2 Pet 2:20 - Musamu Wamubwete 2013

²⁰ Mukwongo, mbuti babaanaa bamwabvuuka mu nsumukunu dza nsi, mu ntoono nyaabulu ya Mfumu na Mubvuukisi weetu Yesu Kiristo, babweesiri kuba bakaangama lukimi mu nsumukunu dzidzo, na beki batumuma, lo kiteesu kya bo kisyeeriri, kyeki kibvuriri bubi ti na kyatete.

2 Pet 2:20 ပူးပေါင်းရင်းမြစ်များ

Mukaanda kuri bari Filipo 3:19

Nsukulu bo ngo mfuukulu, Nzaambi bo ngo mwooyo waaku, na nkeembu bo kumwiina kunsa mya nsoni myaaku, bo bakwenama mya nsi.

2 Tim 2:4

Kuri muutu ko wuri kakotaana mu buyongolo, bweesiri kakaangama mu misamu mya kidziingu, mbuti tiiri kubweeye kuri wunde wa muholo mu kisalu.

Mukaanda wa Yakobo 1:27

Nsambukulu ya ngwanwa, na yahele nsumukunu ha busu bwa Taayi Nzaambi, ngo yimayi: kweyilimina bisaani na bafwiilila balumi, kunsa mpasi dzaaku, na kukebe nyutu yaandi mu nsumukunu dza nsi.

2 Pet 1:11

Mukwongo, mu bubwo, nkotulu mu Kimfumu kyahele manunu, kya Mfumu na Mubvuukisi weetu Yesu Kiristo, yiba yaha kuri beenu mu bunsaalisi.

2 Pet 1:2

Bweese na kiyeengi biba byafunusu kuri beenu, mu nyaabulu yangwanwa ya Nzaambi, na ya Yesu Mfumu yeetu.

2 Pet 1:3

Mpinu dza kinzaambi kyaandi, dzatuha byobinso biri mufunu mu kidziingu na kinzaambi, mu nyaabulu ya ngwanwa ya wunde watuteele mbila, mu nkeembu yaandi na mu makwa maandi.

2 Pet 1:4

Mu byo bari bamusiila nsiilulu dzantalu na dzibvuriri bunene, mpisi heki mu dzo, beenu luba kintwaari mu nzelu ya kinzaambi, mu kubata nyiimunu dzadzibi dziri mu nsi.

2 Pet 1:8

Mukwongo, lubaanaa luri na mamo, na mabuukila mu beenu, lo maluha bubolo ko, na malusa bisita ko, mu nyaabulu Mfumu yeetu Yesu Kiristo;

2 Pet 2:18

Mukwongo, bakwedzoonso misamu myaminene myahele mufunu, bari mu kwekoondo mu nyiimunu dza muswinyi, mu buyala, babo babvuukila ha wuri dya mukuungi dya baatu bawumuka.

2 Pet 3:18

Buukeenu kunsa bweese, na nyaabulu ya Mfumu na Mubvuukisi weetu Yesu Kiristo. Kuri nde, kuba nkeembu lumalu, natee mu kiluumbu kyahele mbandukulu na manunu! Amene.