2 Pet 1:17 - Musamu Wamubwete 2013

¹⁷ Mukwongo, nde wataamburi lukiinsu na nkeembu kuri Taata Nzaambi. Mbeembu yayukukuna kuri nde mu nkeembu yayinene ti: «Wumawu ngo mwaana waami wa mutima, mu nde me nyimonaa kiminu.»

2 Pet 1:17 ပူးပေါင်းရင်းမြစ်များ

Musamu wamubwete watina Matayi 12:18

«Wu ngo kisari kyaami, ki nyiri nyasoolo, mwaana waami wa mutima, wu nkoomwiina me kiminu. Me nsa nsuusa Mpeeve yaami mu nde, na nde sa kayaabisa mutsuundu kuri makaanda.

Musamu wamubwete watina Matayi 17:3

Na mono, Moose na Eliya bamonokono, bari mu kudzoonso na Yesu.

Musamu wamubwete watina Matayi 17:5

Bu kaba wakiri mu kudzoonso, mono tuti dya buungi dyabafuka mu mposi yaandi, na mono, mbeembu mosi yayukukuna mu tuti, yaleele ti: «Wumawu ngo mwaana waami wa mutima, mu nde me nyimonaa kiminu, muywiileenu!»

Musamu wamubwete watina Matayi 28:19

Hango, bu lukweende, seenee makaanda momanso bayiki, mu kubabotoko mu nkuumbu ya Taata, na ya Mwaana, na ya Mpeeve Yangisi,

Musamu wamubwete watina Matayi 3:17

Na mono, mbeembu ya nangukina ku mayulu yaleele ti: «Wumawu ngo mwaana waami wa mutima; mu nde me nyimonaa kiminu.»

Musamu wamubwete watina Malako 1:11

Mbeembu yayukukuna mu mayulu ti: «Ye ngo Mwaana waami wa mutima, me nyimonaa kiminu mu ye.»

Musamu wamubwete watina Malako 9:7

Tuti dyayisa ha yulu bo, na dyabafuka mu mposi yaandi; na mono, mbeembu mosi yayukukuna mu tuti, yaleele ti: «Wumawu ngo Mwaana waami wa mutima, mu ywiileenu!»

Musamu wamubwete watina Luka 10:22

Me Taata wampa byobinso. Kuri muutu ti mosi wuyaari Mwaana, mbuti ka Taata ko. Kuri se muutu ti mosi wuyaari Taata, mbuti ka Mwaana ko, na kuri wunde wuri Mwaana tiiri kamuyaabisa.»

Musamu wamubwete watina Luka 3:22

na Mpeeve Yangisi yakulumuka ha yulu nde, mu kifwaani kya beembe, na mbeembu mosi yadzoonso ku yulu ti: «Ye ngo mwaana waami wa mutima, me nyimonaa kiminu mu ye.»

Musamu wamubwete watina Yowane 10:15

bunu bu nyaabiri Taata, me se bunubwo nyaabiri Taata, na me nyiha kidziingu kyaami mu bimeeme byaami.

Musamu wamubwete watina Yowane 10:36

kuri wunde wuri Taata wamusakumuna na wamuheeke ha nsi, beenu luleele ti: ye wusaana, bukuri me ndeeriryee ti: Me nyiri Mwaana Nzaambi?

Musamu wamubwete watina Yowane 14:11

Siilee kanyi ti: me nyiri mu Taata, na taata wuri mu meenu; Siilee kwandi ti kanyi mu ntoono biyiriki byo-meene.

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Musamu wamubwete watina Yowane 17:21

mpisi heki bobanso baba mosi, bunu buri ye Taata mu me, na me se mu ye, mpisi heki bo se baba mu beetu, kuri heki nsi yisa kanyi, ti ye wampeeke.

Musamu wamubwete watina Yowane 20:17

Yesu waleele kuri nde: «Yaa belemene me ko! Bukuri me nyakiri kutoomboko pe kuri Taata; ngo kasi yende kuri bampaangi ba me, na leele kuri bo ti: Me ntoombokiri kuri Taayi dyaami, na Taayi dya beenu, na Nzaambi yaami na Nzaambi yeenu.»

Musamu wamubwete watina Yowane 3:35

Taayi tiiri Mwaana, na wayakisa byobinso mu myooko myaandi.

Musamu wamubwete watina Yowane 5:20

Mukwongo, Taayi tiiri Mwaana, na wumusoongaa momanso ma kayirikaa nde-meene. Nde sa kamusoongo biyiriki bibvuriri bunene ti na bibyo, mpisi heki beenu lukimuka.

Musamu wamubwete watina Yowane 5:26

Bukuri, bunu buri Taayi wuri na kidziingu mu nde-meene, bunubwo se nde kari kaha kuri Mwaana mu kuba na kidziingu mu nde-meene.

Musamu wamubwete watina Yowane 6:27

Salee, kari mu ntoono byandya bibolaa ko, ngo mu ntoono byandya binamitinaa mu kidziingu kyahele manunu, mbasi-tsuku biluha Mwaana muutu, bukuri nde Taayi Nzaambi, kari kasa kinyemu kyaandi.»

Musamu wamubwete watina Yowane 6:37

Mpisi wumpa Taata, sa kiisa kuri me, na me nyiri mbingila wunde wukwiisa kuri me ko,

Musamu wamubwete watina Yowane 6:39

Kutya kwa wunde wampeeke kuri ti, me mpele kudziimbisa ti mosi mu ba kari kampa, ngo me sa nyamufulukisa [mu] kiluumbu kya manunu.

Mukaanda kuri bari Loma 15:6

mpisi heki, mu mutima mosi na mu munwa mosi, beenu lukeembese wuri Nzaambi na Taayi dya Mfumu yeetu Yesu Kiristo.

2 Kol 1:3

Kaba wasakumunu, Nzaambi, Taayi dya Mfumu yeetu Yesu Kiristo, Taayi diri na ngebe na diri na mboondulu yoyinso,

2 Kol 11:31

Nzaambi, Taayi dya Mfumu Yesu, nde wasakumunu mu mibvu ngo mibvu, yaari kuri ti me nyahele kusa mpya.

Mukaanda kuri Bahebeleho 1:3

Nde wuri kuseme kwa nkeembu yaandi, na kifwaani kya nzelu yaandi, nde wakwaata nsi mu mpinu dza maampu maandi; bu kamana kutsyeemese baatu mu masumu, nde wadzakala ha lubakala lwa Mwa-mpuungu kunu kinsongi-yulu.

2 Yow 1:3

Hemese bweese, ngebe na kiyeengi bifumunaa kuri Taayi Nzaambi, na kuri Yesu Kiristo Mwaana wa Taayi, byeba na beetu, mu ngwanwa na mu ntiilu.

Mukaanda Yuda 1:1

Yuda, nkutu Yesu Kiristo, mpaangi Yakobo, kuri babo ba bari bateele mbila, batya mu Taayi Nzaambi, na ba bari bakebe mu Yesu Kiristo.