2 Kol 9:2 - Musamu Wamubwete 2013

² Mukwongo, me nyaari kifiki kya beenu, na mu kyo me nyiri na kimweese mu beenu kuri bari Makedonya. Bari ku Akaya beki bayirima kuholosono mubvu wayooko, na kuheme kwa beenu kwaheeri nsyamusunu kuri balaka mu bo.

2 Kol 9:2 ပူးပေါင်းရင်းမြစ်များ

Biyiriki bya Bantumu 18:12

Ngalyono waba kimonikisi kya nsi ya Loma ku Akaya; Bayudayo bayukusina batelemise kitaatu mu Pawulo, na bamunata ku nzo ya miyalu,

Biyiriki bya Bantumu 24:17

«Ha mambisa mya mibvu myalaka, me nyiisiri kubvutuka ku Yerusalemi, mu kutwaala lubakusu kuri kaanda dyaami, na kuha bikabu.

Mukaanda kuri bari Loma 15:26

Mukwongo, bari Makedonya na bari Akaya, bamwiini ti buri bwabubwete, mu kusoongo kintwaari mu ntoono bawelu bangisi ba ku Yerusalemi.

1 Kol 16:15

Me nyilusyaamisa bampaangi: beenu luyaa kuri ti baatu ba mu nzo Estefana, ngo batete bayiingiri madyeele mu Akaya; na bo bayekele manyutu mu kisalu kya bangisi.

2 Kol 1:1

Pawulo, ntumu Kiristo Yesu mu kutya kwa Nzaambi, na Timoteho mpaangi, kuri dibuundu dya Nzaambi diri ku Korinto, na kuri bangisi bobanso bari mu Akaya dyodinso.

2 Kol 7:14

Ngo mbuti ha busu bwa nde, me nyasoongiri kimweese mu ntoono beenu, lo me nyasii mono nsoni mu mimyo ko, ngo kasi bunu buri ngwanwa yoyinso yi turi twaleele kuri beenu, bunubwo se kimweese ki twasoongiri kuri Tito mu ntoono beenu, kiri kyangwanwa.

2 Kol 7:4

Me nyiri na nsiitu yalaka mu beenu, nyiri na kimweese kyalaka mu beenu, me nyaluula mu mboondulu, me kiminu kyabuukula kunsa mpasi dzeetu dzodzinso.

2 Kol 8:10

Me nyiluha kitsimi kya mu mimyo: mukwongo, myayelemene mu beenu mimami, beenu lwaba batete kari munu mu kutolo lubakusu ko, ngo na mu kubaka kitsimi kya bubwo, kuholosono mu mubvu wayooko.

2 Kol 8:11

Ngo mu lumalu, kuundulee kisalu kikyo, mpisi heki mamo ma lutiiri kukukisa, bunu buri lubaku lweenu, mayelemene na kifiki kya kutya kweenu.

2 Kol 8:19

Kari minimyo ko, ngo mabuundu mamo mamusooriri se mu kweyende na beetu, mu kisalu kya lubakusu ki turi mu kwesala, mu kusaka nkeembu ya Mfumu nde-meene, na mu kusoongo kifiki kyeetu.

2 Kol 8:24

Yirikee kusoongo, ha busu bwa mabuundu, kidiimbu kya ntiilu yeenu, na kimweese kyeetu mu beenu kuri bo.

2 Kol 8:8

Me nyahele kuluha lutumu, kasi me nyiludzoonsolo mu kuheme kya bambaasi, mu kuri ti beenu se lusoongo bungwanwa bwa ntiilu yeenu.

1 Tes 1:7

Mu didyo, beenu lwayeki kifwaani kuri bobanso basiila kanyi, bari ku Makedonya na bari ku Akaya.

Mukaanda kuri Bahebeleho 10:24

Hemese tukebesenee manyutu beetu na beetu, mu kubaka nsyamusunu mu ntiilu na mu biyiriki byabibwete.