Wuri bunu butoto buri na manseende, bu bwiiri nsaangi, ngo muutu wuri kayukaa Maampu, ngo minyoongi mya nsi, na mawunu ma busina biswetikisi Maampu, na mo mahele kubuta bimbutu.
Mfumu yaandi wabvutula, waleele kuri nde ti: "Ye wuri kisari kyakibi na kiri na bubolo. Ye wayaari ti me kootolaa hari nyahele kukuna; na nkookutukisaa hari me nyahele kunyaka.
Hango, bampaangi baami ba mutima, beeneenu na keketee, na ngwii, salee kisalu kya Mfumu, mu kiteesu kyalutila mu mantaangu momanso, bu luyaari kuri ti kisalu kyeenu mu Mfumu, ka kiri kyabuunu ko.
Fyongokinee mitima myeenu beenu-meene, mu kumono kari luri mu kanyi, tswiikiseenu mitima myeenu; hoti lwahele kubakula beenu-meene, ti Yesu Kiristo wuri mu beenu? Mbuti pele, lo beenu lwahele kuba batswiikama.
Ngo bukuri beenu luri na byobinso byabuukula: kanyi, lungweensu, nyaabulu, kuheme mu myominso, na ntiilu yi luri na yo mu beetu; lo beenee se babuukula mu bweese bubwo.
Ngo kasi nyimono se ti byobinso byafuukila, ha busu bwa nyaabulu yibvuriri bunene mu Kiristo Yesu, Mfumu yaami. Mu ntoono nde, byobinso bi nyaba na byo nyamana kubibwoongolo, na me nyibimono bunu bitiiti byaloosu, mpisi heki me mbaka Kiristo,
kuri ti beenu lwedyaatila mu nzelu yayelemene mu Mfumu, mu kubweeye kuri mu myominso, mu kubuta bimbutu mu mpisi kiyiriki kyakibwete, na kubuuka mu nyaabulu ya Nzaambi.
Hemese maampu ma Kiristo madzakala mu beenu mu busina. Mu madyeele momanso, yikisineenu na lubusineenu beenu na beenu, mu mikuunga mya ndoombulu, mya ndumusu na mya kimpeeve. Yimbikilee Nzaambi mikuunga mya matoondo mu mitima myeenu.
Mu misiiri bampaangi, beetu tululoombo na tulusyaamisa mu Mfumu. Bu lwayeki lwayika kuri beetu ndyaatulu yayelemene mu kubweeye kuri Nzaambi, bunubwo se luri mu kwedyaatila, ngo bweeseenu kutoombolo kiteesu.
Bampaangi, Beetu tuyelemini kubvutula matoondo mpisi ntaangu kuri Nzaambi, mu ntoono beenu. Buri bwabubwete, bukuri kanyi dya beenu diri mu kwebuuka kwalaka, na ntiilu yi luri na yo mu bambaasi yiri mu kwehamisa mu muutu-muutu.
Ha yulu haho se, bilyeebe bari, bo misamu kweyaabila mu kweyende kyaatu-kyaatu mu manzo ma baatu; ngo kari bini bilyeebe bari ko, kasi bangaa-lusuku na bangaa-kintori se, bakweleele myahele kuyelemene.
Baatu ba beetuneenu se, bayelemini kuyika kuheele mutima mu biyiriki byabibwete, mu kubaka bibari na nzala byo bya mufunu, mpisi heki bahele kuba baatu bahele na bimbutu.
Mpinu dza kinzaambi kyaandi, dzatuha byobinso biri mufunu mu kidziingu na kinzaambi, mu nyaabulu ya ngwanwa ya wunde watuteele mbila, mu nkeembu yaandi na mu makwa maandi.
Mukwongo, mbuti babaanaa bamwabvuuka mu nsumukunu dza nsi, mu ntoono nyaabulu ya Mfumu na Mubvuukisi weetu Yesu Kiristo, babweesiri kuba bakaangama lukimi mu nsumukunu dzidzo, na beki batumuma, lo kiteesu kya bo kisyeeriri, kyeki kibvuriri bubi ti na kyatete.
Buukeenu kunsa bweese, na nyaabulu ya Mfumu na Mubvuukisi weetu Yesu Kiristo. Kuri nde, kuba nkeembu lumalu, natee mu kiluumbu kyahele mbandukulu na manunu! Amene.