2 Kol 8:19 - Musamu Wamubwete 2013

¹⁹ Kari minimyo ko, ngo mabuundu mamo mamusooriri se mu kweyende na beetu, mu kisalu kya lubakusu ki turi mu kwesala, mu kusaka nkeembu ya Mfumu nde-meene, na mu kusoongo kifiki kyeetu.

2 Kol 8:19 ပူးပေါင်းရင်းမြစ်များ

Biyiriki bya Bantumu 14:23

Mu mpisi dibuundu, bo basoolo bakulu ba babakala, babasaambikila, na bakoto loomi, bayekele bo kuri Mfumu mu wunde wubari basa kanyi.

Biyiriki bya Bantumu 15:22

Mukwongo, bantumu na bakuutu bayukusina na dibuundu dyodinso, mu kusoolo baatu munsa bo na mu kubaheeke ku Antyoke, kintwaari na Pawulo na Barnaba na Yuda wu bakotelaa ti Barsaba na Sila baatu balukiinsu ha kakati dya bampaangi.

Biyiriki bya Bantumu 15:25

beetu twamwiini ti bwayelemene mu kusoolo baatu ba kuheeke ha kimosi na bampaangi beetu ba mutima Barnaba na Pawulo;

Biyiriki bya Bantumu 19:22

Nde waheeke ku Makedonya boolo mu bisari byaandi, Timoteho na Erasto, mu ntaangu yi kabakiingila ku Asya.

Biyiriki bya Bantumu 19:29

Bvula dyodinso dyaluula mu kisaangila, bakwaata Ngayo na Aristarako wa ku Makedonya, bambaasi ba Pawulo, babanata mu kitsimi kimosi ku nzo bimpa.

Mukaanda kuri bari Loma 5:11

Kari mu mini mimyo kitsu ko, ngo beetu twasa kimweese kyeetu mu Nzaambi, mu nkuumbu ya Mfumu yeetu Yesu Kiristo, mu nde turi twataambula nyukusunu lumalu.

Mukaanda kuri bari Loma 5:3

Kari bunubwo kitsu ko, ngo beetu tusiila kimweese kyeetu mu mpasi, bu tuyaari ti mpasi dzibutaa kifiki.

2 Kol 4:15

Mukwongo, myominso mimyo miri mu ntoono beenu, mpisi heki bweese buhamisaana mu baatu balaka, mvutukulu matoondo se yiba yabuukula mu nkeembu ya Nzaambi.

2 Kol 8:11

Ngo mu lumalu, kuundulee kisalu kikyo, mpisi heki mamo ma lutiiri kukukisa, bunu buri lubaku lweenu, mayelemene na kifiki kya kutya kweenu.

2 Kol 8:12

Bukuri mbuti bitsimi biri byabibwete, lo bataamburi kikabu, bunu buri bi tubakiri nkani ka mu bi tuheriri kubaka ko.

2 Kol 8:20

Beetu tukwebata maseembu, mu mitariri bwa kusalila mboongo dzalaka dzi bari batuha;

2 Kol 9:2

Mukwongo, me nyaari kifiki kya beenu, na mu kyo me nyiri na kimweese mu beenu kuri bari Makedonya. Bari ku Akaya beki bayirima kuholosono mubvu wayooko, na kuheme kwa beenu kwaheeri nsyamusunu kuri balaka mu bo.

2 Kol 9:8

Nzaambi wakuka mu kululuulusa mu mabweese ma bitsuumbu-bitsuumbu, mpisi heki mu mantaangu momanso beenu luba na byakuka, na luba se na bya mansaalisi mu kweyirika momanso mamabwe,