2 Pet 1:4 - Musamu Wamubwete 2013

⁴ Mu byo bari bamusiila nsiilulu dzantalu na dzibvuriri bunene, mpisi heki mu dzo, beenu luba kintwaari mu nzelu ya kinzaambi, mu kubata nyiimunu dzadzibi dziri mu nsi.

2 Pet 1:4 ပူးပေါင်းရင်းမြစ်များ

Mukaanda kuri bari Loma 9:4

bapalila mu Isaheli. Kuri bo, bari baha kiteesu kya kuba baala ba Nzaambi, nkeembu, ndelusunu, kikabu kya mangisi, kisalu kya lusaambulu, nsiilulu.

2 Kol 1:20

Mukwongo, nsiilulu dza Nzaambi dzodzinso mu nde dini «heehe» diri, Mu didyo se beetu tukooleelaa ti «Amene» kuri Nzaambi, mu kumuha nkeembu.

2 Kol 3:18

Beetu-banso bari busu bwahele kufuka nsaanda, nkeembu ya Mfumu yiri mu kuseme mu beetu, bunu ti mu lumweenye, mu kifwaani kikyo turi twakituka mu nkeembu na nkeembu, mu Mfumu wuri Mpeeve.

2 Kol 6:17

Hango nkuumbu, Mfumu ti: «Paleenu ha kakati dya bo, na haambikiseenu na bo. Yaa lubelemene kitotolo ti kimosi kya sumuka ko, na me sa nyalutaambula.

Mukaanda kuri bari Ngalatya 3:16

Nsiilulu basii dzo kuri Abalaami na kuri wapalila mu nde. Bahele kuleele ti: «kuri bapalila mu nde», bunu ti kuri baatu balaka, ngo kuri muutu mosi, «na kuri wapalila mu ye», ngo Kiristo.

Mukaanda kuri bari Ngalatya 6:8

Bukuri wunde wukuna mu kimuutu kya nde-meene, sa katolo mu kimuutu mbiiyulu; na wunde wukuna mu Mpeeve, sa katolo mu Mpeeve, kidziingu kyahele manunu.

Mukaanda kuri bari Efeso 4:13

natee bu tutubukiri beetu-banso, mu kintwaari kya kanyi na kya nyaabulu Mwaana Nzaambi, mu muutu wabuuka, mu kiteesu kya kuba na mutele wasuka wa Kiristo.

Mukaanda kuri bari Kolosayi 3:10

na bu lwayeki lwalwaata muutu wamoono, wubweese kukituka wamoono, mu kubaka nyaabulu mu kifwaani kya wamuyirika.

Mukaanda kuri Bahebeleho 12:10

Bo baba kwetuseembaana mu mwaa-ntaangu yantele, bunu bu baba kwemwiinaa bo, ngo kasi Nzaambi kutuseembe mu ndaandu ya beetu-meene, mu kuri ti katuha bungisi.

Mukaanda kuri Bahebeleho 9:15

Mu didyo, nde kari munkabu-kati wa lulelusunu lwamoono, mpisi heki lufwa lwaandi, bu lwayisa mu kukuula baatu mu lumvuki lu basiiri, mu lulelusunu lwatete, babo bayuka mbila, bataambula Saala dya mantaangu momanso, di bari babasiila.

Mukaanda wa Yakobo 1:27

Nsambukulu ya ngwanwa, na yahele nsumukunu ha busu bwa Taayi Nzaambi, ngo yimayi: kweyilimina bisaani na bafwiilila balumi, kunsa mpasi dzaaku, na kukebe nyutu yaandi mu nsumukunu dza nsi.

2 Pet 1:1

Simehoni Petelo, nkutu na ntumu Yesu Kiristo, kuri babo bataambula kanyi diri ntalu yo yimosi na dya beetu, mu nsungumunu ya Nzaambi yeetu, na ya Mubvuukisi Yesu Kiristo.

2 Pet 3:13

Ngo beetu turi mu kwekiingila, bunu buri lusiilulu lwaandi, mayulu mamoono na butoto bwamoono, mumwo muba nsungumunu.

2 Pet 3:9

Mfumu wahele kudziingila mu kukukisa nsiilulu dzaandi, bunu buri mu kwetsima babamosi ti wuri mu kudziingila; ngo nde wukiindisaa mutima mu beenu, bukuri katiiri ko ti babamosi bafuuka, ngo nde tiiri ti baatu bobanso biisa ku nyiingulu madyeele.

1 Yow 2:25

Na lu ngo lusiilulu lu kari kalusiila, kidziingu kya mantaangu momanso.

1 Yow 3:2

Banduku ba mutima, mu lumalu turi baala ba Nzaambi, na bubwo mbasi-tsuku bu tubeenee bwakiri kumonokono pe. Tuyaari kuri ti: mbuti nde monokini, lo beetu sa twafwanikina na nde, bukuri sa twamumono bunu bu kari.