2 Kol 9:15 - Musamu Wamubwete 2013

¹⁵ Matoondo kuri Nzaambi mu ntoono kikabu kyaandi kyankimukunu!

2 Kol 9:15 ပူးပေါင်းရင်းမြစ်များ

Musamu wamubwete watina Luka 2:14

«Nkeembu kuri Nzaambi kunu kinsongi-yulu, na kiyeengi ha butoto, kuri baatu ba katiiri.»

Musamu wamubwete watina Luka 2:38

Mu kilookolo kikyo, nde se waba hanaho, wabeke mu kubvutula matoondo kuri Nzaambi, na wadzoonsolo mu mwaana wunde, kuri bobanso babakiingila nkuululu ya Yerusalemi.

Musamu wamubwete watina Yowane 1:16

Bukuri mu nduululu yaandi, beetu-banso twataambula bweese ha yulu bweese;

Musamu wamubwete watina Yowane 3:16

Bukuri bumabu Nzaambi watya nsi, nde waha Mwaana waandi ndemosi, kuri heki, mpisi wunde wumusiila kanyi, kahele kufuuka, ngo kabaka kidziingu kyahele manunu.

Mukaanda kuri bari Loma 5:15

Kasi, kikabu kya bweese kyahele kuba bunu buri kiteesu kya lumvuki. Ngo mbuti heki mu lumvuki lwa muutu mosi, lufwa luri lwakoto mu baatu balaka, lo dibvuriri mufunu diri bweese bwa Nzaambi, na kikabu kya bweese, mu muutu mosi, ngo Yesu Kiristo, bari baheele byo kwa mansaalisi kuri baatu balaka.

Mukaanda kuri bari Loma 6:23

Mukwongo, mufutu masumu ngo lufwa; ngo kasi kikabu kya mungengi kya Nzaambi, ngo kidziingu kyahele manunu, mu Kiristo Yesu Mfumu yeetu.

Mukaanda kuri bari Loma 8:32

Nde wuri kasii wuungula Mwaana wa nde-meene ko, kasi wamuyekiri mu ntoono beetu-banso, lo dyaburi kahele kutuha byobinso kintwaari na nde?

1 Kol 15:57

Matoondo kuri Nzaambi, nde kootuhaanaa ndulukulu mu Mfumu yeetu Yesu Kiristo.

2 Kol 2:14

Matoondo kuri Nzaambi! Nde wuri mu mpisi ntaangu wutululukisaa mu Kiristo, na wukwepukulaa mu mpisi kibeendu, mfuku ya nyaabulu yaandi mu beetu.

2 Kol 9:11

Beenu sa lwaba bisina mu myominso, mpisi lweha bikabu bya bitsuumbu-bitsuumbu, bisa kuri ti mu kisalu kya beetu, baatu babvutula matoondo kuri Nzaambi;

2 Kol 9:14

Mu nsaambulu dza bo mu beenu, bo sa basoongo musoongo walaka wu bari na nde, mu ntoono bweese bwa mansaalisi bwaluha Nzaambi.

Mukaanda kuri bari Efeso 5:20

Bvutulee matoondo mpisi ntaangu, mu myominso, kuri Taayi Nzaambi, mu nkuumbu ya Mfumu yeetu Yesu Kiristo.

Mukaanda wa Yakobo 1:17

Mpisi kikabu kyakibwete, na mpisi kimbwanga kyayirima, lo kya ku yulu, kifumunaa kuri taayi dya buungi, kuri nde kwahele nsobokoso na mposi yayiinga kibeendu ko.

Nyabusulu ya Yowane 4:9

Na mu mpisi ntaangu, yiri bibulu bibyo biha nkeembu, lukiinsu na matoondo kuri wunde wadzakala ha yulu mboloko, wuri mwooyo mu bibvu ngo bibvu,