, lo dyaburi kahele kutuha byobinso kintwaari na nde?

2 Pet 2:11

koomosoko na bambasi, babvuriri makwa na mpinu, bahele kuteesele biluunsi bya nkeembu bibyo nzoonsulu dza nsaanunu, ha busu bwa Mfumu.

2 Pet 2:5

Nsi yayikulu se nde kasii kuyiwuungula ko, ngo wabvuukisiri Nowa muutu wampoomo, muyaabisi nsungumunu, ha katweesi mbuukulu maampa mu nsi ya baatu bahele na kinzaambi.

2 Pet 2:9

Mamo masoongo ti, Mfumu yaari kukuula bangaa-kinzaambi mu mpasi, na kukebe bahele kusuunguma mpisi baba baseembu mu kiluumbu kya mutsuundu,

1 Yow 3:8

Wunde wuyirikaa masumu, lo wa dyabulu, bukuri kuholosono kunu mbandukulu dyabulu watobiri masumu. Mu dimadi Mwaana Nzaambi kamonikini, mpisi katsyaamuna biyiriki bya dyabulu.

Mukaanda Yuda 1:13

Bo ngo mipaku mya mubu mya kibakala, mitoombolaa fula dya nsoni dzaaku, bambwetete bakweyiima, ba bari bawungukila, mampimbisi ma bubokoro mu mantaangu momanso.

Mukaanda Yuda 1:6

Bambasi bari basii kebe kibeendu kya bo-meene ko, ngo basisiri kikuundi kya bo-meene, nde wabawuunguka mu bikonyi bya bibvu ngo bibvu, kunsa mampimbisi, mu kiluumbu kyakinene kya mutsuundu.

Nyabusulu ya Yowane 20:10

Dyabulu mudziimbisi bo, bamutuba ku dyaanga dya mbaawu ya mile, kukwo kuri kibulu na mubikiri wampya, sa baba bakwaamusu butsuku na mwiini mu bibvu ngo bibvu.