2 Kol 8:1 - Musamu Wamubwete 2013

¹ Beetu tuyaabisa kuri beenu, bampaangi, bweese bwa Nzaambi bwataamburi mabuundu mari ku Makedonya.

2 Kol 8:1 ပူးပေါင်းရင်းမြစ်များ

Musamu wamubwete watina Matayi 25:22

Wunde se wataambiri byoolo, wakokosolo, waleele ti: "Mfumu, bitalanta byoolo ye wayakisiri me. Mono byoolo byakaka, me nyabakiri."

Biyiriki bya Bantumu 11:23

Nde bu katubuka, wamoono bweese bwa Nzaambi, wakeembe na wasyaamisa bobanso mu mutima mosi, mu kukaangama mu Mfumu,

Biyiriki bya Bantumu 16:9

Ngo mu butsuku, Pawulo wabaka mamono-miisu: muutu mosi wa ku Makedonya waba wateleme na waba muyiingikila, na kumuleele ti: "Wasa ku Makedonya, wutubakisa."

Biyiriki bya Bantumu 24:17

«Ha mambisa mya mibvu myalaka, me nyiisiri kubvutuka ku Yerusalemi, mu kutwaala lubakusu kuri kaanda dyaami, na kuha bikabu.

Mukaanda kuri bari Loma 15:26

Mukwongo, bari Makedonya na bari Akaya, bamwiini ti buri bwabubwete, mu kusoongo kintwaari mu ntoono bawelu bangisi ba ku Yerusalemi.

1 Kol 15:10

Mu bweese bwa Nzaambi, me nyiri bu nyiri, na bweese bwaandi ku nyiri me, bwasii ba bwabuunu ko, kasi me nyabvula kusala na bobanso, ngo kari me ko, kasi bweese bwa Nzaambi buri mu me.

2 Kol 11:9

Ha nyaba kuri beenu, bu nyaba na nzala lubakusu, me nyasii diila muutu manene ko; ngo me nyataambula lubakusu kuri bampaangi bafumini ku Makedonya; mu myominso me nyabisiri kuri ti beenu lumbuungula, na sa nyanamitina kubisa ntoono yiyo.

2 Kol 9:12

bukuri kisalu kikyo kya ntolulu bikabu, kari lunu lubakusu kiha kuri bangisi ko, ngo se kisa kuri ti, baatu babvutula matoondo malaka kuri Nzaambi.

2 Kol 9:2

Mukwongo, me nyaari kifiki kya beenu, na mu kyo me nyiri na kimweese mu beenu kuri bari Makedonya. Bari ku Akaya beki bayirima kuholosono mubvu wayooko, na kuheme kwa beenu kwaheeri nsyamusunu kuri balaka mu bo.

2 Kol 9:4

mu kubata kuri ti, mu nsiitu dza bubwo beetu tufwa nsoni, mu kuhele kuleele ti beenu lufwa nsoni, mbuti heki bari Makedonya biisaana kintwaari na me, bamwii kuri ti beenu lwahele kuyirima.

Mukaanda kuri bari Efeso 3:8

Kuri me wu bvuriri buntele mu bangisi bobanso, bari baha bweese bumabu, bwa kuyaabisa kuri makaanda busina bwa Kiristo bwahele mbangukulu,

Mukaanda kuri bari Kolosayi 1:29

Mu bubwo se, me nyiri mu kubama, mu kwenwaana bunu buri makwa maandi, mari mu kwesala mu me, mu mpinu.

1 Tes 4:10

Bubwo se beenu luri mu kuyirikaana kuri bampaangi bobanso bari ku Makedonya, ngo beetu tulusyaamisa bampaangi, mu kubweese kutoombolo kiteesu,