2 Kol 9:8 - Musamu Wamubwete 2013

⁸ Nzaambi wakuka mu kululuulusa mu mabweese ma bitsuumbu-bitsuumbu, mpisi heki mu mantaangu momanso beenu luba na byakuka, na luba se na bya mansaalisi mu kweyirika momanso mamabwe,

2 Kol 9:8 ပူးပေါင်းရင်းမြစ်များ

Biyiriki bya Bantumu 9:36

Ku Yope kwaba muyiki mosi wa mukyeetu, nkuumbu yaandi Tabita, mambangukulu "Dorka". Nde waba waluula mu biyiriki byabibwete na waba kwehaanaa lubakusu.

1 Kol 15:58

Hango, bampaangi baami ba mutima, beeneenu na keketee, na ngwii, salee kisalu kya Mfumu, mu kiteesu kyalutila mu mantaangu momanso, bu luyaari kuri ti kisalu kyeenu mu Mfumu, ka kiri kyabuunu ko.

2 Kol 13:3

bukuri beenu luri mu kusaka kimbaangi ti Kiristo wudzoonsaa mu me. Nde wahele na buyonsi kuri beenu, ngo kasi wusoongaa mpinu dzaandi mu beenu.

2 Kol 8:19

Kari minimyo ko, ngo mabuundu mamo mamusooriri se mu kweyende na beetu, mu kisalu kya lubakusu ki turi mu kwesala, mu kusaka nkeembu ya Mfumu nde-meene, na mu kusoongo kifiki kyeetu.

2 Kol 8:2

Kunsa mpasi dzi bari babwanikina na dzo, kiminu kya bo kya mansaalisi, na buwelu bwa bo bwa musundu, byabwookoso busina mu mpeelu bikabu bya bo,

2 Kol 8:7

Ngo bukuri beenu luri na byobinso byabuukula: kanyi, lungweensu, nyaabulu, kuheme mu myominso, na ntiilu yi luri na yo mu beetu; lo beenee se babuukula mu bweese bubwo.

2 Kol 9:11

Beenu sa lwaba bisina mu myominso, mpisi lweha bikabu bya bitsuumbu-bitsuumbu, bisa kuri ti mu kisalu kya beetu, baatu babvutula matoondo kuri Nzaambi;

Mukaanda kuri bari Efeso 2:10

Mukwongo, beetu turi biyiriki bya Nzaambi, nde watuyirika mu Kiristo Yesu, mu kuba na biyiriki byabibwete, bi kari katekesele kuyirika, mpisi tubisalila.

Mukaanda kuri bari Efeso 3:20

Kuri wunde wakuka mu kuyirika, kwakinkulu, ha yulu momanso ma tuloombaa bunu pe ma tutsimaa, bunu buri mpinu dzikwesala mu beetu,

Mukaanda kuri bari Filipo 4:11

Kari mu nzala kubaka ko me nyileele bubwo, ngo bukuri me nyayika kuba mu kiminu, kunsa biteesu byobinso bi nyiri.

Mukaanda kuri bari Kolosayi 1:10

kuri ti beenu lwedyaatila mu nzelu yayelemene mu Mfumu, mu kubweeye kuri mu myominso, mu kubuta bimbutu mu mpisi kiyiriki kyakibwete, na kubuuka mu nyaabulu ya Nzaambi.

2 Tes 2:17

kaboondo mitima myeenu, na kalukumisa mu biyiriki byobinso, na mu nzoonsulu dzadzibwete.

2 Tim 2:21

Ngo mbuti muutu tsyeemisini nyutu yaandi mu mamabi mamo, lo nde sa kaba lukoombo lwa lukiinsu, lwawuunguku, luri mufunu kuri Mfumu, mu kulusalila mu mpisi ma bayirikaa mamabwete.

2 Tim 3:17

mpisi heki muutu Nzaambi kaba wayirima, na kabaka biri mufunu mu nyirikulu momanso mamabwete.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Mukaanda kuri Tito 3:14

Baatu ba beetuneenu se, bayelemini kuyika kuheele mutima mu biyiriki byabibwete, mu kubaka bibari na nzala byo bya mufunu, mpisi heki bahele kuba baatu bahele na bimbutu.

Mukaanda kuri Tito 3:8

Maampu mamama mayelemene mu kusiila kanyi, na me ntiiri ti ye yirika kutswiikisa dyaambu didyo, mpisi heki bamwaasiila kanyi mu Nzaambi, batsimina na baheele mutima mu biyiriki byabibwete. Mimyo miri myamibwete na miri mufunu kuri baatu.

1 Pet 4:10

Mpisi muutu, bunu buri kikabu kikari kataambula, kasalila kyo mu ndaandu ya bobanso, bunu bakebi bababwete ba mabweese ma Nzaambi, ma bitsuumbu-bitsuumbu.